Cias hâu shông, Ban chox car cxiv tsa jêx jok yiaz ntơưv huyện Quỳnh Nhai thiaz cxuô xã tưz tso tơưv têx ntâuz ntơưr chox car fuô lês hâux lưv cxiv tsa jêx jok yiaz hov jông thiaz jêx jok yiaz hâur thax tsav. Tsik tsês cxênhz yuôx, phaiz hâux lưv uô mênhx pêv trâu yênhx tus nênhs, kria têx hâux lưv uô txos tưs, têx zav uô tâu thiaz hâux lưv lol sâuv fuô lês têx tsưr ziv; gruô hu têx paz nênhs, tus khênhx siaz jông, têx tsêr luôv côngv nhiax cxiv puôz vax tsêr, kriz cêr muk lok hâur jêx jok; moz siaz tso tơưv têx tsưr ziv paz pêx xênhv sâu nju nhiax txiax…

Txos nhiv no, xã Chiềng Bằng, tưz uô tiar 14/19 tsưr ziv đros trâu 65/75 chỉ tiêu trơưk Bộ tiêu chí Têz qơưk lok sâuv cxiv tsa jêx jok yiaz hov jông ntu 2021-2025. Têx tsưr ziv tsênhv tsik tâu uô tiar li: Tsov xav, cêr muk lok, txux chi, huôv tsar kôngz lông, kho moz.

Đros trâu xã Chiềng Khoang, tưz uô tiar 10/19 tsưr ziv muôx 58/75 chỉ tiêu. Têx chỉ tiêu tsênhv tsik tâu uô tiar li: njuôk xav, cêr muk lok, choz kria ntơưr, sâu tâu nhiax, ziv pluôs, nênhs uô nuv, huôv tsar kôngz lông, kho moz thiaz por hưv đêx ar huôz chuô.

Nênhs hlôngr njêx muôs oz xã tưz khov Paz côngz xưv thiaz huyện Quỳnh Nhai zênhx max muôz nhiax uô txox cêr muk lok hâur jêx jok; paz uô kror đêx hur sir zôngv; muôz nhiax cxiv puôz uô tsêr kho moz txâuk chai; kria tsưr ziv trâu xã lol sâuv cxênhz yuôx, lês tiar têx tsưr ziv tsênhv tsik tâu uô tiar, tsik cxix cxuô chia uô tiar tsưr ziv txâuk chai jêx jok yiaz hov jông.

Paz côngz xưv cxiz cov Ban Chox car cxiv tsa jêx jok yiaz huyện Quỳnh Nhai thiaz 2 xã Chiềng Bằng, Chiềng Khoang tror cxênhz mênhx pêv yênhx tsưr ziv. Tsênhr cov huyện Quỳnh Nhai zênhx max paz, cxaz nzir nhiax chia puôz tiar vax tsêr, kriz cêr muk lok, têx ntâuz ntơưr công nhav têx huv OCOP hâur thax tsav têx xã.

Cxuô sở, ban, ngành ntơưv tỉnh kria pâuz hâux lưv fuô lês têx tsưr ziv tsênhv tsik tâu uô tiar. Tror gruô hu tiz nênhs côngv nhiax kriz cêr muk lok hâur jêx jok, cxơưz pênhr xưv têx tổ chức, đoàn thể vax huôv lol sâuv cxiv tsa têx tsưr ziv chia paz pêx xênhv huôv tsar nhiax txiax, iz phênhv tưs sâu nju nhiax sir zôngv; tsik so tso tơưv têx tsưr ziv por hưv đêx ar huôz chuô jêx jok yiaz hur, sir jos cov tâu côngz jêx jok yiaz hov jông trơưk li tsưr ziv tưz tso tơưv./.