Jias cơưv muôx thơưx car Chi cục Chos kôngz thiaz por hưv đrox tsuôs; Chi cục Kiểm lâm; Hạt Kiểm lâm thax tsav III thiaz thax tsav XII; Trạm kria tsưr ziv uô kôngz thax tsav III thiaz thơưx car têx xã Bình Thuận, Muổi Nọi, Nậm Lầu thiaz Mường É.

Dự án “Txo tsơưs têx zav ntux hiav hâur saz kôngz lông, har jôngr ntơưv Tây Bắc-Ntu 2” zos tổ chức Bánh mỳ ntiax têz (BftW) muôz nhiax paz lês. Dự án tâu fuô lês ntơưv 4 xã: Bình Thuận, Muổi Nọi, Nậm Lầu thiaz Mường É, trơưk nov hâu oz cấp, txix hli 8/2024 thiaz tuôr xav txos trâu shông 2026. Cêr tuôr xav zov chênhr zos paz trâu têx thax tsav Tây Bắc txo tsơưs cêr pluôs, txo tsơưs têx zav hiav txos đêx ar, huôz chuô nyiaz hur, chia lês cêr tuôr xav huôv tsar truôx njês.

Txix thâuv fuô lês hâux lưv txos nhiv no, Dự án tưz cxênhz hâux lưv chos kôngz lông, tu zus tsiax cxu ntơưv têx zis nênhs chos luk côngv siz khov. Kriz têx jias kria nzir tsưr ziv lok sâuv huôv tsar nhiax txiax, chos kôngz lông, tu zus tsiax cxu, kria tsưr ziv siz khov lês hâux lưv ntơưv têx xã fuô lês dự án; kria txos har jôngr kror muôx liv thiaz côngz xưv cxênhz yuôx tsik chia muôx yưv hluôr tơưk cuz har jôngr. Cxiv tsa 10 tổ por hưv har jôngr chia đros Hạt kiểm lâm lês jông côngz xưv por hưv har jôngr; paz 200 chêr trik yo muk ndis har jôngr, 5 hnaz ntiv yuôx cxuô zav trâu têx tổ por hưv har jôngr; paz men vi sinh trâu 180 zis nênhs thiaz paz 28 luz pak Biogas chia tu têx kuôr tsiax trâu têx zis nênhs...

Jias cơưv, tưz thôngz iz trôngs luk cxiv tsa Tổ côngz xưv cấp tỉnh trơưk ntâuz ntơưr dự án chia fuô lês têx hâux lưv ntơưv dự án cov jông, đros ntơư lês đros têx pênhr nhiax hâur thax tsav chia cov tâu trơưk đraiv cêr chai.

Sở Kôngz lông thiaz Môi trường tỉnh cxiz cov Chi cục Chos kôngz thiaz por hưv đrox tsuôs saz lax, tso tơưv ntâuz ntơưr tsa tơưv Tổ côngz xưv cấp tỉnh xa trâu têx đơn vị cik txos thiaz têx xã nhoz hâur dự án, cxiz cán bộ uô thành viên chia lês jông côngz xưv chox car lês hâux lưv. Siz khov đros Trung tâm SRD tso tơưv cêr tuôr xav mênhx pêv lok sâuv hâux lưv fuô lês têx hâux lưv tax tas shông 2025. Chi cục Kiểm lâm cxênhz yuôx đuô têx har jôngr ntơưv dự án tưz tâu fuô lês, chia uô chênhv chưr chia lês têx dự án chos jôngr trơưk cêr tuôr xav.