40 công ty, đơn vị, tsêr luôv, têx qơư choz kria tưz piar kria mênhx xar zuôr nênhs uô hâux lưv, têx cêr chai paz têx nênhs uô hâux lưv. Iz cxia yar cơưv đại học, cao đẳng cux kria shâuv xênhz thiaz têx nênhs uô hâux lưv njuôk tsov, xair cơưv têx zav fiv huv đas jos, siaz nhiav cov thâuv cơưv tas thiax zôngx ziv nriar tâu hâux lưv uô.

Ntơưv Hnuz grâuv pax, têx nênhs txâuk shông uô hâux lưv tưz cir ntơưr chos luk uô hâux lưv trâu têx tsêr luôv ntơưv têx tỉnh: Quảng Ninh, Hải Dương, Hưng Yên, Hải Phòng, Bắc Giang, Vĩnh Phúc… Iz cxia nênhs uô hâux lưv xar nriar hâux lưv uô, lok sik xar muk cơưv trâu têx têz qơưk: Nhật Bản, Hàn Quốc, Đài Loan, Đức, Úc, Canada… tâu têx đơn vị kria uô ntâuz ntơưr.

Hnuz grâuv pax zos iz jias chia têx tsêr luôv thiaz têx nênhs uô hâux lưv; yar cơưv thiaz shâuv xênhz tâu siz njiz. Txix ntơư, paz têx hluôk zôngx ziv nriar tâu hâux lưv uô; paz têx nênhs uô hâux lưv zos ziv pluôs, jê cêr pluôs, têx tuz hluôs muk uô lênhv tror lok nriar tâu hâux lưv uô fiv huv yax, cxơưz cxiv luz nênhx.