Hâur cêr xav huôv vav nhiax txiax số thiaz hlôngr số tas nro, Sơn La xav lax luôv mại điện tử zos faz tsênhv chênhz chia kriz đar cêr muôs muk trâu zuk têx hax huv. Xor tôngx hov jông, mã QR, cêr luôv điện tử zênhv hnuz zênhv tâu pêx xênhv sưv lês, paz yôngv siaz gri huv, kriz đar cêr muôs hax huv.

Muôv Lường Thị Hảo, jok Chiềng Tè, xã Mường La, taz tov uô luôv têx huv Poz Ziz tus li njêk kruôr xuôk têk tuôr, njêk kra, kuôr si tâuv… Muôx li 2 shông lok no, pov cêr sir hlôngr pâur, nưk truôx siaz muôs huv pov njôngr hâur xor tôngx, lar haik mak livestream hâur mạng xã hội chia yâu mông thiaz muôs huv. Txix li xuz thơưx uô shêv shar, nưk tưz pâuz muôs tâu jux juk trâu cêr lax luôv số thiaz muôz huv cênhz cưv ntơưv pêx xênhv Poz Ziz muôs txos ntâu tus kruô hâur têz qơưk thiaz luôs têz qơưk.

Tsik zos uô luôv hâur qơư số, cêr sir uô luôv điện tử cux iz thênhv jux juk kriz tâu faz muôs kôngz txir zov chênhr ntơưv tỉnh. Ntâu ziv tuz kôngz hâur tỉnh ndo njôngr yâu mông, muôs huv kôngz lông hâur têx faz tsưs số, lar haik mak chaix đêx txir muôs. Txir nkhơưz kaz jiz Sơn La zos chiv trơưk chai muôx 14.550 ha, zuôr txir đê tâu li 100.000 tấn zênhv hnuz zênhv tâu nênhs zôngv pâuz txos đuô txix li tuz kôngz yâu mông hâur faz số.

Ntơưv xã Phiêng Khoài muôx yax 2.500 ha txir nkhơưz kaz jiz, cêr sir uô luôv điện tử taz tov paz pêx xênhv tuz kôngz ndo njôngr đuô trâu cêr muôs kôngz txir. Têx txir nkhơưz kaz jiz muôs pov njôngr ntơưv Phiêng Khoài tưz zôngx ziv muôs txir thâuv txos chaix đê. Ntâu ziv tuz kôngz, HTX sir muôx liv faz số chia yông gri têx kôngz txir. Zos iz hâur têx ziv trâu siaz yâu mông txir nkhơưz kaz jiz hâur Facebook, TikTok, Zalo, muôv Lê Thị Thu Thảo, jok Kim Chung 3, xã Phiêng Khoài, nưk thav: Đhâu têx jâus livestream cias ntơưv vax txir, cur tưz kria lưv ciz tu saiz txir nkhơưz kaz jiz trơưk cêr xav VietGAP, txix txo chês, trâu qir txos thâuv đê txir. Sir zôngv chuôz zênhx số paz yôngv siaz gri txir nkhơưz kaz jiz, kriz đar cêr muôs txir txos ntâu tỉnh, thành hâur têz qơưk; cêr chuôs têx đơn vị thâux muk cux paz truôx njês gri muôs hâur tsênhv chaix.

Paz tuz kôngz thiaz HTX ndo njôngr chuôs cêr luôv điện tử, txix shông 2021 txos nhiv no, Sở Công Thương tưz kriz 19 paz cơưv nzir trâu jê 1.500 tus nênhs; cxiv tsa Qơư uô luôv điện tử Sơn La đhok fiv trâu Sanviet.vn ntơưv Bộ Công Thương thiaz muôz yax 210 zav huv tso trâu qơư muôs. Cxuô thax tsav hâur tỉnh cux kriz ntâu jâus livestream chuôs tâu nênhs zuôr yênhx châuv tấn txir nox zuk thax tsav.

Zơưs Hà Như Huệ, Giám đốc Sở Công Thương, kria pâuz: Sở sir jos cxơưz paz cêr luôv điện tử chia yâu mông têx kôngz txir ntơưv Sơn La, yax hlo mak têx huv OCOP thiaz huv tâu tsưx tsês zuk tsưr ziv xav tơưv. Têx cêr cxơưz paz zuôr tâu kriz lox thiaz zos cêr cơưv jông đuô chia yôngv siaz gri kôngz txir zuk thax tsav.

Đros trâu lax luôv điện tử, tsik thêv nhiax ntơưr tưz yênhx cêr sưv trâu ntu nênhx ntơưv pêx xênhv. Cêr sir mã QR, hnaz nhiax điện tử thiaz nhiax txiax số zênhv hnuz zênhv chôngz hâur cêr zuôr muôs, thêv nhiax zôngx ziv, sai thiaz nhaz xênhz. Txix hâu shông txos nhiv no, tas nro tỉnh muôs yax 43,5 triệu thêv nhiax tsik chêr pov njôngr, xav hur si gri yax 140.000 tiv đaiv.

Zơưs Hà Đình Mùi, Phó Giám đốc Agribank Chi nhánh Sơn La, thav pâuz: Chi nhánh muôx 6 zav gruôv nhiax pov njôngr, 11 máy ATM; têx kruô sir zôngv qơư Mobile Banking chia nhav nhiax hli, thêv nhiax điện, đêx, internet…tâu jê 295.000 tus kruô.

Txix li hlôngr cêr to tâuz txos uô tiar têx zav jông số, Sơn La taz tov iz thênhv jux juk chuôz tâu faz nhiax txiax số yênhx jos tsar nhiax yiaz, kriz đar qơư huôv tsar têx ngành, têx faz. Shông 2026, tỉnh Sơn La xav qơư nhiax txiax số tâu li 9% GRDP. Tỉnh côngv huôv tsar têx faz tsưs số, têx zav pov njôngr txuôk chuôs muôs - khov; paz HTX, tuz kôngz sir zôngv chuôz zênhx số hâur cêr uô tơưv thiaz muôs huv; fuô lês têx zav tâus qơư uô tơưv, saiz car têx kôngz txir zov chênhr; cxiv kho faz tsưs nuôv zax thôngz tsiz, tsêr puôr fênhx sir zôngv AI; cxơưz paz thêv nhiax tsik chêr pov njôngr, ntơưr điện tử thiaz thêv sê điện tử.

Nhiax txiax số taz tov kriz qơư tsar nhiax yiaz trâu Sơn La, siz chos yôngv siaz gri kôngz txir, hlôngr cêr uô tơưv, uô luôv thiaz cxơưz cêr sir zôngv jông fiv. Cêr sir jos uô luôv điện tử, sir zôngv số thiaz tsik thêv nhiax ntơưr chia cov thax kriz tâu muôx liv cêr txơưv zênhx, yôngv siaz pênhr xưv siz tưr thiaz tok txos faz huôv tsar truôx njês trâu nênhx yiaz.