Zos cêr siz txuôk tsênhv chênhz hâur hlôngr số, têx tổ chức tín dụng sir jos huôv tsar tsêr nhiax số, thêv nhiax tsik pov njôngr thiaz nuv pov njôngr ti vi, paz zôngx ziv trâu tsêr luôv, HTX chuôs pênhr nhiax thiaz uô nuv nhiax txiax nhaz xênhz, sai đuô. Ntơưv Agribank Chi nhánh Sơn La, hlôngr số tâu fuô lês siz luôs đhâu số hlôngr lưv ciz uô nuv, zôngv AI thiaz kriz 41 cxiax cxênhv choz kria, cxaz nzir pênhr xưv số trâu cán bộ, nhân viên. Txos nhiv no, Agribank Chi nhánh Sơn La uô nuv ntơưv 44 xã, phường đros 1 hội sở, 6 chi nhánh hov II thiaz 8 phòng uô nuv. Chi nhánh muôx 6 máy xa nhiax tưx lês (CDM), 11 máy ATM; jê 295 cxênhz tus kruô zôngv nuv Mobile Banking; têx trik gri jê 12 cxênhz tiv nhiax đros  26.400 tus kruô txaik pênhr; yax 140 cxênhz tus kruô zôngv Agribank Plus.

Zơưs Hà Đình Mùi, Phó Giám đốc Agribank Chi nhánh Sơn La, thav pâuz: Agribank Sơn La tror sir jos hlôngr số, cxiv kho têx paz "Paz nênhs số", "nênhs số" ntơưv 100% chi nhánh hov II chia uô ntêx lông fuô, kria thiaz uô muk đêx đar tsưr ziv số txos cán bộ, nênhs uô nuv. Đros ntơư, sir jos zôngv tsưr ziv nênhs xav (AI) trâu cêr saiz car, chox lês thiaz paz nuv uô chia yôngv siaz paz max têx kruô. Agribank xav chuôz zênhx zav paz, tiz nênhs zos kror quyết định thiaz kruô zos đruôz qơư ntơưv hlôngr số.

Đros trâu saz tsêr nhiax, têx tsêr luôv viễn thông taz tov yênhx têx nênhs uô ntêx hâur cêr cxiv kho jông cxuô zav số thiaz paz têx tsưs hlôngr số trâu tsêr luôv. Zos đơn vị txênhz ntâu zav lox hâur thax tsav, VNPT Sơn La fuô lês tsưs oneSME đros yax 100 faz số chia trâu tsêr luôv tov thơưx thiaz zâu. Têx faz lês hâur tsưs điện toán nthưr huôz, paz tsêr luôv txuôs nhiax cxiv tsa uô, yôngv siaz txiax njis saiz car nhiax. Đros ntơư, VNPT Sơn La sir jos zôngv Big Data, AI, IoT thiaz têx faz chok nxiak nhaz xênhz fuô mông, paz cxơưz hlôngr số tas nro trâu tsêr luôv thiaz hợp tác xã.

Zơưs Trần Thanh Tùng, Phó Giám đốc VNPT Sơn La, thav pâuz: Hlôngr số tsik zos paz tsêr luôv, HTX hlôngr yiaz chai car nhiax mal tsênhv txuôs tâu nhiax txiax, yôngv siaz pênhr xưv uô nuv thiaz kriz đar cêr zuôr muôs. Đhâu têx tsưs số, tsêr luôv car tâu hur si nuv uô tơưv, uô luôv hâur iz zav thôngz luk, kriz muôx liv têx ntơưr saiz chia muôz tơưv quyết định sai, tsênhz mênhx. Ntơưv no zos tsưs tsênhv chênhz paz muôx txiax njis, tsar cêr siz tưr thiaz huôv tsar truôx njês hâur ntu nhiax txiax số. 

