"Tso nyar" zos luôs hâux lưv tâu Viện Tso nyar Trung ương chox car đros têx tỉnh, thành phố hâur hur si têz qơưk kriz. Đhâu 12 shông fuô lês (2013-2025), "Hâux lưv tso nyar" tưz yênhx zav hâux lưv jông, muôx txiax njis, zos cêr siz hluz, siz paz thiaz muôx phênhv shuôv viv cxuô lênhx, cxuô tus.

Ntơưv Sơn La, shông no zos shông tiv 10 siz lơưr lias tỉnh tâu côngv luôs hâux lưv, đhâu 9 shông kriz, tưz muôx 45.392 đơn vị nyar tâu tso, cxơưz paz chơưv tâu ntâu tus nênhs moz.

Luôs hâux lưv tưx zênhv tso nyar cxơưz paz cxaz nzir cêr pâuz trâu yênhx triệu lênhx nênhs lok sâuv tưx zênhv tso nyar; pâuz lok sâuv têx zav moz cik txos nyar (Thalassemia); tso nyar nhaz xênhz; choz kria thiaz cxiv tsa yênhx cxênhz lênhx nênhs lês hâux lưv zaz zâuv tưx zênhv tso nyar ntơưv têx huyện, thành phố.

Hâur thơưx hnuz muôx yax 1.100 lênhx luôs nênhs, công chức, viên chức, cán bộ, chiến sĩ thiaz pêx xênhv hâur thax tsav Thành phố cos luk tưx zênhv tso nyar. Ban tổ chức tưz taz nhav tâu 966 đơn vị nyar zok trâu têx qơư njuôk kho moz, tsi njênhk chia muôx txâuk nyar chơưv nênhs moz.

Ndax jias no, Ban tổ chức tưz puz 20 poz huv trâu zis nênhs tâu chai paz hâur thax tsav Thành phố. Hnuz grâuv pax tưx zênhv "Tso nyar Sơn La" tâu kriz ntơưv huyện Thuận Châu hâur hnuz 23/6.