Txix hâu ntu txos nhiv no, têx cấp hội pox niav thax tsav tỉnh tưz lês muôx liv têx cêr tuôr xav nghị quyết đại hội đại biểu pox niav têx cấp; lês tâu thiaz yax 10/11 cêr xav Nghị quyết Đại hội đại biểu Pox niav tỉnh Sơn La jâus tiv 13. Têx cơ sở hội zos Hội pox niav saiz car têx hâux lưv siz tưr, fuô lês ntơưv thax tsav, đơn vị; tưz kruôk txos 2.641 tus pox niav tâu côngz “Pox niav nto mông” lês cêr siz tưr, cơưv shâuv thiaz uô trơưk siaz xav, hâux lưv, chux pưv Hồ Chí Minh.

Txix shông 2021 txos nhiv no, hội pox niav têx cấp tưz paz 3.330 ziv pox niav pluôs, jê cêr pluôs, hâur ntơư, muôx 870 ziv hla đhâu cêr pluôs; cxơưz paz pênhr xưv trâu 785 tus pox niav uô thơưx car tsêr luôv, saiz car HTX, ziv nênhs uô luôv; tsa tơưv yiaz 23 HTX muôx pox niav saiz car. Zaz zâuv, paz yax 42.200 ziv nênhs tâu cêr xav “Ziv nênhs 5 tsik muôx, 3 hur”; 204 cơ sở hội chos luk thiaz lês 580 zav hâux lưv, chia cxiv kho jêx jok yiaz, jêx jok yiaz hov jông, jêx jok yiaz zav yiaz thiaz đrôngs vav mênhx.

Đros ntơư, lês muôx liv têx hâux lưv uô nênhx yar ntux trâu sơưr đơưk, xav nux gri yax 1,1 tiv nhiax; 222 tus mê nhuôv njuôs tâu têx cấp hội nhav paz cxơưz trơưk cxiax cxênhv “Niav paz zus”, đros hur si têx nhiax paz zuôr luôs 2,6 tiv nhiax; zaz zâuv côngv paz tâu 2,15 tiv nhiax cxiv puôz 71 “Luz tsêr siz hluz”;  paz “Hnuz viv nênhs pluôs” yax 1,3 tiv đaiv; zaz zâuv yax 1,6 tiv đaiv lês cxiax cxênhv “Chuôz jos paz mê nhuôv muk cơưv ntơưr”, puz nhiax cơưv ntơưr trâu shuv xênhz pluôs truôx siaz cơưv ntơưr…

Ntu zuôr txos no, têx cấp hội pox niav zuôr tsik so zaz zâuv hội viên trâu siaz lês cêr siz tưr nhiav têz qơư; fuô kria, kruôk têx qơư uô hâux lưv muôx txiax njis, faz tsưr ziv yiaz, txơưx fiv. Sir zôngv chuôz zênhx fuô mông, hlôngr pâur số hâur côngz xưv chox car, chox uô thiaz lês hâux lưv hội. Lês tâu jông hâux lưv siz côngv ntơưv Hội LHPN đros têx cấp nov hâu, têx đoàn thể. Lês trơưr thiaz sir jos côngv hâur fuô lês têx đề án, têx cxiax cxênhv têz qơưk xav, têx cxiax cxênhv huôv tsar nhiax txiax, xã hội ntơưv zuk thax tsav...

Ndax trâu jâus no, Hội LHPN tỉnh Sơn La tưz puz ntơưr kruôk 20 paz, 19 tus khênhx muôx jông nuv yax hâur đraz ntu đhâu; puz ntơưr kruôk 20 tus khênhx tâu côngz “Pox niav nto mông” ntu 2021 - 2024./.