Ntơưv cxiax cxênhv saiz hloz, têx fâuv thơưx car Huyện đoàn Mai Sơn, hluôk nênhs tưz yaz đuô cênhz cưv ntơưv Đoàn TNSC Hồ Chí Minh hâur 94 shông đhâu.

Njênhs njôngr, txuôk nzir cênhz cưv nto mông ntơưv Đoàn TNCS Hồ Chí Minh, hluôk nênhs Mai Sơn tưz tưx tsov xav tsưr ziv uô, muôx phaz nzưr, uô ntêx nyuôk huôv tsar nhiax txiax- xã hội, tưx zênhv uô hâux lưv jông paz trâu jêx jok, bax siaz muk uô hâux lưv por hưv Têz qơưk.

Txix shông 2023 txos nhiv no, hluôk nênhs Mai Sơn tưz uô tiar 19 hâux lưv hluôk nênhs xav hur si tsiv nhos zuôr luôs 277 triệu nhiax nhoz têx xã, thị trấn; taz tov fuô lês 32 hâux lưv hluôk nênhs xav hur si zuôr luôs 286 triệu nhiax; siz chos txaik sơưr đơưk têx nhiax paz. Cxiv puôz tus qox đai hla đhâu tus đêx Huổi Bả, jok Ý Lường, xã Chiềng Lương, xav hur si 1,1 tiv nhiax; kriz jias fuô lês Hnuz tưx zênhv côngv têk cxiv tsa jêx jok yiaz muôx 1.430 tus hluôk nênhs hâur tas nro huyện. Iz cxix kriz têx Hnuz Chủ nhật njuôz muôx 3.460 tus hluôk nênhs, phênhv ntâu uô têx hâux lưv qêz, khơưs khâuz nhaz đu lus, hur si, chos thiaz por hưv ntông; kriz 150 jias qêz khơưs khâuz nhaz đu lus, hur si muôx 6.500 tus hluôk côngv uô; chos yiaz 8.540 tsoz ntông cxuô zav...

Ndax jias no, UBPX huyện Mai Sơn tưz puz ntơưr kruôk trâu 10 tus khênhx lês jông hâux lưv hâur Hli hluôk nênhs shông 2025 thiaz phôngv côngz saiz hloz 94 shông Hnuz tsa tâu Đoàn TNCS Hồ Chí Minh.