Muk txos Yar cơưv PTDT nội trú THCS&THPT Mộc Châu, pov têx yar puôv chos pax njuôz – hur si – jông gâux riz, vax tsê khor kho jông gâux, fiv huv hâux lưv kria thiaz cơưv. Luz Yar cơưv nhiv kruôr uô tâu iz luz tsêr 3 yôngx, 21 qar tsêr pư trâu shuv xênhz; kho đuô luz tsêr 3 yôngx, 39 qar trâu shâuv xênhz pư; kho tsêr nhênhv ntơưr, tsêr cơưv 8 qar, tsêr nthuôr txux chi cxuô zav, tsêr mor; lênhv bê tông, puô vuôk tsêr nhoz; zuôr nzir ntơưr yuôz, máy vi tính, bảng từ, ti vi...paz max hâux lưv cơưv shâuv trâu shuv xênhz.

Chox tuz sâu xor muk ndis, cưk kria Trần Trung Chính, Hiệu trưởng Yar cơưv, haik: Chia cxơưz hâux lưv kria thiaz cơưv, mak Yar cơưv tưz uô jông lês cxuô cêr siz tưr: “Kria jông-Cơưv jông”, “Hlôngr yiaz hâux lưv choz kria”; cuz siaz zôngs ntov hâux lưv cơưv shâuv trơưk chux pưv tsiv txiax Hồ Chí Minh, đros đraiv châux lưv cơưv shâuv “Yênhx lênhx cưk kria zos têx nênhs chox chux pưv jông, tsiv txiax tưx cơưv shâuv thiaz nthuôr phaz nzưr”, “Cxiv tsa Yar cơưv sưv, shâuv xênhz gruôs”...

Yênhx shông, Yar cơưv tưz tso cưk kria muk cơưv nzir chia choz kria shuv xênhz txơưx, coz thiaz xair shuv xênhz muk tưr cxuô cấp; iz chas ntơư cux bax tsưr ziv kria nzir ntơưr trâu têx shuv xênhz tsênhv tsik tâu txơưx ntơưr. Hâur shông đhâu, Yar cơưv muôx 71 tus shuv xênhz tưr tâu shâuv xênhz coz cấp tỉnh; 45 tus shâuv xênhz tưr tâu shuv xênhz coz cấp huyện; tưr tâu 2 hov pêz khoa học kỹ thuật cấp tỉnh. Têx shuv xênhz ntơưv yar cơưv txơưx thiaz coz txênhz 68% tror sâuv; 99% shâuv xênhz tiv txiax thiaz jông; 100% shuv xênhz lớp 12 tưr tas ntơưr.

Iz chas ntơư, Yar cơưv tsênhv uô jông choz kria shuv xênhz hair nênhs tsơưs shuv cênhz tsưx hưv txux chi, đhâu têx hâux lưv cơưv yar puôv; siz tưr haik cưr cxiax, sênhr chêr thiaz hnar tsôngk yo hair nênhs tsơưs; tso yar trâu shuv xênhz yơưz nriar têx txux chi muôx hâur zuk thax tsav; puôz tiz shuv xênhz nhiak ndo njôngr haik nhiak hair nênhs luk thiaz tsưx hưv têx hnuz nthuôr txux chi cênhz cưv; tsênhr cov nhiak hnar hniak tsôngk yo trâu hnuz  hâu tuần... Tsa thiaz lês trơưr âux lưv 4 câu lạc bộ phaz nzưr, muôx yax 200 tus shâuv xênhz.

Cưk kria Lê Thùy Dương, lês côngz xưv saiz car qơư nhoz qơư pư hâur Yar cơưv, haik:Têx shâuv xênhz vax tsê puôr lênhx nhoz đêz, pêz xav mênhx tsik zos cưk kria ntơưr xưz, zuôr tsuv lês têx hâux lưv tav lênhx niav lênhx txir, uô jông tu, ntuôk shuv xênhz, uô chak cov paz trâu shâuv xênhz  nhoz ntơưv no tav li iz ziv nênhs, tav zuk têx mê nhuôv.

 Shuv xênhz Hoàng Khánh Diệp, lớp 6B, haik: Qir thơưx nhiv kruôr tuôx cơưv, mak cur lok six ndo tsêr. Tâu têx cưk kria, uô jông saiz, nus nyik, kria, fôngx zưs paz, 2 luz hli xưz, cur sưv lơưv. Thâuv tưs cur cux xar njôngr hâur siaz, zuôr sir jos cơưv, sir hla cov đhâu puô tsar cêr phiv liv, cơưv txơưx, cov tov kaz yênhx iz tus nênhs muôx liv trâu têz qơưk.

Tror hlôngr yiaz hâux lưv saiz car, kria thiaz cơưv, Yar cơưv PTDT nội trú THCS&THPT Mộc Châu tsi njênhk tsưr ziv choz shuv xênhz cov shâuv tsiv txiax, shâuv cêr uô nênhx trơưk cênhz cưv jông hâur zuk hair nênhs; lês cxix cxuô têx cêr chai paz shuv xênhz; tso yar nthuôr tsik so têx cêr lov jêv txux chi, thể dục thể thao... xiv tsa Yar cơưv yênhx luz yar cơưv shuv xênhz sưv, nhaz xênhz thiaz ndax ndênhk, tsiv nhos zos kror qơư choz kria shuv xênhz  hair nênhs tsơưs.