Tiz nênhs txơưx zôngv têx zav nhoz đruôz mair zos têx nênhs txơưx zôngv chuôz zênhx fuô mông jông hâur hur si cxuô faz cêr uô nênhx. Nhiv no, hur si tỉnh muôx yax 1 triệu lênhx tiz nênhs zôngv thẻ CCPX đhos chip điện tử, yax 500.000 tài khoản VnelD tưz tâu kriz. Cxuô zav xor tôngx tưz cxơưz paz, huôv tsar jông chia tsar tiz nênhs txơưx zôngv têx zav nhoz đruôz mair, đros 100% têx xã, 98,5% têx jok chaz cxuô xor cáp quang, muôx fuô mông xor tôngx gra đros chêr 4G; têx nênhs ntiar thêv nhiax ntâuk xor tôngx gra đros chêr muôx xor tôngx tâu jê 60%; têx nênhs sir zôngv internet hur si tỉnh tâu 46,34%. Ntơư zos têx zav tsênhv chênhz chia paz pêx xênhv tâu zôngv chuôz zênhx fuô mông, têx chuôz zênhx yiaz thiaz chia uô ntâu zav hâux lưv trâu sâuv mạng.

Chuôz zênhx, mạng internet thiaz kror siz txuôk taz tov zos kror hlôngr pâur tas nro cxuô tsar zav hâur cêr uô nênhx. Zơưs Hoàng Văn Chính, 76 shông, phường Chiềng Cơi, Thành phố, thav: Ntu nênhx nhiv no njuôk li 10-20 shông đrav ntêx muôx ntâu hlôngr yiaz, lar haik mak têx zênhx huôv tsar ntâu. Nhiv no, tsuôk zos muôx iz luz xor tôngx jông gra đros chêr thiaz nhoz hâur tsêr cux uô tâu iz cxia ntâuz ntơưr têz qơưk, uô ntơưr vax huôv sir zôngv ar, lok sik zuôr muôs, thêv nhiax kho moz, nhiax cơưv, siz nus puôr lênhx đhâu mạng internet, lok sik zôngx ziv thiaz fiv huv.

Cêr hlôngr số tsênhv tâu huôv tsar ntâu faz, txix li lês qơư hâux lưv têz qơưk txos cxuô zav hâur cêr uô nênhx, hlôngr yiaz tas nro, hâux lưv uô ntơưv yênhx tus tiz nênhs taz tov tâu zôngv têx faz lol sâuv hlôngr số. Trơưk cxênhz tâu, txos nhiv no, hur si tỉnh muôx yax 80% têx ntâuz ntơưr hành chính tâu lês hâur têx huôz chuô mạng đhâu kror trôngx uô ntâuz ntơưr têz qơư yưv ti vi cấp tỉnh, huyện, xã, paz txo tsơưs six hơưv, nhiax txiax muk lok trâu pêx xênhv thiaz tsêr luôv. Têx ngành, têx zav hâux lưv txơưr cux zôngv chuôz zênhx hâur saiz car, chox lês, thêv nhiax.

Hâur ntơư, saz Choz kria ntơưr tưz sir zôngv đruôz mair saiz car học bạ điện tử txos têx yar cơưv; saz Kho moz tưz hlôngr yiaz côngz xưv saiz car njuôk kho moz đhâu têx zav LIS, RIS, phênhv đruôz máy HIS, paz têx nênhs moz txo tsơưs six tok ntêr thiaz thiv tâu sai têx moz sênhr tâu chia kria mênhx; têx hâux lưv fuô lês muôx liv lol sâuv thêv nhiax tsik ro nhiax pov njôngr ...

Iz chas ntơư, chuôz zênhx cux cik txos cxuô tsar zav, lar haik mak cxiv tsa yênhx côngz têx tiz nênhs txơưx zôngv têx zav nhoz đruôz mair chia uô hâux lưv, huôv tsar lax luôv. Nhiv no, tưz muôx yax 116.000 tài khoản đros 2.447 hax huv, kôngz, txir Sơn La uô hâux lưv sâuv têx qơư uô lax luôv điện tử. Mênhx pêv mak muôx  HTX hluôs nênhs 26/3 Yên Châu uô tâu ntâu hâux lưv yênhx côngz hâur hâux lưv muôz têx huv tso muôs uô luôv hâur qơư uô luôv điện tử, paz zuôr sir 1/3 xav têx hax huv ntơưv HTX yênhx shông. Zơưs Nguyễn Văn Tuấn, Giám đốc HTX, fuô kria: HTX tưz muôx 12 zav huv muôs hâur têx qơư muôs Shopee, Postmart, Lazada, Tiki… thiaz sir zôngv chuôz zênhx mạng xã hội li tiktok, facebook chia yâu mông zuôr muôs hax huv. Têx nhiax sâu tâu ntơưv têx qơư uô lax luôv điện tử muôs tâu txix 300-400 triệu đaiv/hli.

Taz sik, cxuô zav vax tsêr tso xor tông ntơưv tỉnh tsik tâu fiv huv cêr khov chia hlôngr yiaz, tiv tsôngv pêx xênhv muôx xor tôngx gra đros chêr thôngz tsiz tsik tâu ntâu, tsưr ziv số tsênhv tsơưs... uô chor nhov hâur cêr huôv tsar xã hội số haik khênhx, hlôngr pâur số haik tas nro.

Zơưs Phạm Quốc Chinh, Phó Giám đốc Sở Thông tin thiaz Truyền thông, thav pâuz: Ngành taz tov tuôr xav trâu têx tsêr luôv viễn thông fuô lês cxiax cxênhv viễn thông têz qơưk muôx liv chia uô sai mạng cáp quang, mạng xor tôngx gra đros chêr đêz đar, paz têx qơư uô nuv viễn thông gra đros chêr sâuv bông ar thênhv nhiax tov kaz, paz xor tôngx trâu têx ziv pluôs, jê cêr pluôs. Cxơưz paz têx qơư njuôk kho moz, yar cơưv thiaz pêx xênhv nhoz têx thax tsav đrôngs thêv nhiax đhâu đruôz mair; sir zôngv têx chuôz zênhx yiaz uô hâux lưv hâur yênhx hnuz.

Txix li muôx cêr paz hâur ntu hlôngr yiaz nhiv no, cêr huôv tsar tiz nênhs txơưx zôngv têx zav nhoz đruôz mair ntơưv Sơn La taz tov tsa yênhx. Nhoz hâur cêr xav huôv tsar hur si trâu ntu hlôngr pâur số, pêx xênhv iz thênhv jux juk zôngv chuôz zênhx jông uô hâux lưv, tưz yênhx qơư chuôz jos zov chênhr hâur huôv tsar ntu nênhx số, chuôz jos huôv tsar nhiax txiax - xã hội./.