Jiias no muôx đồng chí Hoàng Thị Đôi, Ủy viên Hội đồng Dân tộc ntơưv Quốc hội, Lưv Thơưx paz chuyên trách Paz đại biểu Quốc hội tỉnh; thơưx car iz cxia sở, ban, ngành ntơưv tỉnh, Ban Chỉ huy Tuz lênhv Đriv têz tỉnh, xã Chiềng Sơn; nênhs hlôngr njêx muôs têx tsêr luôv thiaz tus nênhs paz. 

Ntơưv cxiax cxênhv, têx đơn vị tưz puz qix Têz qơưk, đuôz Zơưv Hloz Hôx trâu 24 luz jok ntơưv xã Chiềng Sơn; krưr 31 hnaz huv trâu têx ziv nênhs muôx côngz; 216 hnaz huv Tsiaz trâu hội viên pox niav pluôs, ziv nênhs txov nhêv hâur thax tsav xã; 50 hnaz cuô mik nhux trâu Yar cơưv Mầm non Chiềng Sơn. Xav hur si yax 500 triệu nhiax.

Ndax jias no, Hội Liên hiệp Pox niav phường Tô Hiệu tưz krưr 35 hnaz huv, Hội Liên hiệp Pox niav phường Chiềng Sinh krưr 15 hnaz huv thiaz Ban Pox niav Công an tỉnh krưr 20 hnaz huv thiaz 1 thôngz yo ntêr trâu hội viên pox niav, ziv nênhs muôx luz nênhx txov nhêv.

Ntơưv cxiax cxênhv tsênhv nthuôr ntâu hâux lưv đrông ntưk li: Tưr krưr nduôr txâuv puôz, truz hluô, qar tsêr huv tsik tas nhiax zuôr thiaz cxiax cxênhv txiar plâuz hâu tsik zuôr nhiax trâu shuv xênhz, pêx xênhv hâur thax tsav xã.

Têx hâux lưv paz cxơưz cêr sor siaz, shir phaz hâur jias shông lâuk tas shông yiaz tuôx; đros ntơư paz pox niav thax tsav đriv têz sir jos hla đhâu cêr txov nhêv, cxơưz vax huôv zov chênhr hâur ziv nênhs thiaz jêx jok, paz chox tâu tuz lênhv thiaz pêx xênhv cêr thôngx siaz, tsưx truôx đriv têz nhoz njias to.