Jias no muôx thơưx car têx sở, ngành; thơưx car têx xã Chiềng Khương, Sông Mã, Mường Hung, Huổi Một, Mường Lầm, Bó Sinh, Nậm Ty, Phiêng Pằn đros chôngz lênhx pêx xênhv, tsêr luôv, HTX chos txir lưv tsiz hâur thax tsav xã.

Lưv tsiz zos iz zav txir chos zov chênhr hâur thax tsav xã Chiềng Khoong. Nhiv no, hur si xã muôx 1.165 ha lưv tsiz, hur si xav sâu tâu 6.500 tấn, paz zov chênhr chia muôx hâux lưv uô thiaz paz huôv tsar nhiax txiax thax tsav. Xã tưz moz siaz sir zôngv têx tsưr ziv yiaz lok chos, tu txir; cxiv tsa têx qơư chos uô cê txâuk chai chia muôs muk trâu oz chas têz; cxiv tsa côngz bê, cxơưz paz huôv tsar têx qơư têr hlưz luv tsiz nto mông. Iz chas ntơư, xã tsênhv moz siaz sir zôngv thương mại điện tử thiaz livestream chia fuô kria têx hax huv hâur thax tsav.

Ntơư zos thơưx jâus, xã Chiềng Khoong kriz hnuz grâuv pax têr txir lưv stiz đros trâu pâur muôs hax huv sâuv mạng chia kruôk txos têx nênhs lês hâux lưv chos, têr txir lưv tsiz thiaz fuô kria têx hax huv txơưr hlo ntơưv thax tsav. Đros ntơư, paz trâu têx HTX, zis chos txir, tsêr luôv thiaz hluôs nênhs tâu siz njiz, siz chos cơưv shâuv tsưr ziv hlôgnr pâur số, kriz đar qơư muôs hax huv, paz trâu têx lưv tsiz ntơưv Chiềng Khoong cxiv tsa tâu côngz bê truôx njês.

Hâur hnuz grâuv pax tưz kriz ntâu têx hâux lưv lov jêv ntưk, kriz 5 qar huv fuô kria txir lưv tsiz thiaz hax huv OCOP txix têx hợp tác xã thiaz têx jok ntơưv thax tsav. KOL tưz siz chos kria pâuz têx tsưr ziv, đros ntơư kria têx hợp tác xã tsưr ziv cxiv tsa yôngx muôs hax huv thiaz fuô lês qơư muôs hax huv điện tử sâuv mạng, chia kriz đar qơư muôs hax huv trâu thax tsav.

Tâu chôngz lênhx saiz thiaz cxơưz jos zos phênhv tưr têr txir lưv tsiz. Phênhv tưr no tưz gruo hu tâu 17 paz tưr, 51 lênhx hlôngr njêx muôs trâu 17 luz jok hâur thax tsav xã siz chos côngv. Trơưk cêr chai, iz paz tưr zuôr tâu Ban tổ chức muôz 8 chiaz txir lưv tsiz chia têr. Têx tiêu chí cxênhz yuôx cux tâu tsa tơưv chia cov xair tâu paz tưr sai thiaz jông gâux yax.

Iz chas ntơư, xã tsênhv kriz têx cêr uô si li thair kror muôs cxov ok, paz muôx cêr uô si nhaz xênhz, shir phaz trâu chôngz lênhx pêx xênhv.

Suôx câuv Jias tưr, Ban tổ chức tưz puz 1 giải iz, 2 giải oz, 3 giải pêz thiaz 12 giải cxơưz jok trâu têx paz tưr.