Jias no muôx đồng chí Nguyễn Thành Công, Phó Chủ tịch UBPX tỉnh; thơưx car cxuô sở, ngành, tổ chức chính trị - xã hội ntơưv tỉnh; nênhs hlôngr njêx muôs têx tsêr luôv đros hur si đoàn viên, hluôk nênhs thiaz pêx xênhv hâur thax tsav.  

Đros trâu njiaz luk Hnuz Por hưv đêx ar huôz chuô ntiax têz nyiaz hur shông 2026 zos "Hur si ntiax têz côngv têk fuô lês hâux lưv viv por hưv đêx ar huôz chuô cêr nyiaz hur”, cxiax cxênhv paz sơưr đơưk to tâuz côngv por hưv jông đêx ar huôz chuô nyiaz hur, tir tar đêx ar huôz chuô txơưr txar, sir jos huôv tsar njuôz hur thiaz truôx njês.

Jâus no, têx đại biểu tưz tâu kria pâuz xor mông đêx ar huôz chuô nhiv no thiaz têx kror txov nhêv hâur côngz xưv por hưv đêx ar huôz chuô nyiaz hur, tir tar đêx ar huôz chuô txơưr txar hâur thax tsav tỉnh. Nhiv no, Sơn La taz tov pov yưv têx txuz ruôr hiav iz cxia hâu đêx, muôx ntâu khâuz nhaz, har jôngr mas ruôr hiav thiaz ar chos kôngz zênhv hnuz zênhv tsuôs jux juk. Iz chas ntơư, tsênhv pov yưv ntux yar cuz ntêr, đêx cuôr, ar poz cxuz txơưr txar. Lar haik shông 2025, nas hloz tưz ruôr hav saz txos tiz nênhs thiaz chuôz tav; coz nas hloz sâuv pak đêx Lax Muôk kaz luz 7 hli, hâu luz 8 hli tưz uô trâu 854 luz tsêr mas ruôr hiav, 64 ziv nênhs tsuv zênhx max yaik muk nhoz qơư yiaz, xav hur si pôngz lơưv 365 tỷ nhiax.

Fuô luk hâur jias gruô hu, đồng chí Nguyễn Thành Công haik mênhx: Hâux lưv por hưv đêx ar huôz chuô nyiaz hur tsuv zos luôs hâux lưv tâu uô tsik tsês hâur yênhx ntu, tsik zos sâu nju nhiax txiax mak tsênhv tir tar cêr tâu ruôr hiav txos đêx ar huôz chuô cêr nyiaz hur. Đồng chí cxiz cov cxuô sở, ngành, thax tsav tror tsik tsês fuô kria, zaz zâuv sơưr đơưk to tâuz por hưv jông đêx ar huôz chuô nyiaz hur thiaz phax tar đêx ar huôz chuô txơưr txar; fuô lês têx hâux lưv sâu hlơưr por tsês têx khâuz nhaz, por hưv hâu đêx, tsik sir zôngv ntâu hnaz zak zưr; zaz zâuv tsêr luôv huôv tsar kôngz lông thiaz tu zus tsiax cxu sir zôngv chuôz zênhv hur, por hưv đêx ar huôz chuô nyiaz hur; đros ntơư, tsênhv hlôngr yiaz tsưr ziv tsov xav, kria pâuz kror qơư nziv ntux hiav, tsik tsês cxênhz yuôx, cxov, bluô thiaz muôz tik cêr cxâuv têx nênhs ruôr hiav txos đêx ar huôz chuô cêr nyiaz hur. 

Fuô lul jias gruô hu, zơưs Nghiêm Văn Tuấn, Chủ tịch UBPX phường Chiềng An gruô hu cán bộ, đảng viên thiaz pêx xênhv uô tiar phênhv shuôv, txuôs jông têx hâux lưv por hưv đêx ar huôz chuô nyiaz hur, phaiz hov khâuz nhaz hâur ziv nênhs,  por tsês khâuz nhaz zos qơư, paz por hưv jông đêx ar huôz huô njuôz - hur - jông jav.  

Cias tov kaz jias gruô hu, têx đại biểu, đoàn viên hluôk nênhs, tsôngv vũ trang thiaz pêx xênhv tưz côngv chos ntông saiz đaz muôs; thoz huk têx cưx đêx, cưx lias; cxiv kho têx kror đêx, njưs tâur đêx; qêz khơưs sâu hlơưr por tsês khâuz nhaz ntơưv thax tsav muôx pêx xênhv nhoz chôngz, yar cơưv hâur phường Chiềng An.