Xã tox siaz Mường Bám đêz đrôngs xã Thuận Châu yax 60 caik, nhoz puôk chiav têx xã Co Mạ, Long Hẹ, Bó Sinh thiaz xã Mường Luân, Xa Dung tỉnh Điện Biên. Zos xã tsik sâu uô cê, muôx toz hâu nênhs yax 10.700 lênhx, muôx 3 hair nênhs Poz Ziz, Hmôngz, Poz Thơưx côngv nhoz uô cê. Tas nro xã lox đar yax 76 caik xưv phaz, hâur ntơư, muôx li 1.200 ha têz uô kôngz lông. Ntơưv no, ntâu ziv pêx xênhv tsênhv sir têx kuz tsưr ziv chos kôngz, uô trâu uz trâu no, tsik muôx pênhr nhiax thiaz tsik muôx tsưr ziv khưr li ntơư ntu nênhx yuôr ntâu cêr txov nhêv.

Tuôv xav yôngv siaz ntu nênhx cêr nox nhoz trâu pêx xênhv mak tsuv hlôngr cêr xav uô kôngz lông, cấp ủy, nov hâu xã tưz côngv tuôr xav đuô qơư uô kôngz, xav faz hlôngr đuô nôngz kôngz, ntông chos, nôngz tsiax tu zus fiv huv đêx ar huôz chuô thiaz cêr khov pâur muôs. Đros ntơư, côngv đros Tsêr nhiax Chính sách xã hội, Tsêr nhiax Kôngz lông thiaz Huôv tsar jêx jok paz pêx xênhv tâu txaik nhiax chia uô kôngz. Txos nhiv no, xav hur si nhiax tsik tâu thêv thax tsav xã jê 50 tiv đaiv. Zơưs Tạ Đăng Hải, Chủ tịch UBPX xã Mường Bám, thav pâuz: Paz pêx xênhv hlôngr cêr xav uô kôngz, xã paz pênhr nhiax thiaz txiz cán bộ tsik so muk txos jok, kria pêx xênhv hlôngr chia chos ntông nox txir, ntông công nghiệp; huôv tsar zus tsiax lox trơưk faz cơư guôx thiaz chos tâux puz.

Yôngv siaz txiax njis uô kôngz lông, xã tsênhv đros Trung tâm Cxơưz kôngz thiaz Hlôngr số tỉnh cxiv tsa têx paz cxơưz kôngz jêx jol, tso cán bộ mul kria tsưr ziv trâu pêx xênhv tu saiz kôngz lông, zus tsiax trơưk tsưr ziv yiaz; cxơưz paz uô kôngz lông hữu cơ,  sir zôngv kuôr kôngz chia uô tơưv qir hữu cơ, tas tsơưs nhiax thiaz por hưv jôngr.

Zos nênhs kria pêx xênhv njia njôngr, tix lâus Lò Văn Quang, cán bộ cxơưz kôngz Trung tâm Cxuô zav xã, thav pâuz: Hlôngr trâu cêr kria lý thuyết, cán bộ tiv njêx muôs tuôr têk kria uô kôngz cias hâur têz, hâur têx guôx zus tsiax chia pêx xênhv pâuz, zôngx ziv uô trơưk thiaz sir zôngv tsênhz mênhx.

 Viv uô tâu fiv huv, ntâu thax têz ntơưv xã Mường Bám đrav ntêx sâu kôngz tsik nju tưz hlôngr chos cxuô zav kôngz muôx gri nhiax. Pêx xênhv pâuz jux juk zôngv tsưr ziv txơưx fiv chos, tu kôngz txir trơưk lưv ciz thiaz huôv tsar zus tsiax cxu trơưk faz hax huv. Txos nhiv no, hur si xã lês trơưr jê 177 ha cà phê, jê 180 ha ntông nox txir; Chos tâu 17 ha txir mắc ca, yax 9 ha txir suôz jênhx câur thiaz yax 473 ha kôngz lông. Faz zus tsiax cxu, jê 208 ha tâux chos puz tsiax ;  tas nro xã muôx yax 9.000 tus tsiax lox thiaz yax 40.400 tus tsiax zâu.

Zơưs Lò Văn Thinh, jok Nà Cẩu, zos iz hâur têx ziv truôx siaz hlôngr cêr khưr. Đrav ntêx, 2 ha  vax chos cxuô zav kôngz txir, muôs tâu nhiax tsơưs. Tov kaz tâu kria tsưr ziv thiaz paz pênhr , zơưs tưz hlôngr 1 ha têz chos cà phê, đuô li uô guôx zus nhux thiaz chos tâux puz. Shông no, 1 ha cà phê tưz tâu đê txir yax 4 tấn; iz shông paz nhux muôs oz fâuv, txix 15-18 tus. Tsik xav têx nhiax sir tas, zơưs ziv nênhs tâu 120 triệu nhiax iz shông.

Zơưs Thinh thav pâuz: Thâuv ntêx uô kôngz lông mak khov cêr sưv li ntơư sâu tsik nju. Nhiv no tâu cán bộ  kria tsưr ziv, tâu txaik pênhr cxiv tsa li ntơư cur ziv nênhs truôx siaz hlôngr cêr khưr. Nhiax txiax truôx njês đuô, ntu nênhx cux ndê tsas jux juk hâur yênhx shông.

Truôx siaz hlôngr cêr xav uô kôngz lông, tưz paz hlôngr cêr xav nox nhoz ntơưv pêx xênhv. Nơưv no zos jos lox chia paz sir jos uô tiar cêr xav cxuz tiv tsôngv ziv pluôs kil đuô 15% trâu shông 2030 trơưk Nghị quyết Đại hội Đảng bộ xã ntu 2025-2030 tưz tso tơưv.