Jias no muôx đồng chí Cầm Thị Huyền Trang, Phó Chủ tịch Ủy ban MTTQ Việt Nam tỉnh, Bí thư Tỉnh đoàn; thơưx car cxuô sở, ban, ngành ntơưv tỉnh; têx thanh niên xung phong lâuk, đoàn viên hluôk nênhs thiaz shuv xênhz. Cxiax cxênhv tâu livestream sâuv têx cxênhv cxênhv số ntơưv Báo thiaz Xor tôngx chuô, Xa đuôz Sơn La.

Hâur jias tir ntâuk tsav tros Điện Biên Phủ, Cêr yuôv Cò Nòi lok six zov chênhr. Đros trâu sir jos por hưv txox cêr muk lok thôngz plơưk, yax 18.200 tus thanh niên xung phong nhoz cxuô kror qơư hâur tỉnh Sơn La uô trơưk ndâux luk gruô hu tưz côngv sơưr tuôx tir ntâuk tsav tros, yax 100 tus thanh niên xung phong tưz tas txox sia viv têz viv qơư, côngv đas jos tir ntâuk zênhx tsav tros Điện Biên Phủ nto mông lus.

Đros ndo txiax njis fâuv lâuk ntơưv hluôk nênhs cxuô hair nênhs tỉnh Sơn La. Cxiax cxênhx nthuôr cêr lov jêv “Thanh niên xung phong chi nja iaz” tâu Tỉnh đoàn siz chos kriz chia ndo txiax njis têx nênhs tưz tas txo sia viv têz viv qơư. Đros ntơư, tsênhv zos jias chia choz kria cênhz cưv uô têz uô qơư trâu fâuv hluôk.

Jias no, cxuô đại biểu tưz tâu mnôngs têx thanh niên xung phong lâuk thav pâuz ntu tir ntâuk tsav tros txov nhêv njuôr ntơưv Cêr yuôv Cò Nòi đrav ntêx. Cxiax cxênhv tsênhv kriz jias đros têx thanh niên xung phong lâuk thiaz nênhs hlôngr njêx muôs fâuv hluôk Sơn La thav txos têx nênhs tưz tas txox sia viv têz viv qơư. Fâuv hluôk têx ndâux luk ndo txiax njis têx fâuv lâuk. Têx jax đaz nênhs thav txos ntu tưz muk đhâu uô trâu têx đại biểu pôngz ntâu cuô muôs.

Ntơưv cxiax cxênhv, têx đại biểu, đoàn viên hluôk nênhs tưz tâu saiz 3 jax đuôz: “Têx nênhs sơưr tuôx muk por hưv têz qơưk”, “Cêr yuôv Cò Nòi –Jax đaz nênhs yênhx tiav nênhv tsênhv nhoz trơưr”, “Txuôs jông thanh niên xung phong cêr uô têz uô qơư”. Têx jax đuôz cơư txiax njis Cêr yuôv Cò Nòi hâur ntu tir ntâuk tsav tros Điện Biên Phủ yax 70 shông đrav ntêx, truôx siaz, tsik nyai tuôs sơưr tuôx tir ntâuk zênhx tsav tros ntơưv tsôngv thanh niên xung phong tỉnh Sơn La. Nhiv no puôr fênhx Cêr yuôv Cò Nòi taz tov tâu moz siaz por hưv jông, yênhx “kror qơư zov chênhr" choz kria cênhz cưv uô têz uô qơư trâu fâuv hluôk. Hluôk nênhs Sơn La chos luk tror txuôs jông têz qơưk cênhz cưv nto mông trâu ntu nênhx yiaz nhiv no. 

Cxiax cxênhv tsênhv nthuôr haik têx jax cưr cxiax sênhr chêr jông li: Haik jax cưr cxiax sênhr chêr “ Việt Nam muôx lênhx”, “Ndo njôngr Cò Nòi tsik plox trâu đruôz siaz”, “Muôx têx shông muôx 20 shông li ntơư”, “Jax gâux Hluôk nênhs Sơn La”; “Muôx pêz hluôk nênhs Việt Nam”… zos têx cưk haik cưr cxiax, sênhr chêr hâur Tsêr haik cưr cxiax sênhr chêr tỉnh thiaz têx thanh niên xung phong lâuk siz chos nthuôr uô trâu tiz nênhs tuôx saiz kruôk nxiak thiaz pôngz ntâu cuô muôs, 

Cxiax cxênhv nthuôr cêr lov jêv “Thanh niên xung phong chi nja iaz” zos luôs hâux lưv lok six zov chênhr chia ndo txiax njis têx nênhs tưz tas txox sia viv têz viv qơư ntơưv Cêr yuôv Cò Nòi; Uô tsâus ntâu thiaz lês tiar phênhv shuôv hluôk nênhs nhiv no tror txuôs jông, huôv tsar fâuv lâuk cênhz cưv nto mông, sir jos côngv tas đas jos thiaz tsưr ziv cxiv tsa thax tsav zênhv hnuz zênhv tsik tsês hlôngr yiaz.