Hội Paz nênhs txov nhêv, muôx moz tỉnh Sơn La tâu cxiv tsa txix muôz Hội Paz Nênhs muôx moz thiaz Mê nhuôv njuôs, Hội Nênhs đis muôs thiaz Hội Nênhs trâus yuôx tuô đrox/dioxin tỉnh côngv lok uô cê, txix luz 3 hli shông 2025. Nhiv no Hội muôx yax 1.000 hội viên, uô hâux lưv tu saiz, por hưv nênhs muôx moz, mê nhuôv njuôs, nênhs đis muôs, trâus yuôx tuô đrox/dioxin thiaz têx nênhs njiz cêr txov nhêv hâur luz nênhx vax huôv.

Txix thâuv cxiv tsa txos nhiv no, Hội tưz gruô hu, txaik nhav thiaz siz chos gruô hu ntâu paz nênhs, tus khênhx siaz jông côngv tâu yax 2,77 tỷ nhiax. Hội tưz siz chos paz trâu 16.856 lênhx xav hur si yax 8,25 tỷ nhiax đhâu têx hâux lưv njuôk, kho moz, piz uô nox, uô tsêr nhoz, paz nhiax cơưv ntơưr thiaz kria uô hâux lưv. Đros ntơư, tsênhv siz chos thor cxiv kho tsêr đos đis, xâu nas trâu 7 ziv nênhs thiaz xair 5 tus khênhx tâu paz nhiax cơưv ntơưr "Cơưv tsik muôx hnuz xâuk", paz nênhs txov nhêv cxiv tsa luz nênhx tâu jông.

Ntu 2026-2031, Hội tror hlôngr yiaz cxênhx cxênhv, tsưr ziv uô hâux lưv trơưk njiaz luk "Thôngx siaz-Siz hluz-Uô tiar phênhv shuôv"; tsik tsês gruô hu paz nênhs, tus khênhx siaz jông côngv nhiax paz, sir jos gruô hu tsơưs yax cux tsuv tâu 5 tỷ nhiax, chia paz txix 1.000-1.200 lênhx, por hưv jông đas jos, piz uô nox thiaz cơưv uô hâux lưv;...

Đại hội tưz xair Ban Chấp hành Hội Paz nênhs txov nhêv, muôx moz tỉnh khóa 1, ntu 2026-2031, muôx 29 đồng chí, Ban Thường vụ muôx 9 đồng chí, Ban Cxênhz yuôx muôx 3 đồng chí. Đồng chí Lường Bun Tỉnh tâu uô Chủ tịch Hội paz nênhs txov nhêv, muôx moz tỉnh Sơn La ntu 2026-2031.

Ndax jias no, Hội Paz nênhs txov nhêv, muôx moz Việt Nam tưz krưr huv tsiv nhos 89 triệu nhiax; Hội Nênhs trâus yuôx tuô đrox/dioxin Việt Nam krưr huv tsiv nhos 50 triệu nhiax trâu Hội Paz nênhs txov nhêv, muôx moz tỉnh Sơn La, fuô lês têx hâux lưv tu saiz, por hưv jông nênhs muôx moz, mê nhuôv njuôs, nênhs trâus yuôx tuô đrox/dioxin thiaz têx nênhs njiz cêr txov nhêv hâur thax tsav tỉnh.