Jias no muôx zuôr luôs 900 cán bộ, cưk kria, nhân viên, niav txir thiaz shuv xênhz khối Trung học cơ sở nhoz 4 yar cơưv hâur thax tsav xã, li: Yar cơưv Tiểu học - THCS Ninh Thuận, Yar cơưv Tiểu học THCS Muổi Nọi, Yar cơưv Tiểu học - THCS Bon Phặng, Yar cơưv Tiểu học - THCS Bản Lầm.

Ntơưv jias no, cán bộ Công an xã Muổi Nọi tưz kria pâuz xor mông lok sâuv: Cêr cxâuv chai uô luôv zax zênhz nhiv no; têx hov zax zênhz đrav ntêx thiaz zax zênhz siz shơư; zax zênhz uô txux tsik ruôr hiav hâur yar cơưv; zax zênhz cêr ruôr hiav trâu tiz nênhs đas jos, cêr cơưv thiaz ziv nênhs, xã hội; cêr chai tir tar zênhz cik txos shuv xênhz...

Ntơưv jâus no tsênhv kriz phênhv tưr jax luk thav jông, yênhx paz tưr gra tuôx iz jax đaz nênhs, iz njiaz luk tsik siz thôngx, taz sik puôr lênhx haik txos hâux lưv zaz zâuv yênhx tus nênhs, yênhx ziv nênhs tsuv uô jôngr tir tar zax zênhz.

Đhâu têx jax luk thav tâu uô jông bax, muôx hâur luz nênhx, têx shuv xênhz tưz kria pâuz mênhx đuô zax zênhz cêr txâuk nyai thiaz ruôr hiav, txix ntơư fuô kria đêz đar njiaz luk: Tsik cor txos zênhz- Viv zuk luz nênhx tov kaz tâu jông.

Đros cán bộ Công an xã thav, têx shuv xênhz tưz pâuz mênhx đuô zax zênhz cêr ruôr hiav đhâu têx ndâux luk nus thiaz têz li: Tsuv uô li chak thâuv pâuz zuk tus fôngx zưs cik txos zax zênhz? Tsuv uô li chak thâuv muôx nênhs zâuv zuk zôngv hov zax zênhz yiaz? Shuv xênhz phênhv shuôv hâur tir tar zênhz...?

Têx cxênhx cxênhv tâu tso tơưv hâur jâus no paz têx shuv xênhz pâuz mênhx đuô zax zênhz cêr ruôr hiav, lar haik têx hov zax zênhz yiaz taz tov nhoz hâur luz nênhx thiaz kria têx shuv xênhz pâuz tsưr ziv zôngx ziv pâuz, txar đêz zax zênhz. Đhâu no, cxơưz têx shuv xênhz uô nênhx tsiv txiax, pâuz saiz hloz zuk tus khênhx, tsêr nênhs thiaz zuk ntux nênhx tov kaz; đros ntơư, tsuv fuô kria đêz đar njiaz luk jông txos hur si pêx xênhv sơưr đơưk.  

Suôx câuv jias ntơư, Ban tổ chức tưz puz 1 hov iz, 1 hov oz, 2 hov pêz trâu phênhv tưr jax luk thav ntơưv têx yar cơưv.