Ntu 2021-2025, txix nhiax têz qơưk paz lês luôs hâux lưv 1719, thôngz tỉnh tưz lês 14 dự án kho đuô tsêr cơưv ntơưr cơưv, tsêr nhoz trâu shâuv xênhz; zuôr chuôz zênhx cơưv ntơưv têx Yar cơưv dân tộc nội trú, bán trú, Yar cơưv phổ thông muôx shâuv xênhz nox nhoz thiaz pư ntơưv yar cơưv. Hâur ntơư, kho 17 qar tsêr uô hâux lưv trâu cưk kria; 269 qar tsêr nhoz trâu shâuv xênhz; 68 qar tsêr cơưv; 13 luz tsêr nox mor, uô mor; 13 luz tsêr tơưv trôngx; 53 zav txơưr; cxưx nhiax zuôr chuôz zênhx cơưv trâu 175 luz Yar cơưv nội trú, bán trú; kria hâur pâuk ntơưr trâu 3.533 lênhx pêx xênhv hair nênhs tsơưs, yax 500 tỷ nhiax.

Txos nhiv no, yax 72% Yar cơưv, lớp cơưv hâur thax tsav tỉnh tâu uô khor kho; yax 93% Yar cơưv txâuk chai; yax 77% luz yar cơưv txâuk chai têz qơưk. 100% yar cơưv nội trú, bán trú, yar cơưv muôx shâuv xênhz nhoz thôngz tỉnh tâu cxưx nhiax uô jông, txưv lớp cơưv, qơư nhoz nội trú, yar tiax thể thao.

Moz siaz huôv tsar choz kria thax tsav pêx xênhv hair nênhs, tưz cxơưz pêx xênhv pâuz ntơưr chôngz đuô, cov thax tsav tox siaz thiaz qơư kiak siz txis jux juk. Nhiv no, yax 99% shâuv xênhz 5 shông tâu cơưv; yax 99% shâuv xênhz tiểu học tâu cơưv cxix cxuô; yax 98% shâuv xênhz cơưv THCS; yax 94% têx nênhs txix 15 shông tror sâuv pâuz nhênhv, pâuz sâu ntơưr phổ thông. Hâur 3 shông lok no, tỷ tsôngv shâuv xênhz tưr tas ntơưr THPT ntơưv têx yar cơưv phổ thông dân tộc nội trú zuôr luôs 100%; hâur ntơư, 55% shâuv xênhz tưr tâu muk cơưv đại học, cao đẳng, zuôr luôs 30% muk cơưv trung cấp chuyên nghiệp, cơưv hâux lưv.

Côngz xưv kria hâux lưv trơưk têz qơưk luôs hâux lưv 1719 tâu cxuô qơư choz kria hâux lưv tror lês jông, fiv huv cêr huôv tsar hâux lưv hâur thax tsav tỉnh. Cêr chai paz shâuv xênhz hair nênhs tsơưs, tox siaz tâu moz siaz txos, yôngv tỷ tsôngv têx nênhs uô hâux lưv cơưv tas ntơưr siaz, hlôngr yiaz lês hâux lưv truôx njês.

Ntu 2022-2024, thôngz tỉnh tưz kria 58.408 lênhx cơưv tas đại học, cao đẳng, trung cấp, sơ cấp, kria hâux lưv 3 luz hli; kria khoa học kỹ thuật; kria hâux ntơưv têx qơư công nghiệp. Hâur 10 luz hli đhâu, muôx 8.855 lênhx nriar tâu hâux lưv uô truôx njês hâur tỉnh thiaz oz chas tỉnh.

Đhâu têx chai têz qơưk paz trâu thax tsav pêx xênhv hair nênhs tsơưs, lar haik mak kria hâux lưv tưz lês jông iz thênhv jux juk, paz thax tsav pêx xênhv hair nênhs tsơưs tsar têx nênhs uô hâux lưv chôngz, chuôz jos trâu nhiax txiax - xã hội tỉnh huôv tsar.