Jias no muôx đồng chí Nguyễn Minh Tiến, Phó Chủ tịch UBPX tỉnh, Trưởng Ban Chox car tỉnh; têx đồng chí thành viên Ban Chox car tỉnh, thơưx car iz cxia sở, ban, ngành, đoàn thể tỉnh.

Lês luôs hâux lưv 500 hnuz hmo sir jos zok nriar thiaz tuôr xav mênhx têx liệt sĩ bê, chia saiz hloz 80 shông hnuz thương binh liệt sĩ, cấp uỷ, nov hâu, LLVT thiaz pêx xênhv tỉnh Sơn La taz tov moz siaz kriz lês jông hâux lưv zok nriar thiaz tuôr xav mênhx liệt sĩ têx bê hâur thax tsav tỉnh chia chox lok phâuk uô cê. 

Paz côngz xưv tưz cxok pax, hlơưr saz thiaz ndo txos têx Anh hùng liệt sĩ txiax njis lox hloz, tưz tas txox sia trâu cêr cxiv tsa têz qơưk. Ntơưv jias no, têx đại biểu chos luk zuôr thôngx siaz, nthuôr huôv jông cênhz xưv cxiv tsa têz qơưk; moz siaz sir jos hla đhâu cêr phiv liv, sir jos cxiv tsa thax tsav Sơn La zênhv hnuz zênhv huôv tsar, bluô nux, jông jav. 

Ban Chox car tỉnh cxiz cov phường Tô Hiệu moz siaz lês jông hâux lưv thiaz kria pâuz têx zav lês tâu thiaz tsik tâu, txix ntơư thôngx iz trôngs luk fuô lês hâur hur si tỉnh. Trơưk ntơư, hâux lưv cxênhz yuôx ntơưv Vax nza liệt sĩ phường Tô Hiệu mak zuôr cxênhz 115 luz nza tsik tâu pâuz mênhx bê./.