Ntơưv xã Muổi Nọi, Gameshow “Lok trâu jêx jok” muôx 3 paz tưr tuôx ntơưv jok Đông Hưng, jok Pùa thiaz jok Phặng. Têx paz nênhs tưz tưr đhâu 3 phênhv tưr li: “Txơưx xuôk têk uô, txơưx uô hâux lưv”, “Txơưx haik cưr cxiax, txơưx yuôz trax, ntâuk ndak” thiaz “Têx cêr uô si pêx xênhv tênhx tus, thể thao hair nênhs tsơưs”.

Zos thax tsav chos cà phê Arabica zov chênhr ntơưv tỉnh, hâur phênhv tưr “Têx cêr uô si pêx xênhv tênhx tus, thể thao hair nênhs tsơưs”, têx paz nênhs tưz siz tưr ciz cà phê lov jêv ntưk. Đros ntơư, txux chi hair nênhs Poz Ziz tsênhv tâu kria pâuz đhâu têx jax cưr cxiax, sênhr chêr, yuôz trax thiaz pok kror muôs cxov ok. Têx phênhv tưr tâu kri lov jêv đrông ntưk, gruô hu chôngz pêx xênhv tuôx saiz, buôx têk nxias.

Ntơưv xã Bình Thuận, 2 paz tưr tuôx ntơưv jok Nặm Giắt thiaz Cổng Chặp tưz gra tuôx ntâu cxênhx cxênhv tưr muôx hâur cưr tix Hmôngz luz nênhx yênhx hnuz li: tuô hnênhr, hiaz cơưv, uô pax ntâuz.

Gameshow “Lok trâu jêx jok” hli 3/2026 tâu cơư trơưk 3 luk choz tsiz, Poz ziz thiaz Hmôngz; tso tơưv đhâu kênh STV, têx cxênhx cxênhv số ntơưv Báo thiaz Xor tôngx chuô, xa đuôz Sơn La; đros ntơư tsênhv tso tơưv kênh VTV5 ntơưv Xa đuôz Việt Nam.

Đhâu ntâu shông kriz, “Lok trâu jêx jok” tưz yênhx hâux lưv muôx txiax njis lok six zov chênhr paz txuôs jông cxuô hair nênhs Sơn La txux chi, cxơưz thax tsav xav tơưv ntâu ntu xa đuôz jông, lês muôx kaz hâu cêr sik tưr haik cưr cxiax pêx xênhv, đros ntơư tsênhv huôv tsar cxuô hair nênhs txux chi cênhz cưv jông.

Ndax jias no, Báo thiaz Xor tôngx chuô, xa đuôz Sơn La tưz krưr 10 hnaz huv trâu têx ziv pluôs nhoz 2 xã Muổi Nọi thiaz Bình Thuận.