Côngv jias no, muôx đồng chí Đặng Ngọc Hậu, Phó Chủ tịch UBPX tỉnh; nov chox car xã Mường Giôn; têx cơ quan, đơn vị, yar cơưv, ban saiz car cxuô luz jok hâur xã thiaz tsôngv pêx xênhv đros trâu têx kruô cxuô qơư.

Hnuz nthuôr txux chi muôx ntâu hâux lưv nthuôr cêr lov jêv, tưr thể thao, li: Tưr đhia "Mường Giôn njuôz hur"; siz tưr tuô hnênhr, por poz, truz hluôk, tưr pickleball; thiaz tưr qar thaz nzưr txux chi, tưr uô kar hno kaz; tưr nthuôr txux chi tâus cêr, tưr hnar tsôngv yo pax ntâuz trơưk cênhz cưưv. 

Jias no muôx têx qar thaz nzưr muôs ntâu zav, sơưr đơưk tso siaz lus xair zuôr pêx xênhv têx hax huv kôngz jông. Đhâu hnuz nthuôr txux chi, chia cov pêx xênhv muôx qơư nthuôr cêr lov jêv, siz chos tsưx hưv thiaz nthuôr huôv têx txux chi cênhz cưv chax chês jông; piar mênhx tiz nênhs trôngx têz qơưk no têx txux chi đros ntâu zav muôx txơưv chia huôv tsar nuôv zax Mường Giôn.

Ntơưv jias nthuôr cêr lov jêv, đồng chí Đặng Ngọc Hậu, Phó Chủ tịch UBPX tỉnh cxiz cov xã Mường Giôn tror trâu siaz fuô chai, choz kria cênhz cưv cách mạng, bôngs siaz nhiav têz nhiav qơư trâu tsôngv pêx xênhv, lar haik yax mak fâuv hluôk; siz chos huôv tsar nhiax txiax tsưx hưv thiaz nthuôr huôv têx txux chi jông; cuz siaz njuôk tsov thiaz huôv tsar nuôv zax jêx jok, paz pêx xênhv muôx hâux lưv uô truôx njês.  

Hnuz nthuôr txux chi saiz hloz cxênhx xưv lox tsa têz qơưk; tsôngv pêx xênhv shir phaz, chơư kruô oz chas tuôx nuôv zax, ndis uô si; sơưr đơưk siz chos thôngx siaz nthuôr txux chi; cov cán bộ, đảng viên thiaz pêx xênhv cxuô hair nênhs hâur xã cuz siaz côngv đas jos, cxiv tsa jêx jok zênhv hnuz zênhv bluô nux, vav mênhx thiaz huôv tsar truôx njês.