Têx cà phê Arabica ntơưv Sơn La tâu chos trâu têx shông 1990, phênhv ntâu chos trâu têx phường Chiềng Cơi, Chiềng An, xã Mai Sơn, Chiềng Chung, Thuận Châu, Bình Thuận, Yên Châu, Sốp Cộp... Hla đhâu ntâu cêr phiv liv, cà phê tưz sơưr truôx njês trâu cêr luôv, yênhx zav paz pêx xênhv sâu nju nhiax thiaz hlôngr cêr uô kôngz lông, muôx hax huv jông gri muôs trâu oz chas têz qơưk. Huôv tsar cà phê, tỉnh tưz fuô lês ntâu cêr chai paz trâu tuz kôngz li: Txaik nhiax thêv tsav liv tsơưs; kria tsưr ziv chos thiaz tu truôx njês; paz zuz, qir tso, chuôz zênhx têx; nriar tuz luôv paz - tuz kôngz - muôx qơư muôs; cxơưz paz cêr luôv, huôv tsar côngz bê lax luôv.

Txos nhiv no, tas nro tỉnh muôx yax 24.300 ha, xav hur si sâu tâu 37.724 tấn/shông, txênhz yax 41% têz chos cà phê Arabica hâur hur si têz qơưk; muôx yax 100 hợp tác xã, tổ hợp tác cà phê chos, tu thiaz luôv tơưr, kra kruôr cà phê chia muôs. Xav iz shông, têx tsêr luôv, HTX luôv kra kruôr tâu yax 5.405 tấn cà phê cxur; muôx 7 tsêr luôv, HTX tâu muôz ntơưr vax huôv kria qơư chos “Cà phê Sơn La”, tâu muôs hax huv trâu 20 luz têz qơưk thiaz hâur thax tsav. Li ntơư, cà phê tưz yênhx zav chos, muôs tâu gri txix 60 -100 triệu nhiax/ha/shông; paz trâu yax 25.000 zis chos cà phê sâu nju nhiax truôx njês thiaz paz trâu 60.000-70.000 lênhx muôx nuv uô trơưk chaix.

Têx đại biểu tưz siz chos saz lax trâu têx njiaz lul li: Côngz xưv njuôk xav têz chos; kria tsưr ziv chos, luôv tơưr cà phê thiaz kra kruôr; liv đêx nzuôr thiaz zôngv flâuz uô qir; kria tsưr ziv thâuv đê txir cà phê; siz chos côngv tu thiaz muôx chai paz têx HTX, tsêr luôv thiaz zis chos, kra kruôr cà phê. 

Jâus saz lax zos jias chia têx nênhs saiz car, cưk txux, tsêr luôv, HTX thiaz tuz kôngz siz nus, siz chos cơưv tsưr ziv, phênhz txos cêr phiv liv, tuôr xav tsưr ziv huôv tsar cà phê. Đhâu ntơư, paz iz phênhv tưs cxiv tsa tsưr ziv hlôngr yiaz chos, tu cà phê, tsik tas ntâu nhiax txiax, tsik hiav txos cêr nyiaz hur.

Muôx lul ntơưv jâus saz lax, thơưx car Sở Nông nghiệp thiaz Môi trường, tưz haik: Chia cov cà phê Sơn La huôv tsar truôx njês hâur ntu huôz chuôz txơưr txar, mal hâux lưv cxiv tsa têx qơư hlôngr yiaz chos, tu cà phê, huôv tsar nhiax txiax tsik tu nduô, tsuv moz siaz siz khov chos thiaz muôs, muôx ntơưr kria qơư chos thiaz tuôr xav txo tsơưs pa carbon zos kror zov chinhr chia cà phê muôs tâu gri. Ntơư zos txox chai chia ngành Nông nghiệp thiaz hệ thống khuyến nông tror lês tiar chai paz thiaz njuôk xav huôv tsar trâu cà phê Sơn La haik khênhx, cà phê Việt Nam haik tas nro.

Txix ntơư, têx đại biểu tưz mul shuôk qơư uô tơưv cà phê ntơưv Công ty cổ phần Phúc Sinh Sơn La, xã Chiềng Mung; HTX jol Sàng Nà Tre, xã Chiềng Mai.