Zos huyện đriv têz ntơưv tỉnh, Yên Châu muôx 169 jok, tiểu khu; muôx 5 hair nênhs nhoz uô cê, hâu ntơư, hair nênhs tsơưs txênhz 80%. Ntu 2019-2024, nhiax txiax ntơưv huyện huôv tsar tov thơưx, uô kôngz lông, chos jôngr, tu zus tsiax đêx tror tâu huôv tsar ntâu yênhx hax huv. Têx hâux lưv, dự án, cêr chai paz hair nênhs tsơưs tâu cxuô cấp ủy đảng, nov hâu moz siaz txos. 

Hâur 5 shông, huyện tưz moz siaz muôz nhiax cxiv puôz, kho đuô 151 kror qơư, xav nhiax tas 386,4 tỷ nhiax; muôz tas yax 562 tỷ nhiax trâu 13.554 zis txaik chia uô kôngz lông, lax luôv; paz uô tâu 1.168 luz tsêr nhoz; paz têx zis pluôs, jê cêr pluôs, zis nhiv kruôr tơưv đhâu cêr pluôs lok sâuv zuz kôngz, nôngz tsiax, qir… Shông 2023, fênhx đraz sâu nhiax tâu 27 triệu/nênhs/shông; zis pluôs yuôr 20,12%.

Txos nhiv no, huyện muôx 100% luz xã muôx cêr yêz lox muk txos trâu đrôngs xã; 99% zis tâu sir zôngv điện têz qơưk; têx cưx đêx thiaz đêx hur sir zôngv tâu moz siaz muôz nhiax cxiv puôz chia paz trâu pêx xênhv luz nênhx; 100% xã tâu muôz nhiax cxiv puôz yar cơưv, tsêr njuôk kho moz, chia paz max trâu hâux lưv cơưv ntơưr, njuôk kho moz trâu pêx xênhv. Thax tsav tâu por hưv truôx njês, têx txux chi, cênhz cưv tâu por hưv thiaz nthuôr huôv tâu jông.

Đại hội tưz tso tơưv iz cxia chỉ tiêu zov chênhr hâur shông 2029, li: Sir jos 56% têx nênhs uô hâux lưv zos hair nênhs tsơưs tâu kria nzir tsưr ziv; 100% cán bộ công chức cấp xã tâu kria nzir tsưr ziv, hâu ntơư muôx 85% cơưv tas cao đẳng, đại học tror sâur, zis pluôs grik 2-3%/shông; 92% têx xã tâu cxiv puôz khor kho; 100% zis tâu sir zônv điện tsik tsês…

Thơưx car Ban Dân tộc tỉnh muôz ntơưr kruôk ntơưv Chủ tịch UBPX tỉnh trâu têx tus khênhx. Têx tus khênhx nhav ntơưr khuôk ntơưv Ban Dân tộc tỉnh.