Hnuz grâuv pax gruô hu tâu zuôr luôs 1.000 lưv hluôs nênhs ntơưv têx đoàn xã, phường thiaz cơ sở đoàn zos Thành đoàn saiz car côngv đros trâu ntâu têx hâux lưv muôx txiax njis saiz hloz 94 shông Hnuz tsa yênhx Đoàn TNCS Hồ Chí Minh (26/3/1931 - 26/3/2025).

Piz trâu têx hâux lưv hâur hnuz grâuv pax zos phênhv tưr Giải mật thư “Pâuz txos zơưv Côngz Hôx”, muôx 4 paz tưr, iz paz muôx 6 thành viên, têx paz tưr zuôr sir tas nro zuk têx cêr pâuz đhâu têz têx lok luk nus muôx njiaz luk cik txos Chủ tịch Hồ Chí Minh, cênhz cưv thiaz Đoàn TNCS Hồ Chí Minh...  

Hâur hnuz grâuv pax, tsênhv kriz têx hâux lưv muôx txiax njis li: Siz tưr uô tsêr đros trâu njiaz luk “Hluôs nênhs thành phố Sơn La truôx siaz lês trơưk Đảng"; kria zok nriar hâux lưv uô, cok đuôz; côngv têx cêr uô si... paz muôx qơư uô si nhaz xênhz trâu têx hluôs nênhs, đros ntơư cxaz nzir cêr thôngx siaz, gruô hu tâu chôngz lênhx hluôs nênhs lês hâux lưv.

Hâux lưv zov chênhr hâur Hnuz grâuv pax zos hmo nthuôr txux chi, sênhr chêr “Hluôs nênhs Thành phố txox cêr nyơư” đros trâu ntâu têx jax sênhr chêr jông tưz uô trâu lov jêv ntưk, gruô hu tâu chôngz lênhx pêx xênhv tuôx côngv, cxơưz jos.