Ntâu shông đhâu, zơưs Dính Xênhv Muôk, nhoz jok Tà Số 1, xã Chiềng Hắc, puôr lênhx tâu pêx xênhv ndơưs, zôngs trơưk. Zơưs Dính zos iz lênhx nênhs tâu pêx xênhv njênhs hâur jok thiaz uô ntêx lông hlôngr nôngz kôngz yiaz tsêz chos, tu zus tsiax cxu, thiaz fuô kria, zaz zâuv pêx xênhv hlôngr txix li chos poz cưk, kok ntông chia chos ntông nox txir, huôv tsar tu, zus tsiax trơưk faz hax huv, chia cov sâu nju nhiax thiaz iz thênhv jux juk cxuz tâu cêr yaiz pluôs, tsik uô têx zav tsik jông. Nhiv no, nưk zis nênhs tưz sâu tâu yax 100 triệu đaiv/shông.

Iz chas ntơư, zơưs Dính tsênhv đros Ban saiz car jok zaz zâuv pêx xênhv uô guôx tsiax cov đêz tsêr; jav ar, paz đas jos thiaz paz 200 cxênhz/zis chia cxiv puôz txox cêr ntêr 2 caik hâur jok, paz pêx xênhv zôngx ziv muk lok, pâur muôs hax huv. Jok Tà Số 1 tsênhv tâu xair zos luz jok chia huôv tsar nuôv zax jêx jok ntơưv huyện. Jok tưz kho đuô, tsưx truôx iz cxia cêr grâuv pax, cêr uô si, têx cêr chai đaz kruôk, kria xơưk tsôngv hnar, kria yuôz kênhx, yuôz trax trâu fâuv hluôs chia cov gruô hu tâu chôngz lênhx kruô tuôx nuôv zax.

Zơưs Dính Xênhv Muôk, haik pâuz: Jông siaz yax nhiv no ntơưv jok, têx cêr chai đaz kruôk tsik jông tưz tâu tso tsês, pêx xênhv hâur jok puôr lênhx nthuôr huôv jông cênhz cưv zuk hair nênhs, por hưv tâu têx txux chi, cênhz cưv jông thiaz fuô kria trâu têx mê tuz, mê nhuôv.

Zaz zâuv pêx xênhv zôngs trơưk txix li hâux lưv mênhx pêv, zơưs Đinh Văn Ót, nênhs tâu pêx xênhv njênhs nhoz jok Sao Tua, xã Tân Hợp tưz huôv tsar zuk njêk cơư guôx. Nhiv no, nưk zis nênhs tưz muôx 16 luz guôx njêk, sâu tâu zuôr luôs 300 triệu đaiv/shông. Pov tâu zus njêk sâu tâu nju nhiax txiax, zơưs Ót tưz zaz zâuv, kria tsưr ziv zus njêk trâu têx zis pêx xênhv, nhiv no jok tưz muôx 15 zis zus đros trâu 84 luz guôx, paz pêx xênhv sâu tâu nju nhiax txiax, luz nênhx tâu jông đuô.

Zơưs Hà Văn Cường, Thơưx phòng Dân tộc huyện Mộc Châu, haik pâuz: Nhiv no, thax tsav huyện muôx 130 lênhx nênhs tâu pêx xênhv njênhs hâur thax tsav pêx xênhv hair nênhs tsơưs. Huyện tưz chox car têx xã, thị trấn fuô lês zênhx max têx cêr chai cxơưz paz trâu têx nênhs tâu pêx xênhv njênhs cov pâuz txos têz qơưk têx cêr chai chia fuô kria txos pêx xênhv hair nênhs tsơưs.

Têx nênhs tâu pêx xênhv njênhs thax tsav huyện Mộc Châu tưz nthuôr huôv tâu jông vax huôv, phênhv shuôv, đros pêx xênhv hair nênhs tsơưs huôv tsar nhiax txiax - xã hội hâur thax tsav. Yax hlo, zos hâux lưv siz tưr cxiv tsa jêx jok yiaz, đros trâu njiaz luk“pêx xênhv uô, têz qơưk paz”, ntâu lênhx nênhs tâu pêx xênhv njênhs tưz moz siaz zaz zâuv cov pêx xênhv cxiv tsa jêx jok yiaz zos cxơưz paz trâu zuk zis nênhs thiaz zuk jêx jok; txix ntơư gruô hu pêx xênhv paz nhiax, đas jos chia cxiv puôz têx vax tsê, cêr muk lok cxuô zav chia paz max trâu luz nênhx.

Viv li, Mộc Châu tưz zos iz hâur têx qơư lês tâu jông hâux lưv cxiv tsa jêx jok yiaz ntơưv tỉnh. Txos nhiv no, thôngz huyện muôx 8 xã tâu côngz jêx jok yiaz, hâur ntơư muôx 2 xã tâu côngz jêx jok yiaz hov jông. Hâur 2 shông đhâu, thôngz huyện tưz cxiv puôz tiar zuôr luôs 68 caik cêr yêz jêx jok; chaz tâu yax 251 caik điện pov cêr jêx jok trơưk tsưr ziv pêx xênhv muôz pênhr uô, têz qơưk paz thêv nhiax điện; 100 tsêr txux chi hâur thax tsav tâu cxiv puôz yiaz thiaz kho đuô chia fiv huv pêx xênhv cêr sir zôngv.

Đros trâu kror cxơưz paz ntơưv zuk tus khênhx, têx nênhs tâu pêx xênhv njênhs thax tsav huyện Mộc Châu tưz yênhx iz lênhx nênhs zov chênhr ntơưv cấp ủy, nov hâu cxuô cấp chia kria cêr chai txos trâu pêx xênhv, chia cxuô hair nênhs muôx cêr siz thôngx siaz, cxơưz paz huôv tsar nhiax txiax - xã hội, por hưv njias to thax tsav.