Zav moz trox nyar tsik jông thâuv xênhz đuôz thiaz lok tưz hiav saz txos nôngz nênhs, tiz nênhs moz thiaz pêx xênhv sơưr đơưk luz nênhx. Ntơưv Sơn La, xav yênhx shông muôx 100.000 tus mê nhuôv zus lok mak muôx 250 tus oz iz chê, 200 tus moz siz txos trâu moz hnhar, têx nênhs moz tsuv kho tas tiav nênhx. Nhiv no, huyện Mường La tưz muôx 42 tus moz trox nyar tsik jông thâuv xênhz đuôz thiaz lok, phênhv ntâu zos mê nhuôv mok, luz cênhz tiv zos siz zuôr côngv trox nya, nôngz nênhs phênhv ntâu zos pêx xênhv hair nênhs tsơưs nhoz tox siaz, đêz đrôngs.   

Gruô hu fuô kria côngv têk Hnuz trox nyar tsik jông thâuv xênhz đuôz thiaz lok, huyện Mường La tưz chox car Trung tâm Y tế huyện, têx tsêr kho moz xã, thị trấn tsik so njuôk nyar têx nênhs hâur shông zus mê nhuôv pov muôx têx nênhs moz trox nyar tsik jông thâuv xênhz đuôz thiaz lok chia fuô kria, tir tar uô ntêx thâuv siz zuôr, xênhz tuz thiaz zus mê nhuôv; tsik tsês kria trâu pêx xênhv pâuz mênhx zav moz trox nyar tsik jông thâuv xênhz đuôz thiaz lok; lar haik zaz zâuv pêx xênhv tsik siz zuôr nzor, siz zuôr côngv trox nya; tso tsês têx cêr chai kuz tsik fiv huv ntu nênhx yiaz, cxiv tsa luz nênhx vav mênhx.