Jâus no muôx têx cưk tsov xav kôngz lông txơưx fiv cêr uô nênhx, thơưx car Hội Tuz kôngz tỉnh, UBPX xã Mai Sơn, đros 200 đại biểu hlôngr njêx muôs cxuô hợp tác xã kôngz lông, tuz kôngz xã Mai Sơn thiaz têx xã nhoz jê.

Cxuô đại biểu tưz đros têx cưk tsov xav txơưx fiv cêr uô nênhx saz lax iz cxia cxênhx cxênhv cik txos nôngz kôngz, txir ntông, tsưr ziv chos thiaz sir zôngv chuôz zênhx tov kaz sâu tas kôngz, txir nox chia paz iz cxia ntông nox txir hâur thax tsav ntar jas tox siaz Kâuv têz hloz jông, sâu nju thiaz muôx gri; tsưr ziv chos, por hưv jông txir khơưz, lê, cà phê; tsưr ziv chos txir thênhx caz hur (VietGAP).

Tsik tas li, tuz kôngz tsênhv tâu kria tsưr ziv por hưv qơư tu zus tsiax cxu đêx ar huôz chuô nyiaz hur tov kaz coz nas hloz muk đhâu; kria pâuz tsưr ziv uô jông chênhz phax têx caz moz ơưk riaz nênhs taz tov cik trâu buô; tsưr ziv tir tar moz ơưk trâu buô hâur ntu nzênh chaix; têx zav caz moz ơưk riaz nênhs khênhr cik trâu kaiz ok.

Hâux lưv no chia paz tuz kôngz tâu siz njiz, saz lax, iz tus cơưv shâuv iz tus tsưr ziv uô nox yiaz chia cxơưz kôngz lông thax tsav zênhv hnuz zênhv tsik tsês huôv tsar./.