Txơưv tsik tâu cxiv tsa tâu têx tour, qơư nuôv zax hiking thiaz trekking taz sik hâux lưv chox kruô ndê trôngz tưz muôx yưv tâu 5 shông lok no. Viv zos muôx chôngz lênhx kruô xar ndê chia saiz trôngz Pha Luông, taz sik ho tsik pâuz cêr, viv li tix lâus Txav Xênhv Zax đros trâu nưk tus fôngx zưs nhoz trâu jok Pha Luông, xã Chiềng Sơn, tưz tưx cơưv shâuv tsưr ziv, yênhx lênhx nênhs chox cêr trâu têx kruô ndê trôngz. Txix li kror moz siaz sir jos chox têx kruô nuôv zax, tix lâus Txav tưz cxiv tsa tâu cêr njênhs thiaz tâu ntâu paz kruô pâuz txos. Iz tuần, nưk chox txix 2-3 paz kruô ndê trôngz; thâuv luz chaix ntux kruôk cux txix 4-5 paz, iz paz muôx txix 5-20 lênhx nênhs, đros trâu têx nhiax zos 500.000 đaiv/jias chox kruô, tsik xav têx nhiax txơưr.

Txix li cêr cxơưz paz ntơưv tix lâus Txav, têx jias ndê chia saiz trôngz Pha Luông ntơưv têx paz kruô tưz nhaz xênhz lus. Tix lâus Txav Xênhv Zax thav pâuz: Trôngz Pha Luông nhoz puôz trâu têz qơưk Lok Tsuôk, viv li muôx ntâu paz kruô tuôx, mak pêz zuôr tsuv kria trâu nov hâu thax tsav pâuz chia cov por hưv tâu jông cêr nhaz xênhz trâu têx kruô ntơưv thax tsav đriv têz. Piz muk txix ntơưv jok Pha Luông, muk tơư 6 caik cêr mak txos sâuv trôngz, chox têx kruô check-in ntơưv ntâu thax qơư tas mak tror lok tsêr. Phênhv ntâu têx kruô puôr lênhx lês jông hâux lưv por hưv đêx ar, huôz chuô nyiaz hur, tsik muôx lênhx tưs por khâuz nhaz đos đis thâuv ndê trôngz.

Ntơưv xã Ngọc Chiến, thax qơư nto mông jông gâux chia huôv tsar nuôv zax trekking, ntâu shông lok no puôr lênhx zos thax qơư gruô hu tâu chôngz lênhx kruô hâur têz qơưk thiaz oz chas têz tuôx ndis shuôk, uô si. Thax qơư no tâu pâuz txos muôx 5 luz trôngz lox: Tà Chì Nhù, Tà Rông, Tà Tao, Tà Dê Đơ, Háu Nả Tà, đros trâu qơư siaz 2.300 m txos trâu 2.700 m njuôk li blaiv đêx hiar txưr. Cur tix pêx xênhv jok Nặm Nghẹp thiaz iz cxia jêx jok tox siaz ntơưv no tưz moz siaz huôv tsar nuôv zax, cxiv tsa qơư tso ntiar yêz mair, thâux kruô ndê trôngz uô si.

Taz sik, nhiv no têx trôngz ntơưv Ngọc Chiến tsik tâu tso chai chia huôv tsar nuôv zax, viv li tsưr ziv nuôv zax hiking thiaz trekking tsik tâu têx tsêr luôv, HTX nuôv zax muôz nhiax chia lês hâux lưv paz max trâu têx kruô. Têx paz kruô trekking têx trôngz puôr lênhx zos tưx muk xưz, viv liv tsênhv muôx yưv ntâu cêr phiv liv, chor nhiv. Zơưs Nguyễn Cao Cường, giảng viên Yar cơưv Đại học Khoa học xã hội thiaz Nhân văn, iz lênhx nênhs sir jos cxơưz paz nuôv zax ntơưv Ngọc Chiến, nhiv no taz tov paz pêx xênhv hâur thax tsav huôv tsar nuôv zax, haik pâuz: Ngọc Chiến lok six jông huôv tsar nuôv zax hâur thơưv shông, hâu ntơư, zuôr tsuv haik txos nuôv zax hiking thiaz trekking. Viv li ntơư, tỉnh Sơn La zuôr tsuv muôx cêr chai tso chai trâu têx tsêr luôv lês hâux lưv nuôv zax. Cơ quan muôx vax huôv thiaz nov hâu thax tsav zuôr tsuv cxơưz paz têx tsêr luôv, HTX nuôv zax cxiv tsa ntâuz ntơưr tsi njênhk trơưk đraiv cêr chai chia muôz têx qơư no lok uô nuôv zax. Ntơư zos hâux lưv zov chênhr chia paz trâu Ngọc Chiến huôv tsar thiaz nthuôr huôv tâu jông têx zav muôx txơưv hâur thax tsav.

