Hâur têx hnuz hâu shông yiaz, cán bộ, hội viên pox niav xã Sông Mã shir phaz lus lês hâux lưv Tsiaz chos ntông, kho têx vax pax. Niav lâuk Vì Thị Trang, Chủ tịch Hội LHPN xã Sông Mã, haik pâuz: Đros trâu hâux lưv Tsiaz chos ntông, hội tưz chox car têx chi hội pox niav tu, chos đuô yiaz trâu cxuô txox cêr pax, cêr pox niav tưx saiz car; qêz suô khâuz nhaz cêr jol, cêr mul lol trâu cxuô câuv jol trơưk chaix. Hội tsưx truôx kror qơư “5 tsik muôx, 3 hur”, 9 zis nênhs đai fiax “5 tsik muôx, 3 hur”; 22 zis nênhs đai fiax “Tsêr hur” thiaz 163 zis nênhs đai fiax “Tsêr hur, vax jông”. Đhâu ntơư, saiz hloz têx hâux lưv lês tâu jông ntơưv hội pox niav lol sâuv Cxiv tsa jêx jol yiaz, por hưv tox trôngz hâur pêk njuôz – hur – jông.

Mul txos jol Lụa, phường Chiềng Cơi, tưz pov njôngr têx kror qơư “Luz tsêr njuôz” ntơưv chi hội pox niav jol tso trâu tsêr txux chi lol sik thax tsav jêx jol khênhr mul lol. Niav lâuk Tòng Thị Nhung, Chi hội trưởng Chi hội pox niav jol Lụa, thav kria: “Luz tsêr njuôz”, tâu muôz hlâu lol uô, muôx trur muôz vuôk vor, iz ndis mal xor ndaik hlâu; xav đar txix 1 - 2 thiar xưv phaz, tâu tso trâu kror qơư fiv huv, zôngx ziv trâu pêx xênhv tso khâuz nhaz. Ntơư zos qơư tưz sâu suô khâuz nhaz, phênhz khâuz nhaz zak zưr thiaz muôs têx khâuz nhaz tâu zôngv đuô chia muôx nhiax mul shuôk têx hội viên pox niav txov nhêv. Faz tsưr ziv no tưz tâu cxuô hội viên côngv lês, cxiv tsa têx tsưr ziv lês tsik tsês hâur luz nênhx lol sâuv phênhz khâuz nhaz ntơưv yênhx zis nênhs.

Saiz hloz pox niav qơư sơưr chia côngv por hưv cêr nyiaz hur, yênhx shông, Hội LHPN tỉnh tưz fuô lês Jâus zaz zâuv “Cxiv tsa zis nênhs 5 tsik muôx, 3 hur” đros trâu cxiv tsa jêx jol yiaz; chox car cxuô cơ sở hội kriz lês cxuô luz luôs hâux lưv saiz hloz "Hli lês hâux lưv viv cêr nyiaz hur" (hli 6) thiaz Hnuz Cêr nyiaz hur ntiax têz (5/6). Ntơưv yênhx thax tsav, cxuô cấp hội pox niav tsênhv cxiv tsa qơư lês hâux lưv fiv huv, paz iz phênhv tưs por hưv cêr nyiaz hur jông, fiv jav. Shông 2025, cxuô cơ sở hội tưz đai 177 fiax “Tsêr hur, vax jông"; tso tơưv 2 thax tsav pêx xênhv "Tsêr hur - vax jông - câuv jol njuôz"; 9 faz tsưr ziv "Tsêr ntiv khâuz nhaz muôs nhiax paz nênhs txov"; 3 faz tsưr ziv "Txox cêr pox niav tu trâu sơưr đơưk cơưv shâuv".

Iz chas ntơư, hâur shông 2025, 100% cơ sở hội kriz lês jông hâux lưv zaz zâuv, chos lul lês tsơưs yax 1 zav hâux lưv/phênhv hâux lưv paz cxiv tsa jêx jol yiaz thiaz đrôngs vav mênhx. Tsưx jông têx hâux lưv "Sâu khâuz nhaz zak zưr", “Chi hội pox niav 3 hur cxiv tsa jêx jol yiaz hov jông", “Txox cêr pox niav tưx saiz car". Gruô hu hội viên côngv kho, suô khâuz nhaz yax 400 caik cêr yêz jêx jol, thoz huk 254 caik cêr kror trâu đêx ntưk, kho yax 4.000 luz kror khâuz nhaz; chos yiaz zuôr luôs 2.000 tsoz ntông; paz 234 zis tâu zôngv đêx hur thiaz 207 zis nênhs cxiv tsa uô tsêr tơưv trôngx fiv huv. Faz tsưr ziv "Luz tsêr njuôz" tsênhv sâu thiaz muôs têx khâuz nhaz, sâu tâu 32 triệu nhiax chia paz nênhs txov nhêv.

Pos Cầm Thị Hồng Duyên, Chủ tịch Hội LHPN tỉnh, haik pâuz: Shông 2026, lês trơưk Nghị quyết Đại hội đại biểu pox niav tỉnh jâus tiv 14, Hội zuôr sir jos fuô kria, zaz zâuv hội viên saiz hloz Jâus zaz zâuv “Cxiv tsa zis nênhs 5 tsik muôx, 3 hur, 3 uô nênhx yar ntux” (tsik yaiz pluôs, tsik zuôv cêr chai têz qơưk thiaz tsik uô zav cxâuv chai, zis nênhs tsik siz chês siz ntâuk, tsik zus mê nhuôv chôngz, tsik muôx mê nhuôv choz poz; vax tsêr hur, tsêr mor hur, câuv jol hur; tsav yêz tâus cêr nhaz xênhz, uô hâux lưv nhaz xênhz, kar nox hur) đros trâu cxiv tsa jêx jol yiaz, đrôngs vav mênhx; chox car cxuô cơ sở hội lês jông têx hâux lưv nhiv no muôx, cxiv tsa nzir têx tsưr ziv yiaz fiv huv trâu yênhx thax tsav. Tsưx truôx hâux lưv suô khâuz nhaz txox cêr, têx câuv jêx jol, yax hlo mal têx hnuz muôx liv, hnuz Tsiaz; gruô hu pêx xênhv côngv nhiax paz lês jông hâux lưv, cêr sik tưr por hưv cêr nyiaz hur ntơưv cơ sở.

Đhâu têx hâux lưv hlôngr yiaz thiaz lês muôx liv, cxuô cấp Hội pox niav thax tsav tỉnh tưz gruô hu tâu ntâu cán bộ, hội viên côngv por hưv cêr nyiaz hur... paz iz phênhv trâu pêx xênhv pâuz thiaz huôv tsar cêr uô nênhx muôx txux chi, côngv têk cxiv tsa jêx jol njuôz-hur- jông.