Jias nox cxôngx no, muôx 2 phênhv: Cêr chai đaz kruôk thiaz nthuôr txux chi. Hâur ntu lês cêr chai đaz kruôk, muôx iz tsuv graix hno, zos: Graix nhux, iz taik cuô, muôx mor blêx blâuv, nduôr blêx blâuv, muôx chơưr, muôx txir hmaz txir ntông thiaz iz luz taik yuôv shaz. Tus txir đaz txir kruô đros nov chox car thiaz pêx xênhv xã Gia Phù tưz siz chos hlơưr shaz thor cov xênhz têz xênhz qơư por hưv, ntux tso yar tso nas lok siz luôs, pêx xênhv nhoz thuv txiaz xênhz, cax siaz lus, khưr tâu kôngz lông lok pur cxaz, tu tsiax cxu huôv vav pur guôx... 

Hâur ntu nthuôr txux chi tưz nthuôr ntâu cêr lov jêv, li: Tơưs kênhx, por poz, ntâuk tux luz, tuô hnênhr… pêx xênhv thiaz kruô nuôv zax tuôx côngv lok six chôngz.

Ntơưv jias nthuôr cêr lov jêv Hmôngz nox cxôngx, xã Gia Phù tsênhv nthuôr ntâu txux chi: Tơưs kênhx Hmôngz; tôngx xor ntok ntâuz max, tuôr nduôr blêx blâuv; nthuôr muôs pêx xênhv ntơưv no têx hax huv zos kôngz lông, li: Cxur hữu cơ, têx hax huv OCOP graix caz puôz, chơưr xaz blôngx, njuôs kruôr…

Nthuôr cêr lov jêv Hmôngz xã Gia Phù nox cxôngx cux zos iz jias chia tsưx hưv thiaz nthuôr huôv têx txux chi Hmôngz, cxơưz tsôngv pêx xênhv luz nênhx thôngx siaz. Tsik tas li, đhâu no, cux zuôr piar kria têx txux chi, tiz nênhs Gia Phù trâu kruô cxuô qơư, cxơưz cêr huôv tsar nhiax txiax - xã hội trôngx têz qơưk no.