Txơưv tâu công nhav txâuk chai têz qơưk hov 1 txix shông 2023, taz sik ntâu shông đhâu, tsêr cơưv ntơưv Yar cơưv Tiểu học thiaz THCS Chiềng Cọ, phường Chiềng Cơi tsênhv tsik muôx cxuô, tuôr thênhv txos hâux lưv nthuôr têx hâux lưv choz kria ntơưr. Hli 7/2025, cưk kria thiaz shuv xênhz lok six shir phaz thâuv yar cơưv tâu cxưx nhiax cxiv puôz tsêr cơưv muôx 3 yôngx, đar yax 400m2 muôx ntâu hâux lưv, li: Qar tsêr cơưv, thư viện, tsêr mor... xav hur si yax 6,4 tỷ nhiax txix nhiax zôngv tỉnh.

Cưk kria Trần Thị Khánh Hồng, Hiệu trưởng Yar cơưv Tiểu học thiaz THCS Chiềng Cọ, haik kria: Nhiv no, đơn vị uô taz tov moz siaz chaz điện, tok đêx lok zôngv, tsov xav lês tiar uô ntêx hnuz 30/12 shông no. Hur si cán bộ cưk kria thiaz shuv xênhz yar cơưv lok six shir phaz tok hnuz tâu muôz zok sir zôngv, paz shuv xênhz cưk kria muôx nzir qơư đar pho jông jav, paz max hâux lưv kria thiaz cơưv ntơưr.

Phường Chiềng Cơi muôx 7 yar cơưv têz qơưk tus, yax 4.000 shuv xênhz, 100% yar cơưv kria ntơưr thâuv tas cik thiaz zar hnuz kaix/hnuz. Txix hâu shông cơưv, Đảng ủy phường tưz cxiv tsa paz côngz xưv muk cxênhz yuôx yênhx yar cơưv vax tsêr, bax yax 800 triệu nhiax cxiv kho, uô yiaz iz cxia tsêr cơưv, cxaz nzir chuôz zênhx trâu têx yar cơưv, nhav nxiak fuô lês jông hâux lưv kria ntơưr. Tov kaz fuô lês tsưr ziv nov hâu 2 cấp, phường txaik nhav 2 dự án nhoz hâur hâux lưv choz kria ntơưr, phường tưz moz siaz chox car têx đơn vị uô zênhx max lês tiar jông têx hâux lưv tâu zok.

Ntơưv têx thax tsav lok six txov nhêv hâur tỉnh, têx shông đhâu, mênhx mov cxuô yar cơưv cux muôx ntâu hlôngr yiaz. Muk shuôk yar cơưv THCS Chiềng Đông, xã Yên Châu, pêz tưz pov tâu thax tsav no lok six njuôz hur, đar pho, jông jav. Cưk kria Nguyễn Văn Thuận, Hiệu trưởng yar cơưv, thav pâuz: Hâur têx shông 2023, 2024, txix nhiax pênhr Dự án 5 - Têz qơưk hâux lưv 1719, yar cơưv tâu paz yax 3,5 tỷ nhiax cxiv kho, uô yiaz ntâu qar, tsêr cơưv, tsêr tơưv trôngx, qơư uô si...Lar haik, yar cơưv tâu cxiv puôz 4 qar tsêr, bax txâuk qơư trâu yax 70 shuv xênhz Hmôngz nhoz 2 luz jok lok six txov nhêv Suối Dương thiaz Huổi Chiểu nhoz, đêz đrôngs yax 30 km taz tov cơưv hâur yar cơưv. Cux viv li, yar cơưv tưz txuôs jông tiz nênhs cơưv, hlôngr yiaz hâux lưv kria thiaz cơưv ntơưr. Txos nhiv no, yar cơưv txâuk chai têz qơưk hov 1. 

Sir jos cxiv tsa yar cơưv txâuk chai têz qơưk, paz tâu zênhx max kror hlôngr yiaz thiaz đros luôs oz chas têz siz khov cêr lax luôv. Shông 2025, tỉnh tưz bax zuôr luôs 65 tỷ nhiax cxiv kho, uô yiaz têx yar cơưv; 251 qar cơưv; 51 qar tsêr trâu cưk kria nhoz; 9 luz tsêr tơưv trôngx, qơư uô si, tsêr mor; cxaz nzir chuôz zênhx kria ntơưr trâu 99 yar cơưv uô mor trâu shuv xênhz nox. Txos nhiv no, têx qar tsêr cơưv truôx khor hur si tỉnh tâu 95,5%.

Zơưs Nguyễn Văn Chiến, Giám đốc Sở Choz kria ntơưr, thav kria: Thôngz tỉnh taz tov muôx 572/609 yar cơưv txâuk chai Bộ Choz kria ntơưr. Têx qar tsêr cơưv tror tâu kriz đar. Lar haik, tỉnh Sơn La muôx 13 yar cơưv phổ thông ntâu cấp nội trú tiểu học thiaz THCS taz tov tâu cxưx nhiax cxiv puôz trơưk Câuk luk số 81-KL/TW ntơưv Bộ Chính trị, xav hur si yax 3.450 tỷ nhiax. Tsov xav, têx tsêr cơưv tâu uô tiar hâur shông 2026, paz tâu zuôr luôs 20.000 shuv xênhz nhoz têx xã thax tsav đriv têz txox cêr cơưv. 

Đros tsêr nhiax têz qơưk, ntu 2020-2025, tỉnh Sơn La tưz gruô hu côngv tâu yênhx puô tỷ nhiax txix têx tsêr luôv, paz pơưs, tus khênhx siaz jông cxưx nhiax, cxiv kho yar tsêr cơưv, cxaz nzir chuôz zênhx kria ntơưr trâu têx yar cơưv. Ngành choz kria ntơưr Sơn La sir jos txos shông 2026 muôx cov tâu 100% yar cơưv tâu uô khor kho thiaz txâuk chai, paz tâu zênhx max kror hlôngr yiaz Hâux lưv choz kria ntơưr phổ thông 2018, zos qơư chuôz trâu xưv cxênhx choz kria ntơưr huôv tsar hur si, truôx njês.