Trạm gruk đêx hur sir zôngv xã Chiềng Sung tâu cxưx nhiax cxiv puôz txix shông 2008, paz bax txâuk đêx trâu yax 600 ziv nênhs sir zôngv. Tas shông 2018, kror qơư no tâu cxiv kho, uô yiaz yôngv hur si têx ziv nênhs tâu sir zôngv đêx ndê txos 1.161 ziv. Chor đêx tov kaz liv tas hur si tâu gruk trâu yênhx ziv nênhs sir zôngv hâur yênhx hnuz, paz pêx xênhv cxiv tsa luz nênhx hlôngr yiaz.

Zơưs Sành Xênhv Hơưx, jok Yên Bình, xã Chiềng Sung, thav pâuz: Đrav ntêx, cur ziv nênhs cux li têx ziv txơưr hâur jok puôr lênhx tok đêx ntơưv cư hax lok hâuk, thâuv chaix ntux nas đêx lok six đro, chaix ntux kruôr tsik muôx txâuk đêx zôngv. Txix thâuv trạm gruk đêx tâu cxiv kho, kriz đar, 210 ziv nênhs hâur jok tưz muôx đêx hur sir zôngv.

Chia gruk đêx truôx njês, đơn vị saiz car tưz txuôs jông hâux lưv gruk đêx, cxênhz yuôx trơưk chaix, zênhx max cxiv kho têx car đêx piav. Tix lâus Nghiêm Xuân Thọ, Thơưx Trạm gruk đêx Chiềng Sung, kria tiak: Đơn vị tưz bax tiz nênhs jor trơưr tsik so, sox njôngr hâu đêx, cxênhz yuôx chuôz zênhx liv đêx thiaz car đêx. Hla trâu chaix ntux kruôr, tsik so gruk đêx hâur hmo ntux chia tsưx tsês thiax mav muôz gruk trâu têx jok tox siaz hâuk uô ntêx, nhav nxiak bax txâuk đêx trâu pêx xênhv sir zôngv, đros ntơư tsik tsês cxênhz yuôx, cxiv kho têx car đêx piav, tsik chia uô pôngz ntâu khối đêx.

Ntơưv Trạm gruk đêx Chiềng Xôm, phường Chiềng An, taz tov gruk đêx trâu 719 ziv nênhs sir zôngv. Tix lâus Vũ Đức Cảnh, uô hâux lưv gruk đêx ntơưv no thav pâuz: Đros trâu txuôs jông hâux lưv gruk đêx truôx njês, đơn vị tsênhv đros nov hâu thax tsav zaz zâuv, gruô hu pêx xênhv to tâuz por hưv jông hâu đêx, tsik tso yar tsiax cxu nho jê hâu đêx, por hưv đêx ar huôz chuô nyiaz hur. Đros ntơư, khênhr xa đêx muk trâu cơ quan chuyên môn cxênhz yuôx trơưk chaix, zênhx max pov tâu kror ruôr hiav, chia por hưv jông hâu đêx gruk trâu pêx xênhv sir zôngv thiaz txuôs jông hâux lưv gruk đêx truôx njês.

Nhiv no hur si tỉnh muôx 1.840 kror qơư gruk đêx nhoz trâu thax tsav jêx jok, tỷ tsôngv ziv nênhs jêx jok tâu sir zôngv đêx hur txênhz txos 96,7%. Hâur ntơư, muôx 36 kror qơư zos Trung tâm Đêx hâuk thiaz Sox njuôk đêx ar huôz chuô cêr nyiaz hur tỉnh saiz car; đuô li zos UBPX cxuô xã saiz car. Zơưs Nguyễn Ngọc Khoát, Giám đốc Trung tâm Đêx hâuk thiaz Sox njuôk đêx ar huôz chuô cêr nyiaz hur tỉnh, kria pâuz: Trung tâm tưz bax tiz nênhs jor trơưr trâu têx kror qơư no, cxiv tsa paz nênhs gruk đêx, phaiz tiz nênhs jor trơưr, sâu tsês ntâuz ntơưr cxix cxuô, tsik so cxênhz yuôx, cxiv kho kror qơư gruk đêx, nhav nxiak gruk đêx trâu pêx xênhv sir zôngv truôx njês.

Đros ntơư, côngz xưv cxênhz yuôx têx kror qơư gruk đêx tsênhv tâu fuô lês ntov nti. Yênhx shông, Trung tâm puôr lênhx xa chor đêx ntơưv cxuô kror qơư muk njuôk tsov, cxênhz yuôx, zênhx max pov têx car đêx piav chia kho cias. Taz sik, hâux lưv saiz car, sir zôngv têx kror qơư gruk đêx trâu pêx xênhv jêx jok sir zôngv tsênhv njiz ntâu cêr txov nhêv. Iz cxia kror qơư gruk đêx tưz cxiv puôz ntêr shông, chuôz zênhx gruk đêx piav lơưv ntâu, tsuv tâu cxiv kho, uô yiaz. Hâu đêx ntơưv iz cxiax thax tsav ho tsik muôx ntâu, lar haik hâur chaix ntux kruôr tưz tuôr thênhv txos hâux lưv gruk đêx. Tsik tas li, nhiax pênhr cxiv kho thiaz uô yiaz tsênhv tsik muôx ntâu. Chia đơưk tâu cêr chor nhov no, têx đơn vị saiz car tưz tưx tsov xav tsưr ziv cxênhz yuôx têx kror qơư gruk đêx chia sir zôngv fiv huv, hlôngr yiaz hâux lưv gruk đêx trâu pêx xênhv hâuk. Đros ntơư, tsênhv đros nov hâu thax tsav zaz zâuv, gruô hu pêx xênhv to tâuz txuôs sir zôngv đêx, por hưv jông têx kror đêx thiaz hâu đêx.

Hâux lưv tỉnh pêz moz siaz cxưx nhiax uô, saiz car muôx kaz hâu têx kror qơư tso đêx nhoz uô cê tưz paz bax txâuk đêx trâu pêx xênhv thax tsav jêx jok sir zôngv. Đros trâu kror moz siaz ntơưv cxuô cấp, cxuô ngành thiaz pêx xênhv to tâuz por hưv jông, txuôs sir zôngv đêx, têx kror qơư gruk đêx zuôr tror cxơưz kror muôx kaz hâu, paz cxiv tsa pêx xênhv luz nênhx hlôngr yiaz thiaz cxiv tsa jêx jok yiaz truôx njês.