Tỉnh pêz muôx cêr txơưv zênhx pak đêx điện lox đar jê 4.000 caik xưv phaz, muk đhâu ntâu thax tsav. Têx shông đhâu, tỉnh côngv zus njêk cơư guôx trơưk faz hax  huv, sir zôngv tâu jông pak đêx, paz tâu cêr uô kôngz lông, muôx nuv uô thiaz sâu tâu nhiax trâu pêx xênhv thax tsav pak đêx. Txos nhiv no, hur si tỉnh muôx yax 7.000 luz guôx zus njêk, ntâu thax tsav zus tsa yênhx qơư côngv uô cê ntơưv têx ziv pêx xênhv, tổ hợp tác, HTX thiaz tsêr luôv. Tas nro tỉnh cxiv tsa yax 15 zav njêk hur muôs, saiz car yax 2.000 luz guôx tâu chai tsênhv, iz thênhv jux juk muôs tâu gri.

Đros kriz đar zus tơưv, têx qơư zus tưz zôngv tsưr ziv yiaz, zus nôngz njêk pâuz qơư uô tơưv mênhx pêv, iz kror hlôngr số trâu saiz car qơư zus, tâus tâu qơư uô tơưv thiaz yâu mông huv. Taz sik, faz zus njêk cơư guôx tsik tâu txơưx, li: Têx njêk kaz tsik siz luôs, siz khov muôs tsik tâu truôx njês, zôngv txơưx fiv tsưr ziv thiaz sir blaiv đêx muôx liv tsik tâu fiv huv li cêr txơưv zênhx zuk thax tsav.

Ntơưv cêr saz lax, têx đại biểu côngv nus, xav txos têx faz huôv tsar  zus njêk cơư guôx trơưk faz truôx njês, li: Zôngv txơưx fiv tsưr ziv thiaz hlôngr số hâur saiz car uô tơưv; uô jông nôngz; saiz car qơư zus, phax tar caz moz; tsik so siz khov uô tơưv, tsênhr tsês, zuôr muôs huv; cxiv kho bê lax luôv tsiax đêx thax tsav pak zus, paz yôngv siaz gri thiaz huôv tsar faz zus ngêk cơư guôx muôx liv, truôx njês.

Hâur cêr saz lax, têx đại biểu tưz saiz qơư zus njêk cơư guôx hâur pak đêx điện, nus tsưr ziv, saiz car qơư zus thiaz têx faz yôngv siaz txiax njis zus tơưv.