Truôx siaz cxiv kho faz tsưs hành chính paz max, têx cấp, têx ngành tsik so yôngv siaz phênhv shuôv ntơưv têx thơưx chox đros côngz xưv hlôngr ntơưr hành chính; hlôngr yiaz cêr xav, hlôngr tias ntơưv qơư uô “thor - puz” trâu txox chai “paz max”;  yôngv siaz têx paz cán bộ, công chức, viên chức hâur cêr lês hâux lưv.

Hlôngr uô ntơưr hành chính (TTHC) zos iz hâur têx njiaz luk tsênhv chênhz ntơưv côngz xưv hlôngr ntơưr hành chính, têx đơn vị, thax tsav lês ntov, zos chai xav lok sâuv fuô kria, kriz lus têx ntâuz ntơưr hành chính; trâu siaz uô têx ntâuz ntơưr hành chính hâur cêr lês điện tử; yôngv siaz uô jông, muôx liv kria têx nuv yưv ti vi; lês lưv ciz “5 ntơưv qơư” (taz nhav, yuôx, tso chai lês, ntâuk thưx, tror têx nuv uô tâu) ntơưv Trung tâm Paz max hành chính công tỉnh; txo tsơưs hnuz nhôngs uô têx ntơưr hành chính txix 25-50% trâu têx faz: Sê, đêx ar, cxiv tsa, cxiv puôz, chos luk uô luôv...

Zơưs Nguyễn Thanh Tịnh, Phó Giám đốc Sở Nội vụ, thav pâuz: Têx zav fuô mông uô ntơưr hành chính ntơưv tỉnh tsik tsês tâu uô tiar, uô tas, chok nxiak siz thôngz 3 cấp txix tỉnh, huyện, xã thiaz txuôk tar, njus têx zav fuô mông trơưk chai ntơưv Chính phủ. Nhiv no, hur si tỉnh muôx 1.554 qơư uô nuv yưv ti vi hur si trâu cêr piar; tiv tsôngv hồ sơ ntơưr hành chính tu zos hnuz tênhv tâu 99%, têx hồ sơ tror đhâu hnuz tênhv tâu cơ quan, đơn vị lês kriz lus thor jav txiv trơưk chai.

Côngz xưv cxiv kho nov hâu điện tử, nov hâu số lês zos qơư. Ntâu tsưr hlôngr yiaz lok sâuv hlôngr pâur số  hâur cêr uô ntơưr hành chính tâu fuô lês, li: Lo ntơưr niak tsês ntơưr hành chính txix zôngv chiv mã QR; sir zôngv ntơưr biên lai điện tử; xa mông fuô têx hồ sơ; kriz jâus cơưv đhâu cêr pov njôngr yưv ti vi, sir zôngv qar cơưv ntơưr tsik zôngv ntơưr sâu...

Txix cêr xav “3 tsơưs” lok sâuv hnuz nhôngs muk lok, tok thiaz muôz nhiax uô ntơưr hành chính, shông 2024, Sở Tư pháp tưz saz lax trâu UBPX tỉnh tso tơưv têx ntâuz ntơưr fuô lês chai thiaz mênhx pêv hlôngr têx lưv ciz, ntâuz ntơưr, yuôx ntâuz ntơưr xav zuôv chai têz qơư fiv huv tsênhz mênhx zuk thax tsav.

Pos Trần Thị Hòa, Giám đốc Sở Tư pháp, thav tiak: Sở tưz côngv fuô lês Đề án “Huôv tsar sir zôngv têx ntâuz ntơưr pêx xênhv qơư nhoz, xênhv bê thiaz xav tsênhz điện tử paz max hlôngr pâur số têz qơư ntu 2022-2025”. Đros ntơư, fuô lês uô đuô lưv ciz têx nuv têz qơư khov muôx ntơưv ngành, muôx chos luk kriz nênhs zus, nênhs tuôs, siz zuôr, muôz ntơưr phiếu lý lịch kria chai têz qơư; số hlôngr têx ntơưr ziv nênhs (hộ tịch) thiaz tuôr tiv têx ntơưr ziv nênhs thiaz ntơưr pêx xênhv qơư nhoz, chok nxiak pêx xênhv sir zôngv căn cước đhok chíp, lok sik VNeID thâuv muk ntâuk thưx, chênhr nhav muôx tsênhz.

Txix luz 11/2024, tỉnh Sơn La muôz phiếu lý lịch kria chai têz qơưk đhâu sir zôngv VNeID. Txos nhiv no, hur si tỉnh tưz muôz số hlôngr, saiz têx zav saiz car ntơưr ziv nênhs ntơưv Bộ Tư pháp jê 860.000 ntâuz ntơưr, hâur ntơư, xa trâu đruôz máy chos luk, saiz car ntơưr ziv nênhs zôngv uô cê yax 405.000 zav ntơưr; yax 98% hồ sơ tu uô ntêx hnuz nhôngs tênhv thiaz zos hnuz tênhv.

Đros trâu cêr xav cxiv tsa hâux lưv uô ntâuz ntơưr vax huôv siz txis, ntov chai, kriz lus, mênhx pêv, hla trâu shông 2025 thiaz ntu txuôk nzir, tỉnh pêz zuôr sir jos lês têx hâux lưv hlôngr ntơưr hành chính, lês jông hâux lưv ntơưv cêr chox uô ntơưr hành chính têz qơưk, chok nxiak jông đuô huv pêx xênhv, tsêr luôv siaz đros trâu cêr paz max ntơưv têx cơ quan têz qơưk. Đhâu têx hâux lưv hlôngr ntơưr hành chính, paz trâu cêr cxiv tsa, lax luôv, cxơưz paz huôv tsar nhiax txiax - xã hội hâur zuk thax tsav./.