Zơưs Lê Trọng Bình, Chủ tịch UBPX huyện, haik pâuz: UBPX huyện tưz chox car fuô lês jông têx hâux lưv ntơưv đề án. Txos nhiv no, muôx 35/43 tiêu chí uô tâu thiaz yax chỉ tiêu đề án tso tơưv, tâu: Pêx xênhv, tsêr luôv txâuk siaz lok sâuv tu têx ntâuz ntơưr têz qơưk tâu tsơưs yax 90% tror sâur; txâuk siaz lok sâuv tu têx ntâuz ntơưr têz qơưk lok sâuv saz đêx ar, cxiv puôz, muôz nhiax uô cxuô zav tâu tsơưs yax 80% tror sâur; muôz nhiax têz qơưk uô hâux lưv hâur cxuô shông tâu txix 90% tror sâur. Yuôr 8 tiêu chí taz tov lês tâu jông njuôk li chỉ tiêu đề án tso tơưv.

Lês hâux lưv hlôngr uô ntâuz ntơưr têz qơưk, yax hlo zos têx ntâuz ntơưr cik txos pêx xênhv, tsêr luôv, muôx 517 zav ntâuz ntơưr taz tov tâu nhav thiaz uô tâu thiv ntâuz ntơưr iz luz kror trôngx, hâur ntơư, 291 zav ntâuz ntơưr trơưk vax huôv ntơưv têx cơ quan, đơn vị saiz car; 68 zav ntâuz ntơưr nhoz hâur têx đơn vị ngành saiz car thôngz plơưk, 158 zav ntâuz ntơưr cấp xã. Mộc Châu tưz lês tiar hâux lưv tso 204 zav ntâuz ntơưr cấp huyện thiaz 60 zav ntâuz ntơưr cấp xã trâu sâuv đruôz mair iz luz kror trôngx điện tử... têx ntâuz ntơưr tu trơưk six hơưv thiaz uô ntêx six hơưv tênhv tâu 99,9%. Shông 2021 thiaz 2022, UBPX huyện Mộc Châu sơưr tiv iz thiaz oz têx huyện, thành phố lol sâuv lês hâux lưv hlôngr uô ntâuz ntơưr têz qơưk.

Hla trâu hâux lưv uô têx ntâuz ntơưr cov tâu jông, lês hâux lưv viv pêx xênhv, huyện Mộc Châu nhiv kruôr kriz siv kror qơư “Nov hâu lês hâux lưv huv pêx xênhv siaz” thị trấn Mộc Châu trâu luz hli 7/2023. Pos Lê Thị Thanh Thủy, Chủ tịch UBPX thị trấn Mộc Châu, haik pâuz: Kror qơư no tưz lês tâu hâux lưv jông, tsưr ziv lês hâux lưv ntơưv cán bộ, công chức thị trấn Mộc Châu tưz tâu hlôngr yiaz trơưk faz zôngx ziv đuô. Pêx xênhv tuôx uô ntâuz ntơưr tâu têx cán bộ, công chức moz siaz cxơưz paz, kria hur tiz si. Viv li, têx ntâuz ntơưr tưz tâu tu zênhx max, zôngx ziv. Phênhv ntâu têx ntâuz ntơưr ntơưv qơư uô ntâuz ntơưr iz luz kror trôngx tâu tu cias hnuz nhav tâu ntoưr, têx ntâuz ntơưr tu tiar uô ntêx six hơưv tâu yax 80%, tsik muôx ntâuz ntơưr kênhz.

Zênhx max, ndax ndênhk, zôngx ziv mal zos têx paz pơưs, tus khênhx thâuv tuôx uô hâux lưv ntơưv qơư nhav thiaz thiv ntâuz ntơưr thị trấn Mộc Châu têx lul kruôk txos. Pos Bùi Thị Vân, tiểu khu 3, thị trấn Mộc Châu, haik pâuz: Uô ntâuz ntơưr têz qơưk nhiv no lok six zôngx ziv, tas nro sơưr đơưk tuôx uô hâux lưv puôr lênhx sir zôngv xor tôngx quét mã cxix cxuô. Cur tuôx uô ntâuz ntơưr, mal uô tâu huv siaz.

Lês têx hâux lưv cxiv tsa nov hâu điện tử, nov hâu số, UBPX huyện chox car têx cơ quan, đơn vị fuô lês tsưr ziv uô têx ntâuz ntơưr sâuv mạng; sâuv phênhv đruôz mair saiz car ntâuz ntơưr cơ quan, đơn vị. Tsưx truôx sir zôngv tâu jông têx phênhv đruôz mair saiz car ntâuz ntơưr, qơư gruôv ntơưr đruôz mair têz qơưk, têx qơư cơưv đhâu tivi 3 cấp (tỉnh, huyện, xã). Têx ntâuz ntơưr iz luz kror trôngx điện tử tâu fuô lês txos 15/15 têx xã, thị trấn; tror đros Trung tâm Công nghệ thông tin tỉnh lês hâux lưv hlôngr uô ntâuz ntơưr têz qơưk hâur qơư uô hâux lưv, điện tử cấp huyện, xã trâu sâuv đruôz mair iz luz kror trôngx điện tử; uô ntâuz ntơưr sâuv mạng thênhv 4 trâu 201 zav ntâuz ntơưr cấp huyện thiaz 5 zav ntâuz ntơưr cấp xã; têx ntâuz ntơưr tâu lês sâuv mạng tâu 60%.

Sir zôngv chữ kir số hâur têx cơ quan têz qơưk trâu UBPX huyện thiaz UBPX têx xã, thị trấn saiz car chia cov uô têx ntâuz ntơưr điện tử tâu sai, zôngx ziv, nhaz xênhz; txo tsơưs six hơưv kir thiaz nhiax txiax, xa ntâuz ntơưr; thôngz huyện tưz tâu muôz 97 chứng thư số, hâur ntơư muôx 30 chứng thư số tâu muôz trâu têx cơ quan, đơn vị, xã, thị trấn; 67 chứng thư muôz trâu tus khênhx zos thơưx car UBPX huyện, thơưx car têx phòng, ban chuyên môn zos UBPX huyện, cxuô xã, thị trấn saiz car; têx ntâuz ntơưr kir số thơưx car huyện, thơưx car têx cơ quan, đơn vị tâu yax 98%; thơưx car têx xã, thị trấn tâu yax 97%.

Huyện tưz đros VNPT-Sơn La uô hâux lưv chia thôngx iz trôngs luk cxiv tsa Trung tâm saiz car huyện Mộc Châu. Uô tiar thiaz muôz lok zôngv ntơưr kria nuôv zax 3D/360 huyện Mộc Châu ntơưv qơư: https://3dmocchau.com/. Đros Công ty cổ phần IGB fuô lês cxiv tsa Phênhv đruôz mair nuôv zax huyện Mộc Châu, chia paz trâu côngz xưv fuô kria nuôv zax Mộc Châu. Shông 2022, sơưr ti iz hâur têx huyện, thành phố lok sâuv lês nov hâu số.

Đros trâu têx tsưr ziv mênhx pêv, tâu cấp ủy, nov hâu moz siaz txos, Mộc Châu iz thênhv jux juk cxiv tsa nov hâu lês tâu jông hâux lưv đuô thiaz paz muôx qơư uô hâux lưv nhaz xênhz chia gruô hu tâu cxuô tus khênhx, paz pơưs muôz nhiax cxiv puôz, cxơưz paz huôv tsar nhiax txiax - xã hội hâur thax tsav.