Uô ntêx nyuôk sir zôngv khoa học kỹ thuật thiaz tu hâur cxuô ntu, HTX Lax luôv Huôv tsar Kôngz lông 19/5 nhiv no tưz muôx 6 zav huv tâu côngk nhav txâuk chai OCOP. Shir phaz yax mak, hâur têx hax huv ntơư muôx "Txir khơưz kaz jiz kruôr jôngx" tưz uô tâu jông, txâuk chai khov Trung ương njuôk tsov, côngk nhav zos huv OCOP 5 luz pax hnuz kuz thôngz têz qơưk.

Zơưs Mai Đức Thịnh, Giám đốc HTX Lax luôv Huôv tsar Kôngz lông 19/5, haik: Luôs hâux lưv uô hax huv OCOP tưz paz HTX hlôngr tâu tsưr ziv uô nox, txix thâuv ntêx iz lênhs uô mê njik tưz hlôngr uô tơưv ntâu hax huv muôx ntơưr kria mênhx qơư chos, uô têx hnaz ntiv, muôx bê ntơưr kria mênhx. Chia cov uô tâu li no, iz chas cxuô lênhx sir jos njok, HTX tsênhv tâu nov hâu paz max. Txix cias têx hâux lưv kria nzir kỹ thuật, paz uô ntơưr chos luk, txos hâux lưv paz chox têx hax huv muk piar muôs đhâu têx ciaz lax luôv, piar muôs têx hax huv, nov hâu cxuô cấp tưz paz pêx xênhv muôs têx hax huv muk trâu têx têz qơưk xair luôv yax.

Tsik zos têx HTX xưz, ntâu ziv Tuz kôngz hâur thax tsav cux hlôngr tsưr ziv uô nox, sâu nju nhiax txiax, cxơưz luz nênhx bluô nux ndax ndênhk. Lar haik li zơưs Trần Văn Khanh nhoz tổ pêx xênhv 68 zav "Txir thênhx caz Khanh Nhâm" tưz tâu côngk nhav OCOP 3 luz pax hnuz kuz. Txix hlôngr nôngz kôngz chos fiv huv, nưk ziv nênhs iz shông tưz sâu tâu yênhx tỷ nhiax.

Chox pêz tuz sâu xor muk shuôk luz vax txir thênhx caz taz tov hlar blôngx njuôz xiaz, zơưs Trần Văn Khanh shir phaz lus, haik: Uô ntêx ntơư, phênhv ntâu chos kôngz xưz tsik nju. Txix thâuv tâu côngv chos txir thênhx caz, shông 2010, piz chos siv 7.000 m² txir thênhx caz. Đhâu 3 shông, txir thênhx caz hloz jông, tsik yuô muôx caz hmoz, txi txir thiaz đê tâu muôs thơưx chiv, txix ntơư chos nzir ntâu đuô. Txos nhiv no, tưz muôx yax 5 ha txir thênhx caz, iz shông đê tâu yax 100 tấn txir, fênhx đraz iz chiaz muôs tâu yax 30.000 nhiax. Shông 2025, ho tâu paz uô hax huv trơưk chai "txir thênhx caz Khanh Nhâm" tâu ntơưr chứng nhav OCOP 3 luz pax hnuz kuz. Txix ntơư, têx txir tsik zos muôs hâur tỉnh xưz, tưz tâu ntâu tỉnh, thành pâuz thiaz zuôr ntâu.

Gruôs, txơưx nthuôr phaz nzưr, ntâu zav kôngz jông tâu têx HTX, ziv pêx xênhv uô jông tu têx kôngz jông cxiv tsa bê lax luôv hax huv OCOP jông. Txos nhiv no, tas nro phường muôx 8 zav huv tâu côngk nhav txâuk chai OCOP 3 thiaz 4 luz pax hnuz kuz, zos: Txir khơưz kaz jiz kruôr jôngx, txir khơưz kruôr thảo mộc, chơưr txir khơưz, chơưr txir khơưz plâuz kâuz, chơưr trưởng bản, txir thênhx caz Khanh Nhâm, txir lưk suôr cherry. Iz zav huv jông txơưr lơưv iz tsar thiaz nhiak tu txơưr lơưv nhiak, car shênhv têx zav muôx txơưv, uô jông tu trơưk chai hax huv hur, hâur Bộ tiêu chí cxênhz yuôx, njuôk tsov hax huv OCOP.

Zơưs Trần Quang Hoàng, Phó Chủ tịch UBPX phường Vân Sơn, piar kria: Hâur ntu uô tơưv hax huv OCOP, phường tưz fuô chai, gruô hu têx tsêr luôv, HTX, ziv pêx xênhv uô kôngz lông tsik zos uô jông tu xưz, zuôr tsuv tu têx hax huv cov jông txơưr lưv kror qơư. Iz chas ntơư, cxênhz yuôx tas nro têx huv jông; zôngv siz luôs jok cxuô zav pênhr tâu paz chia têx HTX chos luk tik bê, uô têx hnaz trâu, uô mã số, mã caz txaix thiaz bê cxênhz qơư uô; paz nhiax trâu têx tsưr cxưx nhiax uô ntơưr cxênhz yuôx, njuôk tsov kria mênhx hax huv... Đhâu ntơư, iz thênhv jux juk cxiv tsa bê lax luôv kôngz lông jông, hlôngr têx kôngz lông uô zâu iz kro mê njik chia siz khov uô tơưv ntâu yênhx hax huv muôs uô lax luôv.

Hâux lưv cxiv tsa hax huv OCOP tưz paz têx kôngz jông gri, huôv tsar nhiax txiax kôngz jông, jêx jok trơưk cêr siz khov truôx njês. Cxuô zav hax huv OCOP thâuv tâu côngk nhav tưz muôs tâu gri đuô, paz têx kôngz txênhz tâu cêr lax luôv, cxơưz nhiax txiax - xã hội huôv tsar.