Têx shông đhâu, cxuô zav kar nox uô tơưv, uô tâu hâur zuk têz qơư thiaz luôs têz qơư zuôr lok trâu Việt Nam zênhv hnuz zênhv ntâu tsar zav. Cêr sir cxuô zav cuôz  lok paz nzir kov kaz trâu cêr uô tơưv tưz muôx ntâu. Ntâu zav graix muôs ciaz khư tsik muôx nênhs cxênhz saiz. Cêr uô  tơưv kaz  nox, đêx hâuk chuôr, tsik muôx cuôz kaz thiaz tsik trơưk têx zav siz tor cux li lưv chuôz zênhx tưz  chos luk trâu  têx cơ quan saiz car…

Fuô luk ntơưv cxiax cxênhv, đồng chí Nguyễn Thành Công, Phó Chủ tịch UBPX tỉnh cxiz têx ngành, đoàn thể tsik so saiz car têz qơư lok sâuv kar hur, đros fuô luk, zaz zâuv cov hlôngr cêr to tâuz thiaz kror sưv ntơưv tsôngv nênhs txos yênhx tus pêx xênhv. Tsik tsês cxênhz yuôx, sox njôngr côngz xưv chok nxiak njias to, nhaz xênhz kar nox; truôx siaz tir, thair, đơưk têx paz pơưs, tus khênhx, qơư uô tơưv, uô luôv zuôv chai lok sâuv njias to, nhaz xênhz kar nox; ndo njôngr phax, tar cêr txơưr txar, cêr muôx liv têx côngs nênhs hâur faz njias to, nhaz xênhz kar nox.

Ntơưv cxiax cxênhv tso luk gruô hu, Hội Tuz kôngz tỉnh, Tỉnh đoàn, Hội LHPN tỉnh, Ban saiz car Ciaz đruôz đrôngs thành phố Sơn La chos luk fuô luk, zaz zâuv uô tơưv, uô luôv kôngz txir kaz, nhaz xênhz viv đas jos tsôngv nênhs, huôv tsar truôx njês shông 2025.