Zơưs Nguyễn Chí Chung, Phó Chủ tịch UBPX huyện, haik pâuz: Cán bộ, đảng viên thiaz pêx xênhv hâur thax tsav tưz pâuz lok sâuv cxiv tsa jêx jok yiaz muôx ntâu hlôngr yiaz. Pêx xênhv moz siaz, tưx zênhv côngv lês hâux lưv; paz chuôz zênhx, hnuz jos, jav ar, kôngz lông... 

Txix shông 2021 txos nhiv no, huyện tưz muôz yax 12 tỷ đaiv nhiax trâu hâur hur si têx pênhr muôz zuôr luôs 65 tỷ đaiv nhiax txix li pênhr nhiax Trung ương, pênhr nhiax têz qơưk 3 shông lês hâux lưv cxiv tsa jêx jok yiaz thiaz pênhr xưv cxênhx chia lês hâux lưv cxiv tsa jêx jok yiaz chia cxiv puôz cxuô tsar zav paz huôv tsar uô kôngz cxuô zav. Sir zôngv nhiax txix li xổ số kiến thiết zuôr luôs 1,4 tỷ đaiv cxiv puôz 6 công trình. Pêx xênhv thax tsav huyện tưz paz yax 13.000 hnuz jos, jav 1.130m² ar, yax 108 tsoz ntông nox txir; tsưx truôx 91 kror qơư lês hâux lưv li “5 tsik uô, 3 hur”; tsa yax 400 tổ por hưv đêx ar huôz chuô nyiaz hur, 192 tổ cxênhz yuôx hâux lưv por hưv đêx ar huôz chuô nyiaz hur, zaz zâuv pêx xênhv khơưz tâu 3.850 luz kror ntiv khâuz nhaz... 

Lês trơưk jias zaz zâuv “Tas nro pêx xênhv thôngx siaz cxiv tsa jêx jok yiaz, đrôngs vav mênhx” tưz muôx yênhx puô đoàn viên, hội viên, cán bộ, chiến sĩ đriv têz côngv chos zuôr luôs 200 tsoz ntông trắc bách diệp, 80 tsoz txôngz; 100 tsoz cúc ngũ sắc. Paz 700 zis pluôs uô tsêr, hâur ntơư, gruô hu cxuô tus khênhx, paz pơưs paz 537 zis, sir zôngv pênhr nhiax têz qơưk huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz chia paz trâu 163 zis. Tas nro huyện tưz kho zuôr luôs 500 caik cêr hâur jok, cêr muk trâu xã, zuôr luôs 7.000 luz kror ntiv khâuz nhaz; huk 742 caik cưx đêx; sâu zuôr luôs 300 luz hnaz, hưz ntiv yuôx tuô đrox, 1 tấn khâuz nhaz zak zưr; chos yiaz pax trâu 14 caik cêr, 17 luz vax pax, 57 luz vax pax ntơưv qơư uô hâux lưv trâu têx xã, tsêr txux chi jok, tiax nza, đros trâu yax 16.000 cán bộ, hội viên pox niav côngv 16.208 hnuz jos. Chox car kriz 11 kror qơư "5 tsik muôx, 3 hur cxơưz paz tsưx truôx zis nênhs Việt Nam", kror qơư “3 hur” đros trâu 530 thành viên...

Ntơưv xã Chiềng Khương, zos xã uô ntêx hlo ntơưv huyện tâu côngz jêx jok yiaz trâu shông 2017. Zơưs Lò Văn Loan, Chủ tịch UBPX xã, haik pâuz: Nhiv no, xã tưz lês tâu 13 tiêu chí cxiv tsa jêx jok yiaz hov jông, yuôr 6 tiêu chí lês tsik tâu tiar zos cêr yêz muk lok, txux chi, sâu nhiax, uô kôngz lông thiaz huôv tsar nhiax txiax jêx jok, njuôk kho moz, đêx ar huôz chuô nyiaz hur. Ntu zuôr txos, xã zuôr tsưx truôx têx tiêu chí tưz lês tâu thiaz sir jos lês nzir têx tiêu chí chia nzor uô tiar têx cêr tuôr xav cxiv tsa jêx jok yiaz hov jông.

Txos nhiv no, huyện muôx têx xã Chiềng Sơ, Chiềng Khương, Mường Lầm tưz tâu côngz jêx jok yiaz; muôx 15 xã uô tâu txix 10-14 tiêu chí; fênhx đraz uô tâu 12,83 tiêu chí/xã. Fênhx đraz pêx xênhv nhoz jêx jok sâu nhiax tâu 32,13 triệu nhiax/nênhs/shông. Hâur shông 2023, huyện sir jos cov xã Mường Sai txâuk chai jêx jok yiaz; muôx 14 xã uoo tâu txix 11-14 tiêu chí; fênhx đraz uô tâu 13,9 tiêu chí/xã; têx xã Chiềng Khương, Chiềng Sơ, Mường Lầm lês tâu txix 1-2 tiêu chí hâur bộ tiêu chí jêx jok yiaz hov jông; fênhx đraz pêx xênhv sâu nhiax hâur jêx jok tâu 33,24 triệu đaiv/nênhs/shông.

Hok têx xã tsik tâu txâuk chai jêx jok yiaz, Sông Mã zuôr tror moz siaz lês jông côngz xưv fuô kria; gruô hu cxuô tus khênhx paz pơưs chia huôv tsar nhiax txiax, xã hội, cxiv tsa jêx jok yiaz, sir jos txos shông 2025, huyện muôx nzir 3 xã txâuk chai jêx jok yiaz.