Sơn La tsênhv muôx ntâu trôngz, tâu pâuz txos zos thax qơư huôv tsar tâu nuôv zax trekking. Hâu ntơư zuôr tsuv haik txos trôngz Sa Mu, Phu Sa Phìn (xã Xím Vàng), Pom Luông (xã Mường Bú), Khâu Pùm (xã Mường Chiên)... Yax hlo zos têx trôngz nhoz siaz 2.700 m ntơưv har jôngr txưr Tà Xùa tưz gruô hu tâu chôngz lênhx kruô nuôv zax tuôx ndis shuôk, uô si.

Têx shông lok no, hâux lưv nthuôr huôv tâu jông têx zav muôx txơưv lok sâuv tox trôngz, hâur pêk, har jôngr tưz tâu chôngz lênhx pâuz txos, ntâu hâux lưv nthuôr txux chi – thể thao, yax hlo zos têx jias tưr đhia, tưr ndê trôngz tưz tâu ntâu thax tsav kriz, li: Siz tưr ndê trôngz Khâu Pùm, Siz tưr ndê trôngz Pom Luông, Siz tưr đhia “Ndis saiz pax thơưr jơưk” 2026 thiaz “Luz chaix blêx siar ntơưv jok Ít”... Nhiv kruôr no zos Jias tưr “Pax txir tuôz ziz tơưs SkyRace” shông 2026 zos xã Ngọc Chiến kriz, gruô hu tâu yax 300 vận động viên nhoz trâu ntâu thax tsav hâur têz qơưk thiaz iz cxia têz qơưk li Phaz cir, Úc… côngv ndê trôngz Tà Rông, Tà Tao, Háu Nả Tà thiaz Tà Dê Đơ.

Txơưv muôx ntâu qơư chia huôv tsar nuôv zax, taz sik hâux lưv nuôv zax trekking thiaz hiking ntơưv Sơn La tsênhv nhiv kruôr tâu piz xưz. Hâur Đề án huôv tsar nuôv zax tỉnh Sơn La ntu 2025-2030, Sở Txux chi, Thể thao thiaz Nuôv zax tưz khov cov kho đuô, cxaz nzir cêr chai lok sâuv huôv tsar nuôv zax kôngz lông, famstay, trekking thiaz hiking; huôv tsar têx qơư nuôv zax cov tâu jông, cxix cxuô, fiv huv trâu têx kruô nuôv zax hâur têz qơưk thiaz oz chas têz siaz nhiav...Hâu ntơư, moz siaz huôv tsar nuôv zax trekking, hiking; nuôv zax kôngz lông, ndis shuôk uô si, so txuôs jos, nuôv zax thể thao...

Têx cêr tuôr xav thiaz faz tsưr ziv no thâuv tâu fuô lês hâur ntu zuôr txos, zuôr paz trâu Sơn La muôx nzir têx qơư nuôv zax txơưr hlo, nthuôr huôv thiaz tsưx truôx tâu jông têx zav zênhx max ntơưv thax tsav. Yax hlo zos muôz nuôv zax trekking, hiking huôv tsar đros trâu por hưv têx har jôngr, por hưv đêx ar, huôz chuô nyiaz hur, cxiv tsa têx qơư nuôv zax yiaz thiaz paz muôx hâux lưv uô, paz sâu nju nhiax txiax trâu pêx xênhv nhoz tox siaz.