Jias no muôx đồng chí Nguyễn Thành Công, Phó Chủ tịch UBPX tỉnh; nênhs hlôngr njêx muôs Bộ Khoa học thiaz Công nghệ, thơưx car cxuô sở ngành; têx tsêr luôv,  hợp tác xã, hluôk nênhs piz uô nox hâur thax tsav tỉnh, đros yax 500 sinh viên Yar cơưv Đại học Tây Bắc. 

Hnuz grâuv pax no tưz kriz jias saz lax nuôv zax “Côngv đas jos hlôngr pâur số hâur huôv tsar nuôv zax Sơn La" muôx thơưx car Sở Txux chi,Thể thao thiaz Nuôv zax, Yar cơưv Đại học Tây Bắc, nênhs hlôngr njêx muôs têx tsêr luôv, ziv nênhs uô luôv tsưr ziv huôv tsar nuôv zax uô ntêx nyuôk ntơưv tỉnh. Têx đại biểu tưz côngv saz lax, kria pâuz lok sâuv têx cxênhx cxênhv cik txos njiaz luk “hlôngr pâur số nuôv zax”: Hâux lưv saiz car têz qơưk lok sâuv hlôngr pâur số nuôv zax, têx cêr chai paz hlôngr pâur số; têx hâux lưv tsuv paz uô ntêx hâur hlôngr pâur số nuôv zax cik txos kria cxuô kror qơư pâuz, cxơưz cêr lax luôv, uô luôv hax huv; têx tsưr ziv cơưv tâu hâur sir zôngv hlôngr pâur số nuôv zax ntơưv tsêr luôv lox zâu; hâux lưv cơưv shâuv, cơưv nzir tsưr ziv hlôngr pâur số chia paz trâu hâux lưv uô lax luôv...

Đros trâu saz lax kôngz lông “Sir zôngv Txơưx fiv cêr uô nênhx- Chuôz zênhx jông hâur huôv tsar kôngz lông truôx njês”, nênhs hlôngr njêx muôs têx tsêr luôv, tsêr nhiax, hợp tác xã, hluôk nênhs piz uô nox tưz moz siaz kria pâuz têx hâux lưv nhiav sir zôngv chuôz zênhx jông trâu huôv tsar kôngz lông trơưk faz truôx njês. Hâur ntơư, têx đại biểu txuv jias saz lax cux kria pâuz lok sâuv têx txov nhêv hâur ntu piz uô nox lok sâuv huôv tsar kôngz lông, lar haik pênhr cxưx nhiax uô, faz tsưr ziv uô nox ndax ndênhk, zos chai, uô luôv hax huv. Đros ntơư, tsênhv kria pâuz tsưr ziv hâur ntu piz uô nox, moz siaz muôs kôngz txir nox Sơn La trâu têx ciaz hâur têz qơưk thiaz oz chas têz; tsuv pâuz cxuô zav hâux lưv hâur sir zôngv chuôz zênhx jông trâu huôv tsar kôngz lông; huôv tsar têx huv tu jông chia yôngv siaz kôngz txir nox kror muôx gri...

Hnuz grâuv pax cux tưz kriz Jias sâu bê siz khov thiaz kria pâuz sir zôngv chuôz zênhx jông hâur Trung tâm cxơưz, piz uô lax luôv thiaz gruô hu tso pênhr uô trâu thax tsav hair nênhs tsơưs thiaz têx hợp tác xã piz uô nox. Cxiv tsa têx qơư kria pâuz tsưr ziv piz uô nox Sơn La muôx 27 lênhx zos têx nênhs muôx ntâu cêr pâuz; muôx vax huôv zos nênhs xa, choz kria, côngv đros, kria pâuz tsưr ziv thiaz tsov xav trâu têx qơư nziv piz uô nox hâur tỉnh.

Fuô luk jâus no, đồng chí Nguyễn Thành Công haik mênhx: Hâur ntu tsik tsês hlôngr pâur số ntơưv têz qơưk, kror hlôngr yiaz lok sâuv cxiv kho cêr chai ndêx ntus nov hâu thax tsav, tok njôngr đại hội Đảng cxuô cấp txos Đại hội 14 ntơưv Đảng mak hluôk nênhs tsuv zos tsôngv nênhs uô ntêx nyuôk hâur piz uô nox, hlôngr yiaz muôx phaz nzưr.

