Têx shông đhâu, côngz xưv tu đas jos, trâu têx lâuk tâu cxuô cấp, cxuô ngành, cxuô qơư siz chos lês ntâu zav hâux lưv. Txos nhiv no, yax 54% nênhs lâuk tâu njuôk moz tsik tsês iz shông iz jâus; yax 51% nênhs lâuk muôx ntơưr cxênhz sox njôngr das jos; yax 86% nênhs lâuk muôx BHYT; 100% nênhs lâuk tâu njuôk, kho moz ntơưv têx tsêr yuôx tâu paz trơưk chai.

Cxuô luz tsêr kho moz lês jông hâux lưv njuôk, kho moz trâu têx lâuk tsik muôx nênhs tu zus, moz hnhar, phax tar tsik chia cik tâu moz. Fuô kria tsưr ziv trâu têx lâuk tưx phax, tar moz, tsưx hưv đas jos…, fênhx đraz têx lâuk nhoz lâuk shông 2019 siaz mê njik 70 shông txos shông 2023 nhoz lâuk đuô 73 shông.

Luôs hâux lưv njuôk têx moz khênhr yưv ntơưv têx lâuk zos luz luôs hâux lưv tâu Dự án 7 lês hâur têz qơưk luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz ntu 2021-2025. Jias no, fuô lês hâux lưv trơưk têz qơưk têx cêr chai paz têx lâuk; phênhv shuôv ntơưv yênhx tus khênhx thiaz sơưr đơưk siz chos tsưx hưv đas jos trâu têx lâuk. Tsik tas li, kria nzir tsưr ziv tsưx hưv đas jos trâu têx lâuk.

Jias no, yax 500 lênhx hội viên lâuk tưz tâu têx cưk kho moz ntơưv Tsêr kho moz Phục hồi chức năng njuôk iz cxia moz khênhr yưv ntơưv têx lâuk; phaiz đơưz yuôx nox thiaz kria sir zôngv yuôx kho moz.

Ndax jias no, cán bộ, hội viên, têx hluôk ntơưv iz cxia cơ quan nhoz thax tsav phường Chiềng An tưz chaix yêz tâus cêr fuô kria têx cêr chai têz qơưk trâu tsôngv pêx xênhv sơưr đơưk cov pâuz por hưv đas jos trâu têx lâuk.