Cêr gruôv pax pax huôv tsar zos cxênhx xưv yênhx shông tâu xã Chiềng Khoa đrav ntêx lês trơưr thâuv txos chaix pax huôv tsar tơưs. Tov kaz kho đuô, sâu uô cê đơn vị hành chính, cêr gruôv pax tâu xã Tô Múa yiaz tror lês nzir, kriz uô chia txuôs tsês txux chi cênhz cưv ntơưv thax tsav.

Cêr gruôv pax pax Huôv Tsar shông, tâu kriz ntơưv jok Nà Chá, muôx 2 phênhv chênhr. Xuz kriz zos phênhv cêr txi kriz hnuz 20/3 ntơưv thax txi Nàng Bẳng Mương, hâur cêr xav muôx lênhx, txir đaz jok chox lês têx cêr txi hu muôx lênhx, txi xênhz đêx, xênhz ar thiaz pox niav Nàng Ban lok txuv jâus gruôv pax, côngv lov jêv đros pêx xênhv thiaz por hưv trâu pêx xênhv uô nênhx tâu jông, sâu tâu kôngz lông. Tov kaz phênhv txi, pêx xênhv, kruô nuôv zax tâu côngv trâu cêr lov jêv, đrông ntưk đros ntâu hâux lưv txux chi, cưr txiax, thể thao xâur bo.

Kror haik ntơưv cêr gruôv pax mak zos Cxiax cxênhv sênhr chêr “ Xiv pax huôv tsar Tô Múa” zos têx cán bộ, cưk txux Trung tâm Cxuô zav, têx cưk txux, nênhs nthuôr txux pêx xênhv xã Tô Múa nthuôr. Hâur hmo gruôv pax, têx suôz cưr cxiax, sênhr chêr haik saik jiv, paz tiz nênhs saiz trâu têx txux chi cxuô zav jông. Têx jax txux tâu xav cơưv shâuv cxix cxuô, uô đuô pov đaz nênhs lok sâuv tus gâux xưz đaz nênhs Nàng Bẳng – Nàng Mương, 2 oz tus hluôs gâux Poz Ziz txơưx njê cxuô zav nhoz hâur siaz xav thiaz ntu nênhx chia siaz ntơưv tsôngv pêx xênhv ntơưv no. Ntơưv cêr gruôv pax tsênhv kriz phênhv tưr hnar tsôngk jông pêx xênhv Poz Ziz ntơưv têx hluôs gâux jông gâux, piar zênhr, chia nênhs saiz ndo njôngr trâu đruôz siaz.

Tix lâus Nguyễn Khắc Hưng, phường Tô Hiệu, thav: Cêr gruôv pax Pax huôv tsar ntơưv Tô Múa chia trâu cur ndo njôngr txơưr hlo. Qơư nthuôr cêr gruôv pax jông, cxuô txux chi, lar haik mak phênhv hnar tsôngk jông ntơưv tiz nênhs lok sik txâuk siaz. Txos ntơưv no, cur pov cêr ndơưs, nhiav kruô ntơưv pêx xênhv thax tsav no thiaz têx zav jông ntux trâus têz xênhz trôngx têz no

Kror yax hâur jâus gruôv pax mak 10 qar tsêr txux chi ntơưv têx jok thax tsav xã, tênhz tso têx  ntâuz txaix, tưx têk hiaz cênhz cưv; đros têx qar tsêr tênhz tso huv kôngz lông ntơưv thax tsav, huv OCOP nto mông, li yuôx zêx Tô Múa, đan sâm, yuôx njuôz…

Zơưs Mạc Quang Hải, Giám đốc Công ty Cổ phần Cxiv tsa thiaz uô yuôx zêx Tô Múa, thav pâuz: Đơn vị taz tov uô tơưv thiaz uô luôv iz cxia huv, li: Yuôx zêx Shan tuyết, yuôx zêx lâuk,  hồng trà…. Tuôx côngv jâus gruôv pax no, pêz tok nrư zuôr kria têx huv yuôx zêx muôx ntơưv zuk thax tsav, đros ntơư yâu mông bê luôv yuôx zêx Tô Múa txos têx kruô nuôv zax.Ntơưv no zos jâus chia tsêr luôv chuôs tâu cêr pâur muôs, kriz đar têx cêr muôs huv thiaz siz chos yôngv siaz gri kôngz lông zuk thax tsav.

Nhoz hâur cêr Gruôv pax tsênhv muôx nthuôr ntâu nuv siz tưr têx môn thể thao, cêr uô si gas siaz, muôx: Bóng têk, njuôk jos, truz hluô, tưr ndơưk bóng txir nênhx, pox niav… đros trâu yênhx puôk tus vận động viên. Txâuk siaz yax tsuv thav txos phênhv tưr cxov njêk tâu kriz ntơưv đêx Tân, jok Nà Chá tưz pov đuô txos cêr nox nhoz yênhx hnuz ntơưv tsôngv pêx xênhv Poz  Ziz đros trâu tox trôngz, đêx ar. Phênhv cxov njêk muôx 11 paz tưr đros 22 tus nênhs đrơưv đrôngk, txơưx, chôngz tus kruô tuôx saiz thiaz cxơưz jos, muôx cêr lov jêv đrông ntưk trâu hnuz gruôv pax.

Zơưs Nguyễn Mạnh Thắng, Chủ tịch UBPX xã Tô Múa, thav pâuz: Cêr gruôv pax pax huôv tsar tâu xã kriz chia tsưx tsês thiaz huôv nzir txux chi cênhz cưv ntơưv cxuô zav nênhs zuk thax tsav, kriz trâu têx nuv uô, cxênhx xưv chia cxơưz paz cêr siz tưr huôv vav nhiax txiax - xã hội ntơưv thax tsav hâur shông yiaz. Têx nuv txux chi, thể thao, nuôv zax ntơưv cxênhx xưv zos qox tik txux chi ntơưv pêx xênhv cxuô zav nênhs xã Tô Múa txos kruô nuôv zax, siz chos kria, yâu mông njux đuôz trôngx têz, tiz nênhs Tô Múa txos fôngx zưs, kruô nuôv zax đêz jê.

Cêr gruôv pax pax huôv tsar tưz tsês ntâu cêr gas siaz jông hâur tsôngv pêx xênhv thiaz kruô nuôv zax. Txix li tơưs đơưz pâus ntơưv pax huôv tsar luz 3 hli, trôngx têz Tô Múa hnuz no pov njôngr jông saiz, muôx cêr jông nhoz thiaz chuôz jos trâu iz ntu huôv tsar yiaz, truôx siaz ndê tsas, cxiv kgo qơư txâuk siaz, muôx txux chi, tâuk gruô hu kruô nuôv zax zok nriar tâu cêr xav pov xav pâuz nuôv zax Sơn La.