Paz côngz xưv tưz muk hlơưr shaz Tsêr ndo txiax njis têx Anh hùng liệt sĩ; muk shuôk Puôr fênhx têz qơưk lok six zov chênhr Tsêr tux Sơn La, txơưx pâuz lok sâuv luz bê, qơư nhoz, xưv cxênhx uô têz uô qơư ntơưv tus nênhs cách mạng, chiến sĩ Tô Hiệu, lok sâuv luz nênhx, ntu tir ntâuk tsav tros, nhiav luz nênhx thiaz muôx phaz nzưr ntơưv têx chiến sĩ cộng sản.

Hâur jias no, 95 tus hluôk zos shuv xênhz ntơưv Yar cơưv THPT Chuyên Sơn La thiaz Trung tâm choz kria ntơưr tsik tsês tỉnh tưz tsa nhoz hâur Đoàn TNCS Hồ Chí Minh. Ntơư zos têx hluôk nênhs tsiv txiax cơưv txơưx cơưv coz thiaz lês jông têx hâux lưv, cêr sik tưr hâur yar cơưv, tâu Đoàn Yar cơưv xair tsov.

Ntơư zos iz hâur têx hâux lưv saiz hloz Hli Hluôk nênhs thiaz saiz hloz 95 shông Hnuz tsa tâu Đoàn TNCS Hồ Chí Minh (26/3/1931- 26/3/2026). Đhâu no, chia choz kria cênhz cưv nhiav têz nhiav qơư, siaz xav cách mạng trâu hluôk nênhs, uô tiar phênhv shuôv ntơưv fâuv hluôs hâur cêr sik tưr cơưv shâuv cêr tsiv txiax, paz cxiv tsa tổ chức Đoàn zênhv hnuz zênhv huôv tsar đơưz hur truôx njês.