Đồng chí cxiz cov, Yar cơưv Đại học Tây Bắc tsuv tror cxơưz  vax huôv chox, tơư kria ntơưv têx cưk kria, moz siaz kriz têx hâux lưv zaz zâuv piz uô nox, muôx phaz nzưr trâu sinh viên; đros têx tổ chức, tsêr luôv, hợp tác xã uô ntêx nyuôk hâur hâux lưv kria pâuz, saz lax tsưr ziv trâu sinh viên. Tsênhr cov têx sinh viên cxơưz kror moz siaz, muôx phaz nzưr ntơưv hluôk nênhs, sir jos cơưv shâuv, côngv tas đas jos thiaz tsưr ziv cxiv tsa thax tsav tsik tsês huôv tsar.

Nhoz hâur Hnuz grâuv pax piz uô nox, hlôngr yiaz muôx phaz nzưr shông 2025, hnuz kaix 12/7, ntơưv Yar cơưv Đại học Tây Bắc tưz kriz jias saz lax tsưr ziv txơưx fiv cêr uô nênhx “Huôv tsar cêr uô luôv txir Tuôz ziz Sơn La: Têx kror pov muôx nhiv no thiaz tsưr ziv đơưk cêr txov nhêv”. 

Jias saz lax tưz nhav tâu 23 jax luk thav ntơưv têx tsưr khoa học, tsưr tsov xav, nênhs saiz car, cưk kria Yar cơưv Đại học Tây Bắc… Têx jax luk thav moz siaz kria pâuz têx cxênhx cxênhv, li: Têx kror pov muôx hâur huôv tsar, tu jông thiaz uô luôv huv txir tuôz ziz ntơưv Tây Bắc; xav tiar gri huv txir tuôz ziz; tsưr ziv huôv tsar nuôv zax jêx jok txix ntông txir tuôz ziz thiaz têx huv tuôz ziz; jax đaz nênhs thav txos hâux lưv huôv tsar yuôx njuôz txix txir tuôz ziz; sir zôngv marketing thax tsav chia cxiv tsa huv tuôz ziz ntơưv Nậm Nghiệp – Ngọc Chiến huôv tsar truôx njês; huôv tsar têx huv txir tuôz ziz; haik mênhx chor nhiax thêv- cêr muôx liv hâur uô luôv huv txir tuôz ziz; sir zôngv hlôngr pâur số hâur pâuz mênhx qơư chos thiaz cêr lax luôv điện tử trâu huv tuôz ziz; sir zôngv mạng xã hội chia huôv tsar đêz đar đuôz huv txir tuôz ziz; tsưr ziv cxơưz cêr lax luôv, kria cxuô kror qơư pâuz huv txir tuôz ziz Sơn La; têx kror muôx liv chia huôv tsar huv yiaz txix huv txir tuôz ziz...

Cux zos hnuz kaix 12/7, yax 40 đại biểu hlôngr njêx muôs trâu têx tsêr luôv, hợp tác xã, sinh viên piz uô nox tưz cơưv shâuv tsưr ziv cxaik zênhx zav, cơư đuôz thiaz xav tơưv ntu xa đuôz paz trâu côngz xưv kria cxuô kror qơư pâuz huv kôngz lông- nuôv zax.

Tâu kror siz txuôk luk, kria pâuz ntơưv têx cưk fuô kria, lớp cơưv moz siaz kria nzir 2 chuyên đề zov chênhr, li: Tsưr ziv muôz xor tôngx cxaik hax huv cov jông gâux, sir zôngv AI chia xav tơưv têx huv jông, muôx chôngz lênhx nhiav zuôr; tsưr ziv cơư đuôz thiaz xav tơưv ntu xa đuôz, sir zôngv cxênhx cxênhv số (Tiktok, Reels...). Cxênhx cxênhv kria pâuz, paz têx tsêr luôv, hợp tác xã, sinh viên piz uô nox hâur thax tsav tỉnh tuôr truôx tsưr ziv cxaik zênhx zav, xav tơưv ntu xa đuôz chia kria cxuô kror qơư pâuz zuk têx huv kôngz lông, nuôv zax ntơưv thax tsav, đhâu no paz zok tâu chor nênhs zuôr huv thiaz cxơưz uô luôv hax huv.