Txuv Saz lax muôx nênhs hlôngr iz cxia đơn vị nhoz Sở Kôngz lông thiaz Môi trường; hur si Ban Thường vụ Đảng ủy xã Chiềng La đros Ban Giám hiệu, têx  khoa chuyên môn nhoz Yar cơưv Đại học Tây Bắc.

Xã Chiềng La muôx ar uô kôngz lông yax 4.400 ha đros trâu têx kôngz zov chênhr, muôx: Blêx liax, kol ntông; têx ntông công nghiệp yuôx zêx, cà phê; ntông nox txir cxuô zav đros têx txir tsơưz, mo môngk thiaz lưv tsiz… Xav hur si têx tsiax cxu ntơưv xã tâu yax 149 cxênhz tus, têx graix tsiax tsik tâu tuô siz bâus tâu 128 tấn/shông. Nhiv no, nhiax txiax kôngz lông ntơưv xã Chiềng La tâu xav yiaz ntơưv kror hlôngr ntơưv zuk tưx khưr, tưx zôngv trâu hla trâu uô hax huv. 

Iz chas ntơư, xã Chiềng La tsênhv chor nhov hâur cêr uô kôngz lông tiv uô tsik tâu ntâu, tsik tâu siz khov cov muôx gri; tox trôngz hâur pêk nxaz, tsik jông chos têx yuôx zêx, cà phê; pênhr xưv gruô hu pênhr thiaz sir zôngv khoa học, kỹ thuật uô kôngz ntơưv pêx xênhv tsik tâu txơưx tas; cêr zuôr muôs khov trâu têx tuz luôv ntâu, têx kôngz jêx jok tsik tâu muôx côngz bê lax luôv… Iz chas ntơư, pênhr xưv siz tưr zôngv tsưr ziv jông uô tơưv tsik tâu txơưx,… 

Đại biểu côngv Jâus saz lax tưz muôx ntâu luk xav txos faz huôv tsar kôngz lông ntơưv xã Chiềng La, li: Sir zôngv chuôz zênhx GIS cxênhz tox trôngz hâur pêk thiaz xav đuô têx kôngz ntông chos ntơưv xã Chiềng La; huôv vav nhiax txiax jêx jok đhâu HTX thiaz siz khov uô trơưk côngs huv zov chênhr; chos kôngz ntông siz shơư fiv huv kâuv têz hnuz pôngz; uô tơưv kôngz lông trơưk chai VietGap đros cêr huôv tsar huv OCOP…

Suôx câuv saz lax, Yar cơưv Đại học Tây Bắc thiaz UBPX xã Chiềng La tưz thôngz luk xav 3 faz uô zov chênhr cxơưz huôv tsar kôngz lông truôx njês. Trơưk ntơư, saiz hloz cêr xav uô tơưv kôngz lông zâu yênhx hax huv, fiv trâu cêr pâur muôs thiaz nênhs sir zôngv; cxiv kho kôngz lông Chiềng La muôx bê lax luôv đhâu HTX zuk thax tsav; sir jos siz khov uô tơưv, côngv đros “3 tus nênhs” ntơưv Têz qơưk – Nênhs xav khoa học – Nênhs uô kôngz, iz thênhv jux juk yôngv siaz qơư uô kôngz lông ntơưv xã Chiềng La.