Txuv jias Saz lax muôx yax 100 đại biểu zos chuyên gia ntiax têz, hlôngr njêx muôs têx tổ chức huôv tsar, tsêr luôv, HTX hâur tỉnh thiaz têx đơn vị uô luôv tsưr ziv hâur hâux lưv logistics, pâuz mênhx qơư uô, hlôngr pâur số, nhiax txiax thiaz cêr lax luôv kôngz lông.

Ntơư zos luôs hâux lưv nhoz hâur Dự án zâu “Tsik tsês hlôngr yiaz tsưr ziv muôs huv đêz đar cxuô kror qơư ntơưv Sơn La”, nhoz hâur Dự án GREAT zos Chính phủ Úc paz. Dự án tâu fuô lês txix shông  2017 xav hur si muôz nhiax uô 67,4 triệu nhiax đô la Úc, moz siaz paz pox niav hair nênhs tsơưs thax tsav Tây Bắc hlôngr yiaz tsưr ziv cxiv kho nhiax txiax đhâu huôv tsar kôngz lông thiaz nuôv zax.

Ntơưv Jias saz lax, têx đại biểu tưz kria pâuz hâux lưv uô tâu hâur tsov xav xuz thơưx lok sâuv hlôngr yiaz tsưr ziv uô luôv kôngz lông ntơưv Sơn La; saz lax têx tsưr ziv muôs huv đêz đar cxuô kror qơư, tsưr ziv đros pox niav hair nênhs tsơưs côngv xav tơưv tsưr ziv muôx phaz nzưr thiaz têx nênhs paz tsêr luôv, hợp tác xã vax huôv.   

Têx đại biểu tưz saz lax trâu cxuô tsưr ziv muôs huv đêz đar cxuô kror qơư li chos kôngz, sâu kôngz, thâux kôngz, tsưx kôngz thiaz muôs kôngz; cxênhz têx kror hlôngr yiaz taz tov muôx nhiv no, kria pâuz kror uô tâu thiaz tsik tâu cux li thor tso tơưv tsưr ziv tâu kror fuô lês tsik tsês ntơưv pox niav hair nênhs tsơưs hâur tsưr ziv huôv tsar kôngz lông muôx gri.

Jias saz lax cux kria pâuz têx kror yiaz hâur têx tsưr ziv uô luôv kôngz lông shông 2026 li: hlôngr pâur số, kria pâuz qơư uô mênhx pêv, huôv tsar njuôz, paz tâu kror txâuk chai uô luôv yiaz thiaz tsik tsês siz chos uô nox muôx kaz hâu. Ntâu tsêr luôv tưz kria pâuz têx tsưr ziv sir zôngv hâur luz nênhx thiaz pâuz mênhx qơư uô tơưv, logistics kôngz txir nox, số hóa saiz car chuôz zênhz uô liax têz, nôngz kôngz thiaz qir mfông, pênhr nhiax thiaz tsưr ziv saiz car nhiax txiax trâu hợp tác xã, tsêr luôv kôngz lông.  

Saz lax chia cxơưz cxiv tsa hâux lưv paz hlôngr yiaz tsưr ziv uô luôv kôngz txir nox ntơưv Sơn La trơưk faz đêz đar cxuô kror qơư, muôx kaz hâu thiaz truôx njês; đros ntơư, tsênhv paz nzir trâu pox niav hair nênhs tsơưs hlôngr yiaz tsưr ziv muôs huv trâu cêr lax luôv thiaz huôv tsar nhiax txiax ntêr shông.