Tỉnh pêz muôx 35.812 tus nênhs muôx côngz trâu têz qơư, hâur ntơư, yax 2.000 tus nênhs tâu paz nhiax yênhx hli. Cias tov kaz têx nghị quyết, quyết định, chỉ thị ntơưv Trung ương Đảng, Quốc hội, Thủ tướng Chính phủ tso tơưv cêr chai paz nhiax cxiv puôz tsêr nhoz trâu ziv nênhs muôx côngz, tỉnh pêz tưz tsa tơưv Ban Chox car fuô lês kho tsêr đos đis,tsêr xâu nas thax tsav tỉnh, hâur ntơư xav cêr zaz zâuv, gruô hu pênhr nhiax xã hội paz đros nhiax Têz qơư uô tiar tsêr nhoz trâu nênhs muôx côngz trâu têz qơư, ziv pluôs, ziv jê cêr pluôs txov nhêv tsêr nhoz thax tsav tỉnh Sơn La uô ntêx hnuz 19/5/2025.

Gruô hu tas nro ndêx ntus chính trị, hâur ntơư côngv têx faz uô siz luôs jok. Hnuz 5/3/2025, UBPX tỉnh tso tơưv Quyết định số 509/QĐ-UBND cov lês Đề án paz nhiax nênhs muôx côngz trâu têz qơư thiaz nênhs cxênhz jêx nênhs tas siv nênhx viv têz qơư lok tsêr nhoz thax tsav tỉnh Sơn La. Đhâu cxênhz yuôx, hur si tỉnh muôx 178 ziv khov paz uô tsêr yiaz, kho tsêr nhoz (78 ziv uô yiaz, 100 ziv kho đuô). Tsêr nhoz yiaz tâu cxiv puôz tsuv chok nxiak kror lox đar sir zôngv zâu yax cux 30m²; zos zis nênhs tsik muôx nênhs tiz tus xưz mak puôz tsêr zâu yax cux tsuv muôx 24 thiar xưv phaz. Tsêr  nhoz cxiv puôz yiaz tsuv chok nxiak “3 khor” (khor plas, khor đros tsêr – khor nja, khor trur), khor txix 20 shông. Xav li tsêr nhoz kho đros tsêr, faz nja thiaz hlôngr yiaz trur tsêr nhoz mak kho tas tsuv txâuk chai xav “2 khor” (Khor đros – khor nja, khor trur), car ntêr txix 10 shông tror sâuv. Nhiax paz 60 triệu đaiv/zis xav li têx tsêr uô yiaz thiaz 30 triệu đaiv/ zis trâu têx tsêr kho đuô.

Thâuv ntu lês, ntâu ziv nênhs njiz cêr txov nhêv tiv tsik muôx nhiax, nênhs tưv jênhx, muôx hnuz nhôngs, đas jos ntâuk, tưz tâu cấp ủy, nov hâu, têx tổ chức đoàn thể thiaz têx công an, tuz lênhv côngv têk paz hnuz uô nuv, paz têx  ziv nênhs cxiv puôz, kho đuô tsêr nhoz. Txix ntơư, sir jos uô sai tiar têx công trình, txuôs nhiax paz pêx xênhv nzor uô tiar cêr cxiv puôz, kho đuô tsêr nhoz thiaz truôx njês ntu nênhx nhoz. Thâuv ntu lês, têx thax tsav tưz uô jông côngz xưv fuô kria txos pêx xênhv, côngv yuôx têx nênhs tsuv paz, tsêr nhoz, cêr khov ntơưv ziv pêx xênhv, huôv nzir chai vax huôv siz luôs, zos lưv ciz kria.

Txix li paz max ntơưv cấp ủy, nov hâu thiaz pêx xênhv, têx luz tsêr sor siaz, txiax njis puôr lênhx uô tiar li hnuz nhôngs uô, cêr xav tso tơưv. Txos luz 5/2025, hur si  tỉnh tưz uô tiar kho tsêr đos đis, tsêr xâu nas trâu 178 ziv muôx nênhs muôx côngz, nênhs cxênhz jê tas siv nênhx viv têz qơư kho uô tsêr yiaz lok sik kho đuô tsêr nhoz zos Đề án, tâu 100%. Cax siaz, lax thav mak zos têx cêr xav tiz zav ntơưv têx nênhs muôx côngz trâu têz qơư thiaz nênhs cxênhz jê muôx nênhs tas siv nênhx thâuv lok nhoz hâur luz tsêr yiaz. Txơưv tsik zos têx tsêr lox, muôx gri ntâu, taz sik ntơư zos tuôv txênhv tsik muôx đaz tsi vênhv tâu gri, zos cêr shir phaz thiaz muôx luz nênhx nhoz jông đuô, ndo txiax njis yar ntux paz trâu têz qơư ntơưv têx nênhs muôx côngz thiaz nênhs cxênhz jê ntơưv nênhs tas siv nênhx viv têz qơư.

Zos iz hâur têx ziv nênhs tâu paz 60 triệu đaiv nhiax chia uô tsêr yiaz nhoz, bệnh binh Nguyễn Văn Tuất, zus shông 1955, phường Tô Hiệu, lok sik kaz siaz thâuv tov kaz 3 luz hli uô, luz tsêr khaz sênhz, truôx khor ntơưv nưk ziv nênhs tưz uô tiar. Zơưs tsik tâu nhoz hâur luz tsêr kâus kêz jik, xâu nas zos cêr khov puôs nzor ntơưv zơưs ziv nênhs. Zơưs Tuất thav pâuz: Luz tsêr yiaz chuôs li cxaz nzir jos chia cur hla đhâu cêr txov nhêv. Ntơư zos poz huv muôx nux gri yax  hlo trâu cur ziv nênhs, zos cêr moz siaz ntơưv Đảng, Têz qơư, ntơưv tỉnh cur zuôr zênhx saiz hloz, ndo njôngr. Shông no tâu nox Tsiaz hâur luz tsêr yiaz, khaz sênhz, cur ziv nênhs lênhx tưs cux jông siaz.

Têx luz tsêr yiaz tâu zok zos tiz nênhs pov njôngr cêr hluz nênhs hâur txox chai paz nhiax ntơưv Đảng, Têz qơưk thiaz cêr moz siaz ntơưv tỉnh, thax tsav txos ziv nênhs muôx côngz. Ntơưv no zos hâux lưv ndo txiax njis têx cêr paz trâu jêx jok, têz qơưk, đros ntơư paz têx ziv nênhs truôx njês ntu nênhx,chuôz jos chia nênhs muôx côngz thiaz nênhs cxênhz jê nênhs tas siv nênhx viv têz qơư tso siaz khưr, huôv vav nhiax txiax.