Đros paz nênhs tưx zênhv uô hâux lưv jông ntơưv Tỉnh đoàn Sơn La, pêz tưz muk trâu xã Chiềng Sơ chia paz pêx xênhv. Ntơư zos xã mas ntux nas hloz ruôr hiav saz, muôx 3 lênhx tuôs, tsik pov 1 lênhx; 264 luz tsêr piav tas; đêx nhaz 120 ha blêx liax, đêx cuôr 3 tus qox đai thiaz ruôr hiav ntâu pêx xênhv chuôz tav, kôngz lông txơưr; xav hur si pôngz lơưv 85 tỷ nhiax.

Ntux tsik lok nas, đêx tưz grêk, taz sik pêz tưz pov ar shơư poz jêz, suôz jêz uz no nhoz pês pơưs lus tov kaz coz nas hloz muk đhâu. Paz nênhs tưx zênhv uô hâux lưv jông muôx 130 lênhx zos cán bộ đoàn, cưk kria thiaz sinh viên Yar cơưv Đại học Tây Bắc, tưz zênhx max phaiz uô 2 paz nênhs, paz pêx xênhv thax tsav đrôngs xã Chiềng Sơ thiaz thax tsav xã Nậm Ty kuz.

Tuôx txos kror qơư tsuv tâu paz jok Pọng, jok Pao Há, têx nênhs tưx zênhv uô hâux lưv jông tưz muk tơư đêz 3 km thiaz hla đêx thiax mav txos têx ziv nênhs mas ar poz cxuz. 

Hâur kror yar cuz, luz yo đraz kâuv saz đrâuv ntuz hưk, lo ntâu ar gok, taz sik têx nênhs tưx zênhv uô hâux lưv jông tsênhv moz siaz đros pêx xênhv tu qơư nhoz đu lus, hur si. Zênhx max so cov tas têx luz hưk hâur pliax, tix lâus Trần Đăng Khoa, cưk kria Yar cơưv Đại học Tây Bắc, kria pâuz: Thâuv tuôx txos no, pov tâu ar shơư poz jêz, suôz jêz uz no nhoz pês pơưs lus, ntâu ziv nênhs pôngz tas hur tiz si chuôz tav iz tiav tsês tâu, pêz ho zav moz luz siaz đuô. Đros trâu têx ziv nênhs ar poz cxuz lok sik nhoz hâur kror qơư tsuv yaik cias muk nhoz đuô kror qơư, pêz tưz đros ziv nênhs, tsôngv dân quân tự vệ ruôr yêv vax tsêr, chuôz tav muk nhoz kror qơư nhaz xênhz. Txơưv hâux lưv hnhar, taz sik tâu côngv đas jos paz trâu pêx xênhv, pêz lok six jông siaz hênhr.

Hok thax tsav jok Nà Lốc, xã Chiềng Sơ, tưz muôx 23 tus hluôk nênhs paz pêx xênhv. Niav lâuk Lù Thu Phương, Ban Côngz xưv Đoàn thiaz Thanh thiếu nhi, haik tiak: Txix thâuv 5 six sơưr nzor, têx nênhs piz muk paz 3 ziv mas đêx nhaz, ar gok siaz yax 1 thiar. Tov kaz ntơư, đros pêx xênhv thoz huk têx ar shơư poz jêz, suôz jêz thôngz plơưk cêr muk lok jêx jok ntêr 300 thiar, paz 11 ziv tsav yêz máy muk lok tâu. Hâur 2 hnuz, paz nênhs tưz gruô hu ntâu tus hluôk nênhs, sir jos paz cxuô ziv nênhs hla đhâu cêr txov nhêv.

