Txix li huôz chuô ruôr hiav, ntơưv Sơn La, têx zav huôz chuô txơưr txar muôx yưv zênhv hnuz zênhv ntâu. Ntu shông 2017-2022, muôx têx jâus ntux nas hloz đêx huôv yôngz, tox poz tav siv thiaz hiav puôk ntâu ... uô tuôs 67 tus nênhs, 78 tus nênhs trâus moz; 709 luz tsêr vâu, mas đêx yôngz; yax 2.200 luz tsêr zuôr tâu txar, xav puôk tas yax 5.000 tỷ nhiax.

Chia cov sơưr đơưk pâuz lok sâuv qơư sơưr, phênhv shuôv hâur côngz xưv saiz car têz qơư lok sâuv phax tar huôz chuô txơưr txar, tsik so saiz car tài nguyên thiaz por hưv cêr nyiaz hur, shông 2021, UBPX tỉnh tưz tso chai lês Đề án cxơưz pênhr xưv trâu cán bộ saiz car têz qơưk lok sâuv huôz chuô txơưr txar, đros trâu cêr tuôr xav yiaz ntơưv Đảng, Chính phủ, Bộ Tài nguyên thiaz môi trường (TN&MT) lok sâuv huôz chuô txơưr txar; têx tsưr ziv lok sâuv huôz chuô txơưr txar; huôz chuô txơưr txar tưz hiav txos tỉnh cêr huôv tsar nhiax txiax - xã hội.

Jâus cơưv, têx đại biểu tâu têx báo cáo viên Sở Tài nguyên thiaz Môi trường kria 2 chuyên đề, li: Cêr chai, chỉ thị, nghị quyết ntơưv Đảng, nhiax txiax, cêr chai têz qơưk hâur Têz qơưk lok sâuv huôz chuô txơưr txar; huôz chuô txơưr txar thiaz têx txơưr tưz hiav txos cêr nox nhoz njias; saiz car Têz qơư lok sâuv huôz chuô txơưr txar; têx hâux lưv phax tar huôz chuô txơưr txar, txo tsơưs ntux nas hiav tưz tâu zôngv yênhx côngz hâur luz nênhx.

Têx đại biểu tưz saz lax, siz kria tsưr ziv lok sâuv phax tar huôz chuô txơưr txar tưz fuô lês trâu nhiak thax tsav; saz lax đơưk cêr phiv liv thâuv muôx yưv hâur luz nênhx. Tso tơưv iz cxia cêr xav chia cxơưz pênhr xưv saiz car Têz qơư lok sâuv huôz chuô txơưr txar, txo tsơưs ntux nas hiav fiv huv zuk thax tsav.

Jâus cơưv nhoz trâu têx hâux lưv fuô lês Đề án cxơưz pênhr xưv trâu cán bộ saiz car Têz qơưk lok sâuv huôz chuô txơưr txar thax tsav tỉnh Sơn La, paz muôx liv trâu cêr saiz car Têz qơưk lok sâuv huôz chuô txơưr txar, txo tsơưs ntux nas hiav ./.