![](https://media.baosonla.org.vn/public/hoaht/2024-07-22/nhan-dan-xa-chieng-bang,-huyen-quynh-nhai,-be-tong-cac-tuyen-duong-noi-dong(1).jpg)
Kaz shông 2023, oz xã Chiềng Khoang thiaz Chiềng Bằng lês tiar hâux lưv cxiv tsa jêx jok yiaz hov jông. Chia cov lês tâu têx hâux lưv ntơư, oz xã tưz moz siaz gruô hu cxuô tus khênhx, paz pơưs côngv lês cov tiar têx tiêu chí cik txos uô cêr yêz, vax tsê cxuô zav. Côngz xưv fuô kria tâu moz siaz fuô lês đros trâu ntâu faz tsưr ziv, tưz gruô hu tâu pêx xênhv côngv đas jos chia lês têx hâux lưv hâur jêx jok. Hâur shông, xã Chiềng Khoang tưz kriz 230 jias fuô kria ntơưv têx jias cơưv hâur xã, hâur jok đros trâu 28.400 lưv nênhs côngv; xã Chiềng Bằng kriz 210 jias fuô kria đros trâu yax 23.200 lưv nênhs côngv. Muôx têx njiaz luk fuô kria zos haik luk Choz tsiz thiaz Poz ziz trâu sâuv loa fuô luk ntơưv xã, ntơưv jok.
Txix li kror cêr thôngx siaz lês hâux lưv, hâur 3 shông, xã Chiềng Khoang tưz gruô hu pêx xênhv paz tâu 7,7 tỷ đaiv, pêx xênhv xã Chiềng Bằng paz tâu yax 6,6 tỷ đaiv, paz đas jos, chuôz zênhx cxiv puôz chia uô cêr jêx jok, cxiv puôz cưx đêx, tsêr txux chi..., paz trâu pêx xênhv ntơưv oz xã luz nênhx tâu jông đuô thiaz txâuk chai jêx jok yiaz hov jông trơưk cêr tuôr xav tưz tso tơưv.
![](https://media.baosonla.org.vn/public/hoaht/2024-07-22/lam-duong-be-tong-vao-ban-phieng-ly,-xa-chieng-khoang.jpg)
Ntơưv têx xã tox siaz thax tsav huyện Quỳnh Nhai, txơưv pêx xênhv luz nênhx tsênhv txov nhêv, taz sik hâux lưv cxiv tsa jêx jok yiaz ntơưv thax tsav cux tưz tâu cấp ủy, nov hâu thax tsav moz siaz fuô lês, tâu pêx xênhv moz siaz lês trơưk. Xã Mường Sại tưz phaiz cán bộ muk txos trâu cxuô luz jok, njiz hâu jok, nênhs tâu pêx xênhv njênhs chia fuô kria uô ntêx, tov kaz ntơư fuô kria trâu pêx xênhv. Txix li ntu cêr tâu pêx xênhv côngv têk lênhv uô ntêx hlo ntơưv jok Coi, pov tâu muk lok zôngx ziv, hur si, txix ntơư pêx xênhv nhoz trâu cxuô luz jok tưz cơưv shâuv, siz chos côngv đas jos chia lênhv bê tông têx cêr hâur jêx jok, cêr muk trâu cxuô luz jok hâur xã. Txos nhiv no, pêx xênhv 4 luz jok: Coi, Muôn, Ten Che, Búa Bon tưz paz tâu yax 1,3 tỷ nhiax chia lênhv bê tông têx txoxx cêr hâur jok.
![](https://media.baosonla.org.vn/public/hoaht/2024-07-22/ba-con-xa-chieng-khoang,-huyen-quynh-nhai-gop-suc-do-be-tong-duong-lien-ban(1).jpg)
Lês têz qơưk luôs hâux lưv ntu 2021-2025, txos nhiv no, huyện Quỳnh Nhai tưz gruô hu tâu yax 60 tỷ đaiv ntơưv têx jêx jok, zis nênhs, paz pơưs, tsêr luôv paz uô tâu yênhx puô txox cêr bê tông; kho đuô têx cưx đêx, tsêr txux chi... Hâur 6 hli hâu shông 2024, hur si huyện tưz gruô hu pêx xênhv paz tâu yax 11.500 hnuz jos chia kho đuô yax 43 caik cêr yêz jêx jok, kho đuô cưx đêx, tsêr txux chi; chos pax trâu 6 caik cêr; gruô hu tâu yax 300 zis cxiv puôz tsêr đa đêx, 318 zis kho đuô nja vax, trôngx vas…
Nzaz nzơưv têx pênhr nhiax paz txix li Têz qơưk luôs hâux lưv thiaz têx pênhr chia lês Đề án paz pêx xênhv truôx njês luz nênhx, huôv tsar nhiax txiax - xã hội thax tsav yaik pêx xênhv nhoz qơư yiaz chia uô pak đêx tênhz điện Sơn La, huyện Quỳnh Nhai tưz moz siaz zaz zâuv pêx xênhv siz chos lês. Đros ntơư, sir jos lês sai têx hâux lưv, dự án sir zôngv têx nhiax ntơư chia lês têx dự án zov chênhr, xuz muôz nhiax chia uô cêr yêz, vax tsê, chia cov lês tiar cêr tuôr xav cxiv tsa jêx jok yiaz.
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!