Hâur têx nênhs tưx zênhv uô hâux lưv jông, cux muôx nênhs vax tsêr mas ntux nas hiav taz sik tsênhv tưx zênhv paz trâu pêx xênhv, lar kruôk li tix lâus Vì Văn Điệp, cán bộ đoàn Ban côngz xưv Đoàn thiaz thanh thiếu nhi, nhoz jok Bang, xã Chiềng Sơ. Tix lâus Điệp thav pâuz: Hâur coz nas hloz nhiv kruôr đhâu, cur ziv nênhs hmôngr jông tsuôk zos mas ruôr hiav lok sâuv pak njêk thiaz kôngz lông, tsêr nhoz mak tsik uô chak. Cur xar đros têx hluôk nênhs côngv đas jos paz pêx xênhv hâur zuk thax tsav hla đhâu cêr phiv liv, nzor cxiv tsa luz nênhx truôx njês.

Cias tov kaz ntux lol nas hloz, Ban Thường vụ Tỉnh đoàn tưz chox car têx cơ sở đoàn gruô hu tsôngv hluôk nênhs cias ntơưv qơư chia paz pêx xênhv yêv njais vax tsêr, chuôz zênhx tuôv txênhv muk nhoz đuô kror qơư. 

Niav lâuk Cầm Thị Huyền Trang, Phó Chủ tịch Ủy ban MTTQ Việt Nam tỉnh, Bí thư Tỉnh đoàn, haik kria: Txix hnuz 31/7 txos hnuz xiaz 3/8, Tỉnh đoàn tưz cxiv tsa 3 paz nênhs tưx zênhv uô hâux lưv jông, muôx 265 cán bộ, hluôk nênhs nhoz têx đơn vị: Ban Côngz xưv Đoàn thiaz Thanh thiếu nhi (Ủy ban MTTQ Việt Nam tỉnh), Ban Thanh niên (Công an tỉnh), Yar cơưv Đại học Tây Bắc, Yar cơưv Cao đẳng Sơn La, Chi đoàn Yar yêz za Nà Sản, Ban Chỉ huy Tuz lênhv đriv têz thiaz têx câu lạc bộ tưx zênhv uô hâux lưv jông… côngv siz chos paz pêx xênhv têx xã Huổi Một, Chiềng Sơ, Sông Mã. Yênhx paz nênhs tưx zênhv uô hâux lưv jông tâu phaiz uô ntâu paz nênhs paz pêx xênhv thoz huk ar, poz jêz, suôz jêz poz, ntưk lok hâur pêx xênhv vax tsêr, thax tsav đrôngs xã, tsêr txux chi jok, yar cơưv; ruôr tsêr nhoz, thâux chuôz tav muk nhoz đuô kror qơư, xa huv paz trâu pêx xênhv nhoz têx jok muk lok tsik tâu...  

Hâur jias no, Ban Thường vụ Tỉnh đoàn thiaz têx đơn vị tưz gruô hu têx paz pơưs, tus khênhx siaz jông côngv tâu 110 triệu nhiax ntơưr, 14 hnaz huv, 500 thôngz mì tôm, pav vor, đêx hâuk, 150 chiaz cxur thiaz ntâu kar nox zov chênhr krưr trâu pêx xênhv mas coz nas hloz ruôr hiav nhoz têx xã Chiềng Sơ, Huổi Một.

Nhav têx huv ntơưv Đoàn thanh niên, pos Lò Thị Linh, jok Nà Lằn, xã Chiềng Sơ, thav: Cur ziv nênhs mas ar poz cxuz, tsêr nhoz tsik nhaz xênhz, luz nênhx tưz txov nhêv, nhiv no hax zav txov nhêv đuô. Tâu têx đơn vị krưr huv, hluôk nênhs paz tu, cur ziv nênhs lok six uô tsâus ntâu.

“Kror tưs xar mak muôx hluôk nênhs paz, kror tưs chor mak muôx hluôk nênhs đros uô”, hluôk nênhs Sơn La cxơưz vax huôv uô ntêx nyuôk lês jông têx hâux lưv paz trâu pêx xênhv sơưr đơưk, moz siaz đơưk cêr phiv liv tiv ntux nas hiav, paz grêk tsơưs cêr ruôr hiav thiaz zos qơư ntuôk paz pêx xênhv nhoz thax tsav mas ntux nas hiav nzor hla đhâu cêr txov nhêv, iz phênhv tưs cxiv tsa luz nênhx truôx njês.