Nhiv no, têx nênhs nhoz shông uô nuv xar mul uô nuv hâur hur si huyện mal 66.805 lênhx nênhs. Tas nro huyện muôx zuôr luôs 2.000 lênhx nênhs uô hâux lưv trâu 67 tsêr luôv, 24 tsêr mair tênhz điện thiaz 1 công ty xơưk tsôngk hnar hâur thax tsav. Iz chas ntơư, iz shông muôx 10.000 lênhx nênhs nriar hâux lưv uô trâu têx tỉnh thành txơưr, sâu tâu txix 7 txos 9 triệu nhiax/nênhs/hli. Ntu 2022-2025, huyện Mường La muôx 142 lênhx nênhs mul uô hâux lưv trâu oz chas têz qơưk, li: Nhật Bản, Đài Loan, Hàn Quốc, Nga thiaz iz cxia têz qơưk txơưr, xav siz bâus sâu tâu nhiax ntâu yax 5 txos 8 bâus njuôk li uô nuv hâur têz qơưk.

Jâus cơưv, đại biểu têx xã, thị trấn tưz kria lol sâuv têx nênhs mul uô hâux lưv trâu oz chas têz qơưk. Đros ntơư, moz siaz lax saz thiaz tso tơưv iz cxia tsưr ziv chia uô jông đuô hâux lưv cxơưz paz pêx xênhv mul uô hâux lưv trâu oz chas têz qơưk. Hâur ntơư, moz siaz txos hâux lưv kria têx xor mông cxix cxuô têx qơư xar zuôr nênhs uô nuv, têx nhiax hli, kria nzir tsưr ziv uô nuv thiaz kria lul oz chas têz qơưk. Saiz hloz têx tổ chức đoàn thể kror hâux lưv kria trâu nênhs mul uô mul uô hâux lưv trâu têx qơư txâuk njênhs...

Ndax jâus no, Công ty cổ phần Xuất khẩu lao động Thương mại thiaz Du lịch tưz kria thiaz têz iz cxia ndâux lul pêx xênhv nus txos lol sâuv mul uô hâux lưv trâu oz chas têz qơưk, nhiax hli thiaz têx cêr paz trâu nênhs xar mul uô hâux lưv trâu têx têz qơưk li Qatar, Đài Loan, Nhật Bản, Hàn Quốc thiaz iz cxia têz qơưk txơưr.