Hlôngr số tsênhv uô tâu muk đêz đar txos têx uô tơưv, pâur muôs huv. Ntơưv qơư uô tơưv kôngz lông xor tôngx thôngz tsiz thiaz têx faz tsưs số taz tov yênhx "chuôz zênhx uô tơưv" yiaz ntơưv ntâu HTX. Tâus tâu hâur pâuk, yâu mông huv txos muôs huv hâur yar lax luôv điện tử, hlôngr số taz tov kriz nzir cêr muôz kôngz txir Sơn La txos nênhs sir zôngv hâur zuk thiaz luôs têz qơư. Ntơưv xã Phiêng Khoài, HTX Xanh Tây Bắc zos iz hâur têx đơn vị xuz lês kriz muôx liv têx faz tsưs số chia yâu mông thiaz pâur muôs kôngz txir. Cêr zôngv đuôz zênhx zav, video pov njôngr đros têx tâus tsuv qơư uô tơưv tưz paz têx txir nkhơưz kaz jiz muôs đhâu ntu pov njôngr tâu txix 2 - 5 tấn/hnuz. Têx huv, li: Txir nkhơưz kaz jiz, hồng, lê thiaz txir nkhơưz kaz jiz yuôx kruôr jôngx cux muôz tso hâu yar lax luôv điện tử thiaz mạng xã hội, muôs tâu nhiax luôv yax 1 tiv nhiax iz shông txix ntu muôs huv pov njôngr.

Pos Lê Hương Mơ, Phó Giám đốc HTX Xanh Tây Bắc, xã Phiêng Khoài, thav pâuz: HTX xav hlôngr số zos faz lês muk zênhx muôx chia yôngv siaz txiax njis uô tơưv, yâu mông thiaz muôs tâu huv. Đhâu têx jâus cơưv nzir, HTX iz thênhv jux juk zôngv chuôz zênhx hâur tâus qơư uô tơưv, kria huv thiaz muôs huv hâur faz tsưs số. Txix ntơư, cêr zuôr sir zênhv hnuz zênhv kriz đar, têx kruô chôngz jux juk tuôx, siz chos yôngv sâu tâu ntâu nhiax luôv thiaz cxiv tsa côngz bê lax luôv kôngz txir ntơưv HTX.

Tas nro tỉnh nhiv no muôx yax 5.000 tsêr luôv uô nuv hâur ntâu faz, xav pênhr nhiax chos luk yax 144 cxênhz tiv nhiax. Yênhx shông, têx tsêr luôv paz yax 50% GRDP, yax 70% xav hur si nhiax sâu ntơưv tỉnh thiaz muôx nuv uô trâu yax 80 cxênhz tus nênhs. Hiệp hội Tsêr luôv tỉnh tưz trâu siaz đros têx sở, ngành fuô lês ntâu nuv paz tsêr luôv yôngv siaz cêr to tâuz, iz thênhv jux juk zôngv chuôz zênhx số hâur uô tơưv, uô luôv. Zơưs Nguyễn Quốc Khánh, Chủ tịch Hiệp hội Tsêr luôv tỉnh, thav pâuz: Hiệp hội zuôr đros đraiv tsêr luôv đhâu têx nuv kria, choz, txuôk chuôs thiaz paz chuôs têx faz chuôz zênhx, paz tsêr luôv zôngv hlôngr số fiv huv trâu cêr xav lox zâu, cêr tsênhz mênhx, yôngv siaz pênhr xưv saiz car nhiax txiax thiaz huôv tsar truôx njês.

Iz chas têx nuv uô tâu, ntâu tsêr luôv, HTX thax tsav tỉnh cux njiz chor nhov hâur hlôngr số tiv qơư uô tơưv zâu, nhiax txiax tsơưs thiaz tsik muôx nênhs muôx tsưr ziv số. Txix têx tsênhz no, tỉnh sir jos lês têx cxiax cxênhv paz choz nênhs, kria, txuôk chuôs tsêr luôv chuôz zênhx; cxơưz paz zôngv ntơưr điện tử, ntơưr ký số, tâus hâur pâuk thiaz lax luôv điện tử. Đhâu ntơư, iz thênhv jux juk yôngv siaz pênhr xưv saiz car nhiax, muôz sir tsơưs, kriz đar cêr pâur muôs thiaz tsik so siz tưr trâu tsêr luôv, HTX.

Hlôngr số taz tov zos faz muk thiaz khov tsênhr cov muôx trâu tsêr luôv thiaz HTX. Thâuv chuôz zênhx tâu zôngv toz chia saiz car nhiax, uô tơưv thiaz uô luôv, tsêr luôv tsik zos yôngv siaz pênhr xưv siz tưr, kriz đar pâur muôs mak tsênhv paz cxơưz nhiax txiax số, chuôz jos tsar nhiax txiax - xã hội truôx njês ntơưv tỉnh Sơn La.