Côngv jias gruô hu muôx đồng chí Đặng Ngọc Hậu, Phó Chủ tịch UBPX tỉnh; thơưx car Sở Tài nguyên thiaz Môi trường, iz cxia sở, ngành ntơưv tỉnh; thơưx car UBPX Thành phố thiaz chôngz lênhx pêx xênhv hâur thax tsav.

Ntơưv jias gruô hu, Chủ tịch UBPX Thành phố gruô hu hur si têx cán bộ, đảng viên, công chức, viên chức thiaz pêx xênhv côngv têk por hưv đêx ar, huôz chuô nyiaz hur, moz siaz côngv têx hâux lưv suô khâuz nhaz thiaz por têx khâuz nhaz zos qơư. Đros ntơư, fuô kria txo tsơưs sir zôngv hnaz jaik bluô, tsik zôngv hax huv trox ntôngk iz jâus thiaz moz siaz sir zôngv têx hax huv hữu cơ, tsik hiav đêx ar, huôz chuô nyiaz hur. Tuôr xav, siz chos phaiz khâuz nhaz cias ntơưv qơư hâur hur si Thành phố.

Côngv têk por hưv đêx ar, huôz chuô nyiaz hur, cxuô shông, UBPX Thành phố chos luk lês jông qơư sơưr, phênhv shuôv hâur saiz car, por hưv đêx ar huôz chuô nyiaz hur txix li Chủ tịch UBPX 12 xã, phường trâu Chủ tịch UBPX Thành phố; chox car, kria têx jok, tiểu khu fuô lês jông côngz xưv por hưv đêx ar, huôz chuô nyiaz hur, lês jông tiêu chí por hưv đêx ar, huôz chuô nyiaz hur hâur cxiv tsa jêx jok yiaz. Cxaz nzir têx khâuz nhaz tâu sâu, tu hâur đrôngs tâu yax 99,5%, thax tsav jêx jok tâu yax 89,44%.

Hâur luôs hâux lưv, Chủ tịch Hội Liên hiệp Pox niav thành phố Sơn La gruô hu Hội Liên hiệp pox niav têx xã, phường tror lês jông hâux lưv sâu, phaiz khâuz nhaz ntơưv thax tsav, li lês jông cêr siz tưr “phax tar khâuz nhaz”, qơư “Sir zôngv tơưz trox ntôngk muk ciaz” txo tsơưs zôngv hnaz jaik buô, phaiz khâuz nhaz thiaz txo tsơưs zôngv têx khâuz nhaz hiav txos đêx ar, huôz chuô nyiaz hur; qơư “Sâu khâuz nhaz trox ntôngk” côngv nhiax, qơư “Pox niav côngv têk sâu, tu khâuz nhaz ntơưv thax tsav”... 

Đros trâu njiaz luk “Por hưv ar, phax tar ntux kruôr”, Thành phố fuô lês têx hâux lưv saiz hloz trâu 12 xã, phường txix hnuz xiaz 1/6 txos hnuz 30/6, gruuô hu cán bộ, công chức, nênhs uô hâux lưv thiaz pêx xênhv suô khâuz nhaz ntơưv têx cơ quan, têx jêx jok, têx cêr lox muk lok zov chênhr…

Ndax jias no, Sở Tài nguyên thiaz Môi trường muôz 1.800 đaiv fiax fuô kria lok sâuv Hnuz cêr nyiaz hur ntiax têz trâu thơưx car UBPX Thành phố.

Cias tov kaz jias gruô hu, ntơưv ciaz trung tâm Thành phố, đồng chí Phó Chủ tịch UBPX tỉnh đros têx đại biểu tưz côngv Hnuz grâuv pax muôz khâuz nhaz pâur ntông njuôz zos Thành đoàn kriz. Đoàn viên thanh niên tưz sâu têx khâuz nhaz trox ntôngk zos pêx xênhv ntơưv thax tsav gra tuôx pâur ntông njuôz. Hur si têx nhiax sâu tâu chia paz trâu têx nênhs njiz ntâu cêr phiv liv. Sở Tài nguyên thiaz Môi trường, UBPX Thành phố muôz 200 luz hnaz ntơưr tsik hiav txos đêx ar, huôz chuô nyiaz hur.

Nhoz trâu hâur têx hâux lưv saiz hloz Hnuz cêr nyiaz hur ntiax têz, Hli lês hâux lưv por hưv đêx ar huôz chuô nyiaz hur shông 2024, Sở Tài nguyên thiaz Môi trường, UBPX Thành phố tưz muk shuôk Qơư tu khâuz nhaz ntơưv Thành phố zos Công ty cổ phần Môi trường thiaz Dịch vụ đô thị Sơn La saiz car.

Dự án cxiv puôz qơư hlơưr, jov khâuz nhaz ntơưv thành phố Sơn La tâu cxiv puôz txix li nhiax ntơưv Chính phủ Na Uy thiaz nhiax Việt Nam, hlơưr, jov tâu 80 tấn khâuz nhaz/hnuz. Sir zôngv tu khâuz nhaz uô compost thiaz phâuk fiv huv. Nhiv no, 100% têx khâuz nhaz thax tsav Thành phố tâu muôz lok sir zôngv trơưk cêr chai, txo tsơưs hiav txos đêx ar, huôz chuô nyiaz hur.

Ndax jias no, Công ty cổ phần Môi trường thiaz Dịch vụ đô thị Sơn La tưz tso tơưv iz cxia tsưr ziv cik txos tsưr ziv sâu, hlơưr, thâux khâuz nhaz chia bax trâu hâux lưv phaiz khâuz nhaz ntơưv thax tsav Thành phố; gruô hu chos ntông njuôz iz ndis Tsêr mair jov khâuz nhaz.

Cux hnuz ntơư, huyện Mộc Châu tưz gruô hu cêr siz tưr sâu têx flâuz ntiv yuôx tuô caz, tuô đrox tov kaz sir zôngv tas thiaz chos ntông njuôz ntơưv xã Lóng Sập saiz hloz Hnuz môi trường ntiax têz. Côngv jias gruô hu muôx thơưx car huyện thiaz zuôr luôs 100 lênhx hluôs nênhs, pêx xênhv ntơưv xã Lóng Sập.

Nhiv no, huyện Mộc Châu muôx yax 30 cxênhz ha ar uô kôngz, hâur ntơưr muôx yax 2/3 zos ar chos ntông. Têx shông lok no, têx qơư uô kôngz lông thax tsav huyện Mộc Châu puôr lênhx tsar siaz, đros ntơư têx nênhs sir zôngv yuôx tuô caz, tuô đrox cux tsar siaz, viv li ntơư, hâux lưv por hưv đêx ar, huôz chuô nyiaz hur, yax hlo zos hâux lưv tu têx njưs liax puôr lênhx tâu huyện moz siaz txos.

Ntơưv jias gruô hu, thơưx car huyện Mộc Châu tưz fuô kria, zaz zâuv pêx xênhv tsik zôngv yuôx tuô caz, tuô đrox ntâu; pâuz sâu têx hnaz yuôx thâuv sir zôngv tas chia por hưv đêx ar, huôz chuo nyiaz hur.  

Cias tov kaz jias gruô hu, huyện Mộc Châu tưz kriz chos 750 tsoz ntông trơưk oz saz ntus cêr xã Lóng Sập.